ਸਮੱਗਰੀ-ਇੱਕ ਕੱਪ ਕੱਚੇ ਚੌਲ, ਇੱਕ ਕੱਪ ਉਬਲੇ ਚੌਲ, ਇੱਕ ਕੱਪ ਕੱਦੂਕਸ ਕੀਤਾ ਹੋਇਆ ਪਨੀਰ, ਦੋ ਕਟੀਆਂ ਹਰੀਆਂ ਮਿਰਚਾਂ, ਇੱਕ ਚਮਚ ਕੱਟਿਆ ਹੋਇਆ ਹਰਾ ਧਨੀਆ, ਰੋਸਟ ਕਰਨ ਲਈ ਤੇਲ, ਸਵਾਦ ਅਨੁਸਾਰ ਨਮਕ।
ਵਿਧੀ-ਕੱਚੇ ਚੌਲਾਂ ਅਤੇ ਉਬਲੇ ਹੋਏ ਚੌਲਾਂ ਨੂੰ ਇਕੱਠੇ ਦੋ ਘੰਟੇ ਲਈ ਭਿਉਂ ਦਿਓ। ਫਿਰ ਦੋਵਾਂ ਨੂੰ ਪੀਸ ਕੇ ਬਰੀਕ ਪੇਸਟ ਬਣਾ ਲਓ। ਜ਼ਰੂਰਤ ਪਏ ਤਾਂ ਪੀਸਦੇ ਸਮੇਂ ਥੋੜ੍ਹਾ ਜਿਹਾ ਨਮਕ ਮਿਲਾ ਲਓ। ਫਿਰ ਪਨੀਰ, ਹਰੀ ਮਿਰਚ, ਕੱਟਿਆ ਹੋਇਆ ਧਨੀਆ ਚੌਲਾਂ ਦੇ ਪੇਸਟ ਵਿੱਚ ਚੰਗੀ ਤਰ੍ਹਾਂ ਮਿਕਸ ਕਰੋ। ਡੋਸਾ ਪੈਨ ਨੂੰ ਗਰਮ ਕਰੋ ਅਤੇ ਇੱਕ ਵੱਡਾ ਚਮਚ ਭਰ ਕੇਡੋਸਾ ਪੇਸਟ ਨੂੰ ਤਵੇ 'ਤੇ ਪਾਓ ਤੇ ਗੋਲਾਈ ਵਿੱਚ ਘੁਮਾਉਂਦੇ ਹੋਏ ਫੈਲਾ ਦਿਓ। ਹਲਕਾ ਮੋਟਾ ਰੱਖੋ, ਡੋਸੇ ਦੇ ਚਾਰੇ ਪਾਸੇ ਥੋੜ੍ਹਾ ਤੇਲ ਫੈਲਾਓ। ਮੱਧਮ ਸੇਕ 'ਚ ਠੀਕ ਤਰ੍ਹਾਂ ਨਾਲ ਪਕਣ ਦਿਓ। ਇਸ ਨੂੰ ਨਾਰੀਅਲ ਦੀ ਚਟਣੀ ਅਤੇ ਸਾਂਬਰ ਨਾਲ ਗਰਮਾ-ਗਰਮ ਪਰੋਸੋ।