‘ਬਾਹੁਬਲੀ’ ਅਭਿਨੇਤਾ ਪ੍ਰਭਾਸ਼ ਆਪਣੀ ਅਗਲੀ ਐਕਸ਼ਨ ਫਿਲਮ ‘ਸਾਹੋ’ ਵਿੱਚ ਸ਼ਰਧਾ ਕਪੂਰ ਦੇ ਨਾਲ ਨਜ਼ਰ ਆਉਣਗੇ। ਫਿਲਮ ਨੂੰ ਹਿੰਦੀ ਦੇ ਇਲਾਵਾ ਤੇਲਗੂ ਤੇ ਤਮਿਲ ਭਾਸ਼ਾ ਵਿੱਚ ਇਕੱਠੇ ਸ਼ੂਟ ਕੀਤਾ ਗਿਆ ਹੈ। ਸ਼ਰਧਾ ਕਪੂਰ ਦੇ ਲਈ ਖੇਤਰੀ ਭਾਸ਼ਾਵਾਂ ਵਿੱਚ ਸ਼ੂਟਿੰਗ ਕਰਨ ਦਾ ਇਹ ਪਹਿਲਾ ਅਨੁਭਵ ਹੈ। ਇਸ ਦੇ ਬਾਵਜੂਦ ਉਸ ਨੂੰ ਪੂਰੀ ਪ੍ਰਕਿਰਿਆ ਵਿੱਚ ਮੁਸ਼ਕਲ ਨਹੀਂ ਹੋ ਰਹੀ। ਉਸ ਦੀ ਇੱਕ ਵਜ੍ਹਾ ਪ੍ਰਭਾਸ਼ ਹਨ।
ਪ੍ਰਭਾਸ਼, ਸਾਊਥ ਦੀਆਂ ਭਾਸ਼ਾਵਾਂ ਉਤੇ ਚੰਗੀ ਪਕੜ ਰੱਖਦੇ ਹਨ ਤੇ ਉਹ ਸ਼ਰਧਾ ਨੂੰ ਭਾਸ਼ਾ ਸਿੱਖਣ ਵਿੱਚ ਮਦਦ ਕਰ ਰਹੇ ਹਨ। ਇਸ ਵਜ੍ਹਾ ਨਾਲ ਸ਼ਰਧਾ ਨੂੰ ਕਾਫੀ ਆਸਾਨੀ ਹੋ ਰਹੀ ਹੈ। ਪ੍ਰਭਾਸ਼ ਦੇ ਨਾਲ ਫਿਲਮ ਦੀ ਸ਼ੂਟਿੰਗ ਦੇ ਲਈ ਸ਼ਰਧਾ ਕਪੂਰ ਅਕਸਰ ਮੁੰਬਈ ਅਤੇ ਹੈਦਰਾਬਾਦ ਵਿੱਚ ਭੱਜ-ਦੌੜ ਕਰਦੀ ਹੈ। ਪਿੱਛੇ ਜਿਹੇ ਰਿਲੀਜ਼ ਹੋਏ ‘ਸਾਹੋ' ਦੇ ਟੀਜ਼ਰ ਵਿੱਚ ਪ੍ਰਭਾਸ਼ ਦਾ ਨਵਾਂ ਅਤੇ ਸਟਾਈਲਿਸ਼ ਲੁਕ ਦੇਖਣ ਨੂੰ ਮਿਲਿਆ ਸੀ। ਨਾਲ ਆਬੂ ਧਾਬੀ ਸ਼ਡਿਊਲ ਦੀ ਵੀ ਝਲਕ ਦੇਖਣ ਨੂੰ ਮਿਲੀ, ਜਿੱਥੇ ‘ਸਾਹੋ' ਦੀ ਟੀਮ ਨੇ ਇੰਡਸਟਰੀ ਦੇ ਸਭ ਤੋਂ ਮਹਿੰਗੇ ਐਕਸ਼ਨ ਦਿ੍ਰਸ਼ਾਂ ਵਿੱਚੋਂ ਇੱਕ ਦੀ ਸ਼ੂਟਿੰਗ ਕੀਤੀ ਸੀ। ਇਹ ਪਹਿਲਾ ਮੌਕਾ ਹੈ, ਜਦੋਂ ਪ੍ਰਭਾਸ਼ ਤੇ ਸ਼ਰਧਾ ਕਪੂਰ ਦੀ ਜੋੜੀ ਸਕਰੀਨ 'ਤੇ ਇਕੱਠੇ ਨਜ਼ਰ ਆਏਗੀ। ਉਥੇ ਬਾਹੂਬਲੀ ਸੀਰੀਜ਼ ਦੇ ਬਾਅਦ ਪ੍ਰਭਾਸ ਦੀ ਇਹ ਪਹਿਲੀ ਹਿੰਦੀ ਫਿਲਮ ਹੋਵੇਗੀ।