ਸੁਪਰਸਟਾਰ ਰਜਨੀਕਾਂਤ ਮਾਰਚ ਵਿੱਚ ਆਪਣੀ ਨਵੀਂ ਫਿਲਮ ਸ਼ੁਰੂ ਕਰਨ ਵਾਲੇ ਹਨ, ਜਿਸ ਨੂੰ ਡਾਇਰੈਕਟਰ ਏ ਆਰ ਮੁਰੂਗਦਾਸ ਡਾਇਰੈਕਟ ਕਰਨਗੇ। ਰਜਨੀ ਨੇ ਇਸ ਪਾਲੀਟੀਕਲ ਡਰਾਮਾ ਫਿਲਮ ਦੇ ਲਈ ਮੇਕਰਸ ਨੂੰ ਨੱਬੇ ਦਿਨ ਦਾ ਸਮਾਂ ਦਿੱਤਾ ਹੈ। ਖਾਸ ਗੱਲ ਇਹ ਕਿ ਉਨ੍ਹਾਂ ਨੇ ਆਪਣੀ ਫੀਸ ਘਟਾਈ ਹੈ। ਇਸ ਫਿਲਮ ਨੂੰ ਲਾਈਕਾ ਪ੍ਰੋਡਕਸ਼ਨ ਪ੍ਰੋਡਿਊਸ ਕਰੇਗਾ, ਜਿਸ ਨੇ ਰਜਨੀਕਾਂਤ ਦੀ ‘2.0’ ਵੀ ਪ੍ਰੋਡਿਊਸ ਕੀਤੀ ਸੀ। ‘2.0’ ਨੇ ਬਾਕਸ ਆਫਿਸ 'ਤੇ ਧਮਾਕੇਦਾਰ ਅੰਕੜੇ ਤਾਂ ਹਾਸਲ ਕੀਤੇ ਸਨ, ਪਰ ਇਸ ਨੂੰ ਪ੍ਰਾਫਿਟੇਬਲ ਪ੍ਰੋਜੈਕਟ ਨਹੀਂ ਮੰਨਿਆ ਗਿਆ, ਕਿਉਂਕਿ ਫਿਲਮ ਨੇ ਆਸ ਦੇ ਮੁਤਾਬਕ ਕਮਾਈ ਨਹੀਂ ਕੀਤੀ ਸੀ। ਇਹੀ ਕਾਰਨ ਹੈ ਕਿ ਰਜਨੀਕਾਂਤ ਨੇ ਆਪਣੀ ਫੀਸ ਘਟਾਈ ਹੈ।