Welcome to Canadian Punjabi Post
Follow us on

18

April 2019
ਪੰਜਾਬ

ਅੱਠ ਕੇਸਾਂ ਵਿੱਚ ਲੋੜੀਂਦਾ ਗੈਂਗਸਟਰ ਚੰਨਾ ਹੁਸ਼ਿਆਰਪੁਰੀਆ ਕਾਬੂ

February 07, 2019 07:41 AM

ਜਲੰਧਰ, 6 ਫਰਵਰੀ (ਪੋਸਟ ਬਿਊਰੋ)- ਕਾਊਂਟਰ ਇੰਟੈਲੀਜੈਂਸ ਨੇ ਪੁਲਸ ਨਾਲ ਸਾਂਝੇ ਆਪਰੇਸ਼ਨ ਹੇਠ ਹੁਸ਼ਿਆਰਪੁਰ ਦੇ ਨਾਮੀ ਗੈਂਗਸਟਰ ਜਸਪ੍ਰੀਤ ਸਿੰਘ ਉਰਫ ਚੰਨਾ ਹੁਸ਼ਿਆਰਪੁਰੀਆ ਨੂੰ ਫੜਿਆ ਹੈ। ਉਸ ਕੋਲੋਂ 32 ਬੋਰ ਦੀ ਪਿਸਤੌਲ ਅਤੇ 315 ਦਾ ਰਿਵਾਲਵਰ, 33 ਕਾਰਤੂਸ ਸਣੇ 755 ਗਰਾਮ ਨਸ਼ੇ ਵਾਲਾ ਪਾਊਡਰ ਵੀ ਬਰਾਮਦ ਕੀਤਾ ਹੈ।
ਇੰਟੈਲੀਜੈਂਸ ਦੇ ਏ ਆਈ ਜੀ ਹਰਕੰਵਲਪ੍ਰੀਤ ਸਿੰਘ ਖੱਖ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇਨਪੁਟ ਮਿਲੀ ਸੀ ਕਿ ਚੰਨਾ ਹੁਸ਼ਿਆਰਪੁਰੀਆ ਪਿਛਲੇ ਤਿੰਨ ਸਾਲਾਂ ਤੋਂ ਪੁਲਸ ਨੂੰ ਲੋੜੀਂਦਾ ਸੀ। ਇੰਟੈਲੀਜੈਂਸ ਦੀ ਕਾਫੀ ਸਮੇਂ ਤੋਂ ਉਸ ਉੱਤੇ ਅੱਖ ਸੀ। ਖੱਖ ਨੇ ਦੱਸਿਆ ਕਿ ਇੰਟੈਲੀਜੈਂਸ ਨੂੰ ਇਨਪੁਟ ਮਿਲੀ ਸੀ ਕਿ ਗੈਂਗਸਟਰ ਚੰਨਾ ਹੁਸ਼ਿਆਰਪੁਰੀਆ ਏ ਸਟਾਰ ਕਾਰ ਵਿੱਚ ਆਪਣੇ ਪਰਵਾਰ ਨੂੰ ਮਿਲਣ ਜਾਣਾ ਸੀ। ਪੁਲਸ ਨੇ ਉਸ ਨੂੰ ਭਾਰਤ ਨਗਰ-ਟੀ ਪੁਆਇੰਟ ਤੋਂ ਗ੍ਰਿਫਤਾਰ ਕਰ ਲਿਆ। ਜਾਂਚ ਵਿੱਚ ਸਾਹਮਣੇ ਆਇਆ ਕਿ ਗੈਂਗਸਟਰ ਚੰਨਾ 'ਤੇ ਕੁੱਲ 18 ਕੇਸ ਦਰਜ ਹਨ। 2008 ਵਿੱਚ ਉਸ ਨੇ ਜੁਰਮ ਦੀ ਦੁਨੀਆ ਵਿੱਚ ਕਦਮ ਰੱਖਿਆ ਸੀ। ਉਹ ਬਿੰਨੀ ਗੁੱਜਰ ਦੇ ਵਿਰੋਧੀ ਗੈਂਗ ਵਾਲੇ ਲਖਵਿੰਦਰ ਸਿੰਘ ਉਰਫ ਲੱਖਾ ਦਾ ਕਰੀਬੀ ਸੀ। 10 ਸਾਲਾਂ ਵਿੱਚ ਉਸ 'ਤੇ ਕੁੱਲ 18 ਕੇਸ ਦਰਜ ਹੋਏ, ਜਿਨ੍ਹਾਂ 'ਚੋਂ ਅੱਠ ਤੋਂ ਵੱਧ ਕਤਲ ਦੇ ਹਨ। ਉਹ ਇਸ ਦੌਰਾਨ ਦੋ ਵਾਰ ਜੇਲ ਵੀ ਗਿਆ ਸੀ। ਜਦੋਂ ਬਿੰਨੀ ਗੁਜਰ ਨੇ ਕਾਫੀ ਸਾਲ ਪਹਿਲਾਂ ਚੰਨਾ ਦੇ ਗੈਂਗ ਲੀਡਰ ਲੱਖੇ ਦੀ ਹੱਤਿਆ ਕਰ ਦਿੱਤੀ ਤਾਂ ਚੰਨਾ ਗੈਂਗ ਦਾ ਲੀਡਰ ਬਣਿਆ ਸੀ। ਚੰਨਾ ਕੋਲੋਂ ਜੋ ਹਥਿਆਰ ਮਿਲੇ, ਉਹ ਯੂੂ ਪੀ ਤੋਂ ਖਰੀਦੇ ਗਏ ਸਨ, ਜੋ ਵਿਦੇਸ਼ ਬੈਠੇ ਬੈਠੇ ਚੰਨੇ ਦੇ ਦੋਸਤ ਨੇ ਫੰਡਿੰਗ ਕਰ ਕੇ ਓਦੋਂ ਦਿਵਾਏ ਸਨ।

Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਜੈਸ਼-ਏ-ਮੁਹੰਮਦ ਦੇ ਪੱਤਰ ਨੇ ਪੰਜਾਬ ਪੁਲਸ ਦੀ ਨੀਂਦ ਉਡਾਈ
ਚੋਣ ਜ਼ਾਬਤੇ ਦੀ ਉਲੰਘਣਾ ਲਈ ਬਲਜਿੰਦਰ ਕੌਰ ਤੇ ਹਲਕਾ ਲੰਬੀ ਦੀ ਕਾਂਗਰਸ ਕਮੇਟੀ ਨੂੰ ਨੋਟਿਸ
ਕਰਤਾਰਪੁਰ ਸਾਹਿਬ ਲਈ ਰਾਵੀ ਉੱਤੇ 100 ਮੀਟਰ ਲੰਬਾ ਤੇ 5.5 ਮੀਟਰ ਉਚਾ ਪੁਲ ਬਣੇਗਾ
20 ਸਾਲਾਂ ਪਿੱਛੋਂ ਸੁਪਰੀਮ ਕੋਰਟ ਨੇ ਕਾਤਲ ਨੂੰ ਨਾਬਾਲਗ ਦੱਸ ਕੇ ਛੱਡਿਆ
ਕੈਰੀ ਬੈਗ ਦੇ ਤਿੰਨ ਰੁਪਏ ਨਹੀਂ ਮੋੜੇ, ਫੋਰਮ ਨੇ ਫਰਮ ਨੂੰ ਤਿੰਨ ਹਜ਼ਾਰ ਜੁਰਮਾਨਾ ਲਾਇਆ
ਚੰਦੂਮਾਜਰਾ ਨੇ ਤਿਵਾੜੀ ਨੂੰ ਬਾਹਰੀ ਕਿਹਾ, ਤਿਵਾੜੀ ਨੇ ਕਿਹਾ: ਮੈਂ ਕਿਹੜਾ ਪਾਕਿਸਤਾਨੋਂ ਆਇਆਂ
ਜਸਪਾਲ ਕਮਾਨਾ ਨੇ ਕੈਮਰੇ `ਚ ਕੈਦ ਕੀਤੇ ‘ਕਾਮੇ ਦੇਸ ਪੰਜਾਬ ਦੇੇ’, ਫੋਟੋ ਪ੍ਰਦਰਸ਼ਨੀ ਲਾਕੇ ਕੀਤਾ ਆਪਣੇ ਵਿਚਾਰਾਂ ਦਾ ਪ੍ਰਗਟਾਵਾ
ਨੌਜਵਾਨ ਕਾਂਗਰਸੀ ਆਗੂ ਜੱਸਾ ਸੈਣੀ ਵੱਲੋਂ ਫਾਹਾ ਲੈ ਕੇ ਖੁਦਕੁਸ਼ੀ
ਬੱਚਾ ਅਗਵਾ ਕਰਨ ਵਾਲਾ ਸਫਾਈ ਕਾਮਾ ਅਤੇ ਉਸ ਦੀ ਮਾਸ਼ੂਕਾ ਗ੍ਰਿਫਤਾਰ
ਹਾਕਿਨਜ਼ ਕੁੱਕਰ ਫੈਕਟਰੀ ਦੇ ਮਾਲਕ ਤੇ ਮੈਨੇਜਰ ਨੂੰ ਕੈਦ ਦੇ ਨਾਲ ਜੁਰਮਾਨਾ