ਠਾਣੇ, 17 ਜਨਵਰੀ (ਪੋਸਟ ਬਿਊਰੋ)- ਪੁਲਸ ਨੇ ਇਥੋਂ ਦੀ ਇੱਕ ਦੁਕਾਨ ਵਿੱਚ ਛਾਪਾ ਮਾਰ ਕੇ ਤਲਵਾਰ, ਚਾਕੂ ਅਤੇ ਹੋਰ ਵੱਖ-ਵੱਖ ਤਰ੍ਹਾਂ ਦੇ 170 ਪੁਰਾਤਨ ਹਥਿਆਰ ਬਰਾਮਦ ਕੀਤੇ ਤੇ ਇਸ ਸੰਬੰਧੀ ਭਾਜਪਾ ਦੇ ਇੱਕ ਅਹੁਦੇਦਾਰ ਨੂੰ ਗ੍ਰਿਫਤਾਰ ਕੀਤਾ ਹੈ, ਜਿਸ ਦੀ ਅੱਗੇ ਜਾਂਚ ਕੀਤੀ ਜਾ ਰਹੀ ਹੈ।
ਇਸ ਸੰਬੰਧ ਵਿੱਚ ਪੁਲਸ ਦੇ ਇੱਕ ਅਧਿਕਾਰੀ ਨੇ ਦੱਸਿਆ ਕਿ ਛਾਪਿਆਂ ਦੌਰਾਨ ਇੱਕ ਏਅਰਗੰਨ, 10 ਤਲਵਾਰਾਂ, 38 ਪ੍ਰੈੱਸ ਬਟਨ ਚਾਕੂ, 25 ਗੰਡਾਸੇ, ਤਿੰਨ ਕੁਹਾੜੀਆਂ ਅਤੇ ਹੋਰ ਖੁੰਢੇ ਹਥਿਆਰ ਬਰਾਮਦ ਕੀਤੇ ਹਨ। ਦੁਕਾਨਦਾਰ ਨੇ ਇਹ ਹਥਿਆਰ ਮੁੰਬਈ ਦੇ ਨਾਲ-ਨਾਲ ਪੰਜਾਬ ਅਤੇ ਰਾਜਸਥਾਨ ਤੋਂ ਖਰੀਦੇ ਸਨ। ਭਾਜਪਾ ਦੇ ਇੱਕ ਸਥਾਨਕ ਆਗੂ ਸੰਜੇ ਨੇ ਕਿਹਾ ਕਿ ਦੁਕਾਨ ਦਾ ਮਾਲਕ ਕੁਲਕਰਨੀ ਭਾਜਪਾ ਦੇ ਸਥਾਨਕ ਯੂਨਿਟ ਦਾ ਉਪ ਮੁਖੀ ਹੈ। ਇਹ ਸਮਝ ਨਹੀਂ ਆਈ ਕਿ ਉਸ ਨੂੰ ਗ੍ਰਿਫਤਾਰ ਕਿਉਂ ਕੀਤਾ ਗਿਆ ਹੈ। ਦੁਕਾਨ 'ਵਿੱੋਂ ਬਰਾਮਦ ਹਥਿਆਰ ਪੁਰਾਤਨ ਕਿਸਮ ਦੇ ਹਨ ਅਤੇ ਇਸ ਵਿੱਚ ਕੋਈ ਵੀ ਗਲਤ ਗੱਲ ਨਹੀਂ ਹੈ।