ਅਨੁਰਾਗ ਬਸੁ ਦੀ ਅਗਲੀ ਫਿਲਮ ਦੀ ਕਾਸਟਿੰਗ ਬਾਰੇ ਕਾਫੀ ਸਮੇਂ ਤੋਂ ਚਰਚਾ ਚੱਲ ਰਹੀ ਹੈ। ਫਿਲਮ ਦੇ ਲਈ ਉਹ ਕਈ ਕਲਾਕਾਰਾਂ ਨੂੰ ਅਪਰੋਚ ਕਰ ਚੁੱਕੇ ਹਨ, ਕੁਝ ਨੂੰ ਕਾਸਟ ਕਰ ਚੁੱਕੇ ਹਨ ਅਤੇ ਕੁਝ ਉਨ੍ਹਾਂ ਦੀ ਫਿਲਮ ਛੱਡ ਚੁੱਕੇ ਹਨ। ਹੁਣ ਜਦ ਰਾਜਕੁਮਾਰ ਰਾਓ, ਫਾਤਿਮਾ ਸਨਾ ਸ਼ੇਖ, ਆਦਿੱਤਯ ਰਾਏ ਕਪੂਰ ਅਤੇ ਅਭਿਸ਼ੇਕ ਬੱਚਨ ਦਾ ਨਾਂਅ ਫਾਈਨਲ ਹੋ ਚੁੱਕਾ ਹੈ ਤਾਂ ਸੁਣਨ ਵਿੱਚ ਆਇਆ ਹੈ ਕਿ ਤਾਪਸੀ ਪੰਨੂ ਨੇ ਇਸ ਨੂੰ ਛੱਡ ਦਿੱਤਾ ਹੈ।
ਇਸ ਦਾ ਕਾਰਨ ਉਨ੍ਹਾਂ ਨੇ ਪ੍ਰੋਜੈਕਟ ਵਿੱਚ ਲਗਾਤਾਰ ਹੋ ਰਹੀ ਦੇਰ ਦੱਸੀ ਹੈ। ਤਾਪਸੀ ਹੁਣ ਆਪਣੀ ਅਗਲੀ ਫਿਲਮ ‘ਵੂਮਨੀਆ' ਦੀ ਸ਼ੂਟਿੰਗ ਵਿੱਚ ਰੁੱਝ ਜਾਏਗੀ, ਜੋ ਅਗਲੇ ਮਹੀਨੇ ਸ਼ੁਰੂ ਹੋਵੇਗੀ।