Welcome to Canadian Punjabi Post
Follow us on

15

November 2019
ਭਾਰਤ

ਕੇ ਜੀ ਪੀ ਐਕਸਪ੍ਰੈਸਵੇਅ ਉੱਤੇ ਚਾਰ ਨੌਜਵਾਨਾਂ ਨੂੰ ਟਰਾਲੇ ਦੀ ਟੱਕਰ, ਸਾਰਿਆਂ ਦੀ ਮੌਤ

January 10, 2019 07:55 AM

ਫਰੀਦਾਬਾਦ, 9 ਜਨਵਰੀ (ਪੋਸਟ ਬਿਊਰੋ)- ਕੁੰਡਲੀ-ਗਾਜੀਆਬਾਦ-ਪਲਵਲ (ਕੇ ਜੀ ਪੀ) ਐਕਸਪ੍ਰੈਸਵੇਅ ਉਤੇ ਸੋਮਵਾਰ ਦੇਰ ਰਾਤ ਸੜਕ ਹਾਦਸੇ ਵਿੱਚ ਚਾਰ ਜਣਿਆਂ ਦੀ ਮੌਤ ਹੋ ਗਈ। ਮਰਨ ਵਾਲਿਆਂ ਵਿੱਚ ਤਿੰਨ ਨੂੰਹ ਮੇਵਾਤ ਅਤੇ ਇੱਕ ਯੂ ਪੀ ਦੇ ਏਟਾ ਜ਼ਿਲ੍ਹੇ ਦਾ ਰਹਿਣ ਵਾਲਾ ਹੈ।
ਕੈਂਟਰ ਪੰਕਚਰ ਹੋਣ ਦੇ ਬਾਅਦ ਸੜਕ ਕਿਨਾਰੇ ਚਾਰੇ ਨੌਜਵਾਨਾ ਟਾਇਰ ਬਦਲ ਰਹੇ ਸਨ। ਤਦ ਪਿੱਛਿਓਂ ਆਏ ਟਰਾਲੇ ਨੇ ਟੱਕਰ ਮਾਰ ਦਿੱਤੀ। ਇਸ ਘਟਨਾ ਵਿੱਚ ਅੱਧਾ ਦਰਜਨ ਤੋਂ ਵੱਧ ਭੇਡ-ਬੱਕਰੀਆਂ ਵੀ ਮਰ ਗਈਆਂ। ਮਰਨ ਵਾਲਿਆਂ ਚਾਰੇ ਪਸ਼ੂ ਵਪਾਰੀ ਸਨ। ਥਾਣਾ ਛਿਆਂਸਾ ਪੁਲਸ ਨੇ ਟੈਂਕਰ ਚਾਲਕ ਦੇ ਖਿਲਾਫ ਕੇਸ ਦਰਜ ਕਰ ਲਿਆ ਹੈ। ਨੂੰਹ ਮੇਵਾਤ ਦੇ ਪਿੰਡ ਭਾਕਡੌਜੀ ਜੋਧੜਿਆਨਵਾਸ ਦੇ ਵਸਨੀਕ ਮੌਸਿਸ, ਤਾਲਿਮ, ਪੂਰਨ ਅਤੇ ਯੂ ਪੀ ਦੇ ਏਟਾ ਜ਼ਿਲ੍ਹਾ ਵਾਸੀ ਨਈਮ ਪਸ਼ੂਆਂ ਦੀ ਖਰੀਦ-ਫਰੋਖਤ ਦਾ ਵਪਾਰ ਕਰਦੇ ਸਨ। ਪਰਵਾਰ ਅਨੁਸਾਰ ਸੋਮਵਾਰ ਨੂੰ ਚਾਰੋਂ ਰਾਜਸਥਾਨ ਤੋਂ ਭੇਡ-ਬੱਕਰੀਆਂ ਖਰੀਦ ਕੇ ਉਨ੍ਹਾਂ ਕੈਂਟਰ ਵਿੱਚ ਲਦ ਕੇ ਦਿੱਲੀ ਦੀ ਗਾਜੀਪੁਰ ਮੰਡੀ ਵੇਚਣ ਲਈ ਜਾ ਰਹੇ ਸਨ। ਇਸੇ ਦੌਰਾਨ ਕੇ ਜੀ ਪੀ 'ਤੇ ਪਿੰਡ ਫੱਜੂਪੁਰ ਖਾਦਰ ਦੇ ਨੇੜੇ ਰਾਤ ਕਰੀਬ ਸਾਢੇ ਗਿਆਰ੍ਹਾਂ ਵਜੇ ਕੈਂਟਰ ਦਾ ਟਾਇਰ ਪੰਕਚਰ ਹੋ ਗਿਆ। ਮੌਸਿਮ, ਤਾਲਿਮ, ਪੂਰਨ ਅਤੇ ਨਈਮ ਟਾਇਰ ਬਦਲਣ ਲੱਗੇ। ਇਸੇ ਦੌਰਾਨ ਪਿੱਛਿਉਂ ਆਏ ਟਰਾਲੇ ਨੇ ਕੈਂਟਰ ਨੂੰ ਟੱਕਰ ਮਾਰਦੇ ਹੋਏ ਚਾਰਾਂ ਨੂੰ ਕੁਚਲ ਦਿੱਤਾ। ਇਸ ਕਾਰਨ ਉਨ੍ਹਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।

Have something to say? Post your comment
ਹੋਰ ਭਾਰਤ ਖ਼ਬਰਾਂ