ਅਹਿਮਦਾਬਾਦ, 9 ਜਨਵਰੀ (ਪੋਸਟ ਬਿਊਰੋ)- ਭਾਜਪਾ ਦੇ ਸੀਨੀਅਰ ਨੇਤਾ ਅਤੇ ਸਾਬਕਾ ਵਿਧਾਇਕ ਜਯੰਤੀ ਲਾਲ ਭਾਨੂਸ਼ਾਲੀ ਦੀ ਸੋਮਵਾਰ ਦੇਰ ਰਾਤ ਅਣਪਛਾਤੇ ਹਮਲਾਵਰਾਂ ਨੇ ਚਲਦੀ ਟਰੇਨ ਵਿੱਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ। ਘਟਨਾ ਰਾਤ ਕਰੀਬ ਦੋ ਵਜੇ ਭੁਜ-ਦਾਦਰ ਐਕਸਪ੍ਰੈਸ ਟਰੇਨ ਵਿੱਚ ਹੋਈ, ਜਦ ਭਾਨੂਸ਼ਾਲੀ (53) ਕੱਛ ਜ਼ਿਲ੍ਹੇ ਦੇ ਭੁਜ ਤੋਂ ਅਹਿਮਦਾਬਾਦ ਪਰਤ ਰਹੇ ਸਨ। ਭਾਨੂਸ਼ਾਲੀ ਨੇ ਪਿਛਲੇ ਸਾਲ ਜੁਲਾਈ ਵਿੱਚ ਬਲਾਤਕਾਰ ਦੇ ਦੋਸ਼ ਲੱਗਣ ਦੇ ਬਾਅਦ ਗੁਜਰਾਤ ਭਾਜਪਾ ਦੇ ਉਪ ਪ੍ਰਧਾਨ ਅਹੁਦੇ ਤੋਂ ਅਸਤੀਫਾ ਦੇ ਦਿੱਤਾ ਸੀ।
ਗੁਜਰਾਤ ਹਾਈ ਕੋਰਟ ਨੇ ਅਗਸਤ 2018 ਵਿੱਚ ਮਹਿਲਾ ਦੇ ਸ਼ਿਕਾਇਤ ਵਾਪਸ ਲੈਣ ਦੇ ਬਾਅਦ ਕੇਸ ਦਰਜ ਕਰ ਦਿੱਤਾ ਸੀ। ਮੋਰਬੀ ਜ਼ਿਲ੍ਹੇ ਦੇ ਪੁਲਸ ਸੁਪਰਡੈਂਟ ਕਨਨਰਾਜ ਵਘੇਲਾ ਨੇ ਕਿਹਾ ਕਿ ਉਨ੍ਹਾਂ ਨੂੰ ਕੱਛ ਜ਼ਿਲ੍ਹੇ ਨੇੜੇ ਗਾਂਧੀ ਾਮ ਅਤੇ ਸੂਰਜਬਾੜੀ ਸਟੇਸ਼ਨ ਦੇ ਵਿੱਚ ਗੋਲੀ ਮਾਰੀ ਗਈ। ਟਰੇਨ ਦੇ ਮੋਰਬੀ ਦੇ ਮਾਲੀਆ ਸਟੇਸ਼ਨ 'ਤੇ ਪਹੁੰਚਣ ਦੇ ਬਾਅਦ ਲਾਸ਼ ਨੂੰ ਪੋਸਟਮਾਰਟਮ ਦੇ ਲਈ ਭੇਜ ਦਿੱਤਾ ਗਿਆ। ਭਾਨੂਸ਼ਾਲੀ 2007 ਤੋਂ 2012 ਦੇ ਵਿੱਚ ਅਬਦਾਤਾ ਵਿਧਾਨ ਸਭਾ ਖੇਤਰ ਤੋਂ ਵਿਧਾਇਕ ਰਹਿ ਚੁੱਕੇ ਸਨ।