Welcome to Canadian Punjabi Post
Follow us on

25

March 2019
ਅੰਤਰਰਾਸ਼ਟਰੀ

ਅਮਰੀਕਾ ਤੇ ਇਜ਼ਰਾਈਲ ਪੱਖਪਾਤ ਦੇ ਦੋਸ਼ ਹੇਠ ਸੰਸਾਰਕ ਸੰਗਠਨ ਯੂਨੈਸਕੋ ਵਿੱਚੋਂ ਨਿਕਲ ਗਏ

January 03, 2019 12:40 AM

* ਫਲਸਤੀਨ ਨੂੰ ਯੂਨੈਸਕੋ ਨਾਲ ਜੋੜਨ ਦਾ ਦੋਵਾਂ ਵੱਲੋਂ ਸਾਂਝਾ ਵਿਰੋਧ 

ਪੈਰਿਸ, 2 ਜਨਵਰੀ, (ਪੋਸਟ ਬਿਊਰੋ)- ਅਮਰੀਕਾ ਤੇ ਇਜ਼ਰਾਈਲ ਦੋਵੇਂ ਨਵੇਂ ਸਾਲ ਮੌਕੇ ਯੂ ਐੱਨ ਓ ਦੀ ਵਿੱਦਿਅਕ, ਵਿਗਿਆਨਕ ਤੇ ਸੱਭਿਆਚਾਰਕ ਜਥੇਬੰਦੀ (ਯੂਨੈਸਕੋ) ਤੋਂ ਅਧਿਕਾਰਤ ਤੌਰ ਉੱਤੇ ਵੱਖ ਹੋ ਗਏ ਹਨ। ਵਰਨਣ ਯੋਗ ਹੈ ਕਿ ਦੂਸਰੀ ਸੰਸਾਰ ਜੰਗ ਪਿੱਛੋਂ ਕੌਮਾਂਤਰੀ ਅਮਨ ਲਈ ਅਮਰੀਕਾ ਦੇ ਸਹਿਯੋਗ ਨਾਲ ਬਣਾਈ ਗਈ ਯੂ ਐੱਨ ਓ ਦੀ ਸੰਸਥਾ ਤੋਂ ਦੋਵਾਂ ਦੇਸ਼ਾਂ ਦਾ ਵੱਖ ਹੋਣਾ ਬਾਕੀ ਦੇਸ਼ਾਂ ਲਈ ਵੱਡਾ ਝਟਕਾ ਹੈ।
ਇਸ ਸੰਬੰਧ ਵਿੱਚ ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਯੂਨੈਸਕੋ ਉੱਤੇ ਇਜ਼ਰਾਈਲ ਨਾਲ ਪੱਖਪਾਤ ਦਾ ਦੋਸ਼ ਲਾਉਂਦੇ ਹੋਏ ਅਕਤੂਬਰ 2017 ਵਿੱਚ ਇਸ ਤੋਂ ਬਾਹਰ ਹੋਣ ਦਾ ਨੋਟਿਸ ਦੇ ਦਿੱਤਾ ਸੀ। ਉਨ੍ਹਾਂ ਨੇ ਸੰਸਥਾ ਉੱਤੇ ਵਧਦੇ ਆਰਥਿਕ ਬੋਝ ਉੱਤੇ ਵੀ ਚਿੰਤਾ ਪ੍ਰਗਟ ਕੀਤੀ ਤੇ ਯੂਨੈਸਕੋ ਵਿੱਚ ਮੁੱਢਲੇ ਬਦਲਾਅ ਦੀ ਸੋਚ ਰੱਖੀ ਸੀ। ਅਮਰੀਕਾ ਦੇ ਨਾਲ ਖੜੇ ਹੁੰਦਿਆਂ ਇਜ਼ਰਾਈਲ ਨੇ ਵੀ ਇਸ ਵਿੱਚੋਂ ਬਾਹਰ ਹੋਣ ਦਾ ਐਲਾਨ ਕੀਤਾ ਸੀ। ਯੂਨੈਸਕੋ ਨੇ 2011 ਵਿੱਚ ਫਲਸਤੀਨ ਨੂੰ ਆਪਣੀ ਸਥਾਈ ਮੈਂਬਰੀ ਦੇ ਦਿੱਤੀ ਤੇ ਯਹੂਦੀਆਂ ਦੀ ਵਿਰਾਸਤ ਉੱਤੇ ਫਲਸਤੀਨ ਦਾ ਹੱਕ ਮੰਨਿਆ ਸੀ। ਅਮਰੀਕਾ ਤੇ ਇਜ਼ਰਾਈਲ ਇਸ ਕਾਰਨ ਯੂਨੈਸਕੋ ਤੋਂ ਨਾਰਾਜ਼ ਸਨ। ਦੋਵਾਂ ਦੇ ਨਿਕਲਣ ਨਾਲ ਇਸ ਸੰਸਥਾ ਉੱਤੇ ਕੋਈ ਵੱਡਾ ਆਰਥਿਕ ਅਸਰ ਨਹੀਂ ਪਵੇਗਾ, ਕਿਉਂਕਿ 2011 ਤੋਂ ਦੋਵਾਂ ਨੇ ਇਸ ਦੀ ਫੰਡਿੰਗ ਰੋਕੀ ਹੋਈ ਸੀ। ਅਮਰੀਕਾ 1984 ਵਿੱਚ ਵੀ ਇੱਕ ਵਾਰ ਯੂਨੈਸਕੋ ਤੋਂ ਹਟ ਗਿਆ ਸੀ ਤੇ 2003 ਵਿੱਚ ਦੁਬਾਰਾ ਇਸ ਦੀ ਮੈਂਬਰੀ ਲਈ ਸੀ।

Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਇਟਲੀ ਦੀਆਂ ਪ੍ਰਵਾਸੀ ਵਿਰੋਧੀ ਨੀਤੀਆਂ ਤੋਂ ਖਿਝੇ ਬੰਦੇ ਨੇ ਸਕੂਲ ਬੱਸ ਨੂੰ ਅੱਗ ਲਾਈ
ਚੀਨ ਦੇ ਕੈਮੀਕਲ ਪਲਾਂਟ ਵਿੱਚ ਧਮਾਕੇ ਨਾਲ 47 ਮੌਤਾਂ
ਥੈਰੇਸਾ ਮੇਅ ਨੂੰ ਬ੍ਰੈਗਜ਼ਿਟ ਲਈ 22 ਮਈ ਤਕ ਮੋਹਲਤਮਿਲੀ
ਬ੍ਰਿਟੇਨ ਦੀਆਂ 5 ਮਸਜਿਦਾਂ ਵਿੱਚ ਭੰਨਤੋੜ, ਪੁਲਸ ਵੱਲੋਂ ਜਾਂਚ ਸ਼ੁਰੂ
ਬ੍ਰੈਗਜਿ਼ਟ ਲਈ ਬ੍ਰਿਟੇਨ ਨੂੰ ਯੂਰਪੀਅਨ ਯੂਨੀਅਨ ਨੇ ਦਿੱਤੀ ਥੋੜ੍ਹੀ ਹੋਰ ਮੋਹਲਤ
ਬ੍ਰਿਟੇਨ ਨੇ ਬ੍ਰੈਗਜ਼ਿਟ ਡੀਲ 30 ਜੂਨ ਤੱਕ ਟਾਲ ਦੇਣ ਲਈ ਯੂਰਪੀ ਯੂਨੀਅਨ ਨੂੰ ਅਪੀਲ ਕੀਤੀ
ਚੀਨ ਦੇ ਬੈਲਟ ਐਂਡ ਰੋਡ ਫੋਰਮ ਵਿੱਚ ਭਾਰਤ ਹਿੱਸਾ ਨਹੀਂ ਲਵੇਗਾ
ਕੰਗਾਲ ਹੋਇਆ ਪਾਕਿ ਸਰਕਾਰੀ ਜਾਇਦਾਦ ਵੇਚ ਕੇ ਕਰਜ਼ਾ ਲਾਹੁਣ ਦੇ ਯਤਨ ਕਰੇਗਾ
ਇਸ਼ਤਿਹਾਰਾਂ ਵਿੱਚ ਪੱਖਪਾਤ ਕਾਰਨ ਗੂਗਲ ਨੂੰ 1.49 ਡਾਲਰ ਦਾ ਜੁਰਮਾਨਾ
ਅਮਰੀਕਾ ਵਿੱਚ ਭਾਰਤੀ ਮੂਲ ਦੀ ਨੇਓਮੀ ਰਾਓ ਨੇ ਅਹੁਦੇ ਦੀ ਚੁੱਕੀ ਸਹੁੰ