ਚੰਡੀਗੜ੍ਹ, 26 ਸਤੰਬਰ, (ਪੋਸਟ ਬਿਊਰੋ)- ਪੰਜਾਬ ਦੇ ਨਵੇਂਮੁੱਖ ਮੰਤਰੀ ਚਰਨਜੀਤ ਚੰਨੀ ਦੇ ਨਵੇਂ ਮੰਤਰੀ ਮੰਡਲ ਵਿੱਚ ਅੱਜ ਕਈ ਨਵੇਂ ਚਿਹਰੇ ਵੇਖਣ ਨੂੰ ਮਿਲੇ, ਪਰ ਪਿਛਲੀ ਕੈਪਟਨ ਅਮਰਿੰਦਰ ਸਿੰਘ ਦੀ ਸਰਕਾਰਦੇ ਕਈ ਮੰਤਰੀ ਇਸ ਤੋਂ ਬਾਹਰ ਕਰ ਦਿੱਤੇ ਗਏ, ਜਿਨ੍ਹਾਂ ਵਿੱਚ ਸਾਬਕਾ ਸਿਹਤ ਮੰਤਰੀ ਬਲਬਰੀ ਸਿੱਧੂ ਵੀ ਸ਼ਾਮਲ ਹਨ।
ਅੱਜ ਚੰਡੀਗੜ੍ਹ ਵਿੱਚ ਪ੍ਰੈਸ ਕਾਨਫਰੰਸ ਦੌਰਾਨਬਲਬੀਰ ਸਿੰਘ ਸਿੱਧੂ ਨੇ ਭਾਵੁਕ ਹੋ ਕੇ ਕਾਂਗਰਸ ਹਾਈ ਕਮਾਨ ਨੂੰ ਪੁੱਛਿਆ ਕਿ ‘ਮੇਰਾ ਕਸੂਰ ਕੀ ਸੀ, ਜੋ ਮੈਨੂੰ ਬਾਹਰ ਕੱਢਿਆ ਗਿਆ ਹੈ? ਮੈਨੂੰ ਓਦਾਂ ਕਹਿੰਦੇ ਤਾਂ ਮੈਂ ਅਸਤੀਫਾ ਦੇ ਦਿੰਦਾ, ਪਰ ਇਸ ਤਰ੍ਹਾਂ ਬਾਹਰ ਕਰਨਾ ਠੀਕ ਨਹੀਂ ਸੀ। ਕਾਂਗਰਸ ਵਿੱਚ ਸਾਡੀ ਤੀਜੀ ਪੀੜ੍ਹੀ ਹੈ।’ ਬਲਬੀਰ ਸਿੰਘਸਿੱਧੂ ਨੇ ਕਿਹਾ, ‘ਅਸੀਂ ਹਾਈਕਮਾਨ ਦਾ ਹਰ ਫੈਸਲਾ ਮੰਨਿਆ, ਮੈਂ ਹਾਈਕਮਾਨ ਨੂੰ ਚਿੱਠੀ ਵੀ ਲਿਖੀ ਅਤੇ ਇਸ ਦੀ ਇੱਕ ਕਾਪੀ ਰਾਹੁਲ ਗਾਂਧੀ, ਪ੍ਰਿਅੰਕਾ ਗਾਂਧੀ ਅਤੇ ਜਨਰਲ ਸੈਕਟਰੀ ਕੇਸੀ ਵੈਣੂਗੋਪਾਲ ਨੂੰ ਵੀ ਭੇਜੀ ਹੈ।’
ਬਲਬੀਰ ਸਿੰਘ ਸਿੱਧੂ ਦੀ ਇਸ ਪ੍ਰੈੱਸ ਕਾਨਫਰੰਸ ਵਿੱਚਪਿਛਲੀ ਸਰਕਾਰ ਦਾ ਮੰਤਰੀ ਗੁਰਪ੍ਰੀਤ ਸਿੰਘ ਕਾਂਗੜ ਵੀ ਮੌਜੂਦ ਸੀ ਤੇ ਦੋਵਾਂ ਅੱਜ ਦੇ ਸਹੁੰ ਚੁੱਕ ਸਮਾਗਮ ਤੋਂ ਪਹਿਲਾਂ ਪਾਰਟੀ ਹਾਈਕਮਾਨ ਨੂੰ ਇੱਕ ਹੀ ਸਵਾਲ ਕੀਤਾ ਕਿ ਸਾਡਾ ਕਸੂਰ ਕੀ ਸੀ? ਭਾਵੁਕ ਹੋਏ ਬਲਬੀਰ ਸਿੰਘਸਿੱਧੂ ਨੇ ਕਿਹਾ, ‘ਮੈਂ ਕੋਰੋਨਾ ਵਾਲੇ ਸਮੇਂਵਿੱਚ ਇੰਨਾ ਕੰਮ ਕੀਤਾ ਕਿ ਪ੍ਰਧਾਨ ਮੰਤਰੀ ਤਕ ਨੇ ਸਾਡੇ ਕੰਮ ਦੀ ਪ੍ਰਸ਼ੰਸਾ ਕੀਤੀ, ਫੇਰ ਸਾਨੂੰ ਕਿਸ ਗੱਲ ਦੀ ਸਜ਼ਾ ਦਿੱਤੀ ਗਈ।’