* ਢਾਬਾ ਮਾਲਕ ਦੇ ਲੜਕੇ ਦਾ ਹੱਥ ਤੋੜ ਦਿੱਤਾ
ਫਤਹਿਗੜ੍ਹ ਸਾਹਿਬ, 23 ਸਤੰਬਰ, (ਪੋਸਟ ਬਿਊਰੋ)- ਜੀਟੀ ਰੋਡ ਉੱਤੇ ਬਣੇ ਲੁਧਿਆਣਾ ਢਾਬੇ ਉੱਤੇ ਖਾਣਾ ਖਾਣ ਪਿੱਛੋਂ ਬਿੱਲ ਦੇਖ ਕੇ ਭੜਕੇ ਹੋਏ ਫ਼ਤਹਿਗੜ੍ਹ ਸਾਹਿਬ ਦੇ ਡੀ ਐੱਸ ਪੀਤੇ ਉਸ ਗੰਨਮੈਨਾਂ ਵੱਲੋਂ ਢਾਬੇ ਦੇ ਮੁਲਾਜ਼ਮਾਂ ਦੀ ਕੁੱਟ-ਮਾਰ ਕਰਨ ਦੀ ਵੀਡੀਓ ਵਾਇਰਲ ਹੋਈ ਹੈ।ਇਸ ਕੁੱਟ ਨਾਲ ਢਾਬਾ ਮਾਲਕ ਮੁਹੰਮਦ ਸਲੀਮ ਦੇ ਲੜਕੇ ਹਸਨ ਦਾ ਹੱਥ ਟੁੱਟ ਗਿਆ ਹੈ।
ਅੱਜ ਇਸ ਕੇਸ ਬਾਰੇ ਮੁਸਲਿਮ ਭਾਈਚਾਰੇ ਦਾ ਵਫਦ ਮੌਲਾਨਾ ਮੁਹੰਮਦ ਉਸਮਾਨ ਰਹਿਮਾਨੀ ਸ਼ਾਹੀ ਇਮਾਮ ਲੁਧਿਆਣਾ ਦੇ ਸੈਕਟਰੀ ਦੀ ਅਗਵਾਈ ਵਿੱਚਜਿ਼ਲਾ ਪੁਲਿਸ ਮੁਖੀ ਫਤਹਿਗੜ੍ਹ ਸਾਹਿਬ ਨੂੰ ਮਿਲਿਆ ਤੇ ਪੂਰੀ ਜਾਂਚ ਕਰਕੇ ਸਬੰਧਤ ਡੀ ਐੱਸਪੀ ਅਤੇ ਪੁਲਿਸ ਕਰਮਚਾਰੀਆਂ ਦੇ ਖਿਲਾਫ ਕਾਰਵਾਈ ਦੀ ਮੰਗ ਕਰਦਿਆਂ ਕਿਹਾ ਕਿ ਜੇ 5 ਦਿਨ ਅੰਦਰ ਕਾਰਵਾਈ ਨਾ ਕੀਤੀ ਤਾਂ ਉਹ ਇਸ ਦਾ ਵਿਰੋਧ ਕਰਨਗੇ।ਹੋਟਲ ਮਾਲਕ ਮੁਹੰਮਦ ਸਲੀਮ ਦੇ ਮੁਤਾਬਕ ਡੀ ਐੱਸ ਪੀ ਮਨਜੀਤ ਸਿੰਘ ਆਪਣੇ ਗੰਨਮੈਨਾਂ ਅਤੇ ਦੋਸਤਾਂ ਨਾਲ ਰਾਤ ਦਾ ਖਾਣਾ ਖਾਣਾ ਆਏ ਸਨ ਅਤੇ ਖਾਣਾ ਖਾਣ ਪਿੱਛੋਂ ਜਦੋਂ ਵੇਟਰ ਨੇ ਬਿੱਲ ਦਿੱਤਾ ਤਾਂ ਡੀ ਐੱਸ ਪੀਅਤੇ ਉਨ੍ਹਾਂ ਦੇ ਗੰਨਮੈਨਾਂ ਨੇ ਉਸ ਦੀ ਤੇ ਉਸ ਦੇ ਲੜਕੇ ਦੀ ਕੁੱਟ-ਮਾਰ ਸ਼ੁਰੂ ਕਰ ਦਿੱਤੀ ਤੇ ਬਰਤਨ ਵੀ ਤੋੜ ਦਿੱਤੇ।ਇਸ ਕੁੱਟ-ਮਾਰ ਦੌਰਾਨ ਉਸ ਦੇ ਲੜਕੇ ਹਸਨ ਦਾ ਹੱਥ ਟੁੱਟ ਗਿਆਤੇ ਜਦੋਂ ਉਹ ਵੀਡੀਓ ਬਣਾ ਰਹੇ ਸਨ ਤਾਂ ਉਨ੍ਹਾਂ ਨੇ ਵੀਡੀਓ ਬਣਾਉਣ ਤੋਂ ਵੀ ਰੋਕਣ ਦੀ ਕੋਸ਼ਿਸ਼ ਕੀਤੀ।ਇਸ ਪਿੱਛੋਂ ਉਨ੍ਹਾਂ ਨੇ ਪੂਰਾ ਕੇਸ ਸ਼ਾਹੀ ਇਮਾਮ ਦੇ ਧਿਆਨ ਵਿੱਚ ਲਿਆਂਦਾ ਤਾਂ ਸ਼ਾਹੀ ਇਮਾਮ ਦੇ ਸੈਕਟਰੀ ਨੇ ਆਈਜੀ ਰਾਕੇਸ਼ ਅਗਰਵਾਲ ਨਾਲ ਗੱਲ ਕੀਤੀ ਹੈ।