‘ਫਨਾ’ ਅਤੇ ‘ਹਮ ਤੁਮ’ ਵਰਗੀਆਂ ਫਿਲਮਾਂ ਦੇ ਡਾਇਰੈਕਟਰ ਕੁਣਾਲ ਕੋਹਲੀ ਨੇ ਆਪਣੀ ਅਗਲੀ ਫਿਲਮ ‘ਬੌਬੀ ਔਰ ਰਿਸ਼ੀ ਕੀ ਲਵ ਸਟੋਰੀ’ ਦਾ ਐਲਾਨ ਕਰ ਦਿੱਤਾ ਹੈ। ਇਹੀ ਨਹੀਂ ਉਨ੍ਹਾਂ ਨੇ ਐਲਾਨ ਕਰਨ ਦੇ ਨਾਲ ਹੀ ਬ੍ਰਿਟੇਨ ਵਿੱਚ ਇਸ ਫਿਲਮ ਦੀ ਸ਼ੂਟਿੰਗ ਵੀ ਸ਼ੁਰੂ ਕਰ ਦਿੱਤੀ ਹੈ। ਇਹ ਰੋਮਾਂਟਿਕ ਕਾਮੇਡੀ ਫਿਲਮ ਹੈ। ਕੁਣਾਲ ਇਸ ਨਾਲ ਫਿਲਮਕਾਰ ਸ਼ੇਖਰ ਕਪੂਰ ਦੀ ਬੇਟੀ ਕਾਵੇਰੀ ਕਪੂਰ ਨੂੰ ਹਿੰਦੀ ਸਿਨੇਮਾ ਵਿੱਚ ਲਾਂਚ ਕਰ ਰਹੇ ਹਨ। ਕਾਵੇਰੀ ਦੇ ਨਾਲ ਇਸ ਫਿਲਮ ਵਿੱਚ ਅਮਰੀਸ਼ ਪੁਰੀ ਦਾ ਪੋਤਰਾ ਅਤੇ ਅਭਿਨੇਤਾ ਵਰਧਨ ਪੁਰੀ ਮੇਨ ਲੀਡ ਵਿੱਚ ਹੈ।
ਵਰਧਨ ਨੇ ਸਾਲ 2019 ਵਿੱਚ ਫਿਲਮ ‘ਯੇ ਸਾਲੀ ਆਸ਼ਿਕੀ' ਨਾਲ ਬਤੌਰ ਅਭਿਨੇਤਾ ਹਿੰਦੀ ਸਿਨੇਮਾ ਵਿੱਚ ਡੈਬਿਊ ਕੀਤਾ ਸੀ। ਕੁਣਾਲ ਸ਼ੁਰੂ ਤੋਂ ਅੰਤ ਤੱਕ ਇਸ ਫਿਲਮ ਦੀ ਸ਼ੂਟਿੰਗ ਬ੍ਰਿਟੇਨ ਵਿੱਚ ਕਰਨਗੇ। ਫਿਲਹਾਲ ਇਸ ਦੀ ਕਹਾਣੀ ਤੇ ਪਿਛੋਕੜ ਦੇ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ। ਪਿੱਛੇ ਜਿਹੇ ਕੁਮਾਲ ਦੇ ਨਿਰੇਸ਼ਨ ਵਾਲੀ ਵੈੱਬ ਸੀਰੀਜ਼ ‘ਰਾਮ ਯੁਗ’ ਡਿਜੀਟਲ ਪਲੇਟਫਾਰਮ ਉੱਤੇ ਰਿਲੀਜ਼ ਹੋਈ ਹੈ। ਉਥੇ ਵਰਧਨ ਅਨੁਫਮ ਖੇਰ ਅਤੇ ਸਤੀਸ਼ ਕੌਸ਼ਿਲ ਦੇ ਨਾਲ ਫਿਲਮ ‘ਨੌਟੰਕੀ’ ਵਿੱਚ ਨਜ਼ਰ ਆਉਣਗੇ।