ਭਾਰਤੀ ਮੂਲ ਦੀ ਅਭਿਨੇਤਰੀ ਐਮਿਲੀ ਸ਼ਾਹ ਜਲਦੀ ਹੀ ਅਭੈ ਦਿਓਲ ਨਾਲ ਕੰਮ ਕਰਦੀ ਨਜ਼ਰ ਆਏਗੀ। ਫਿਲਮ ‘ਜੰਗਲ ਕ੍ਰਾਯ’ ਦੀ ਇਹ ਫਿਲਮ ਮੁੰਬਈ, ਵੇਲਸ ਤੇ ਲੰਡਨ ਵਿੱਚ ਵੱਡੀ ਪੱਧਰ 'ਤੇ ਸ਼ੂਟ ਹੋਵੇਗੀ। ਫਿਲਮ ਵਿੱਚ ਇਨ੍ਹਾਂ ਦੋਵਾਂ ਸਿਤਾਰਿਆਂ ਤੋਂ ਇਲਾਵਾ ਸਟੀਵਟ ਰਾਈਟ, ਜੂਲੀਅਨ ਲੁਈਸ ਜੋਨਸ ਤੇ ਰਗਬੀ ਦੇ ਵਰਲਡ ਕੱਪ ਰੈਫਰੀ ਨੀਜੇਲ ਤਾਂ ਹੋਣਗੇ ਹੀ ਉਥੇ ਹੀ 150 ਸਾਲ ਪੁਰਾਣੀ ਰਗਬੀ ਟੀਮ ਸਕਾਰਲੇਟਸ ਵੀ ਫਿਲਮ ਦਾ ਹਿੱਸਾ ਹੋਵੇਗੀ।
ਜ਼ਿਕਰਯੋਗ ਹੈ ਕਿ ਐਮਿਲੀ ਕੈਲੀਫੋਰਨਈਆ ਸਟੇਟ ਯੂਨੀਵਰਸਿਟੀ ਤੋਂ ਮੀਡੀਆ ਮੈਨੇਜਮੈਂਟ ਦੀ ਗ੍ਰੈਜੂਏਟ ਹੈ, ਜੋ ਉਸ ਤੋਂ ਪਹਿਲਾਂ ‘ਫਾਸਟ ਐਂਡ ਫਰੂਰੀਅਸ : 7’, ‘ਕੈਪਟਨ ਅਮਰੀਕਾ’, ‘ਰਨ ਆਲ ਨਾਈਟ’ ਵਰਗੀਆਂ ਕਈ ਹਾਲੀਵੁੱਡ ਫਿਲਮਾਂ ਵਿੱਚ ਅਸਿਸਟੈਂਟ ਡਾਇਰੈਕਟਰ ਵੀ ਕੰਮ ਕਰ ਚੁੱਕੀ ਹੈ।
ਸਾਗਰ ਬੇਲਾਰੀ ਦੁਆਰਾ ਨਿਰਦੇਸ਼ਿਤ ‘ਜੰਗਲ ਕ੍ਰਾਯ’ ਇੱਕ ਸੱਚੀ ਘਟਨਾ 'ਤੇ ਬਣਨ ਵਾਲੀ ਫਿਲਮ ਹੈ, ਜਿਹੜੀ ਭਾਰਤ ਦੇ ਜੰਗਲਾਂ ਵਿੱਚ ਰਹਿਣ ਵਾਲੇ 12 ਨੌਜਵਾਨ ਆਦਿਵਾਸੀ ਬੱਚਿਆਂ ਦੀ ਇੱਕ ਰਗਬੀ ਟੀਮ ਬਾਰੇ ਹੈ, ਜਿਸ ਨੇ ਅੰਡਰ-14 ਰਗਬੀ ਵਰਲਡ ਕੱਪ ਵਿੱਚ ਨੰਗੇ ਪੈਰੀਂ ਖੇਡ ਕੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਸੀ। ਫਿਲਮ ਵਿੱਚ ਅਭੈ ਭਾਰਤੀ ਕੋਚ ਰੁਦਰਾਕਸ਼ ਜੇਨਾ ਦੇ ਕਿਰਦਾਰ ਵਿੱਚ ਨਜ਼ਰ ਆੇਗਾ, ਜੋ ਭੁਵਨੇਸ਼ਵਰ ਦਾ ਰਹਿਣ ਵਾਲਾ ਹੈ।