ਕਰਣ ਮਲਹੋਤਰਾ ਦੇ ਨਿਰਦੇਸ਼ਨ ਵਿੱਚ ਬਣ ਰਹੀ ਫਿਲਮ ‘ਸ਼ਮਸ਼ੇਰਾ’ ਵਿੱਚ ਰਣਬੀਰ ਕਪੂਰ ਅਤੇ ਸੰਜੇ ਦੱਤ ਦਿਖਾਈ ਦੇਣਗੇ। ਇਸ ਪੀਰੀਅਡ ਡਰਾਮਾ ਫਿਲਮ ਦੀ ਸ਼ੂਟਿੰਗ ਇਨ੍ਹਾਂ ਦਿਨੀਂ ਮੁੰਬਈ ਵਿੱਚ ਚੱਲ ਰਹੀ ਹੈ। ਫਿਲਮ ਵਿੱਚ ਰੋਨਿਤ ਰਾਏ ਦੀ ਵੀ ਐਂਟਰੀ ਹੋਈ ਹੈ। ਅਜੇ ਇਹ ਪਤਾ ਨਹੀਂ ਲੱਗਾ ਕਿ ਉਹ ਇਸ ਵਿੱਚ ਕੀ ਕਿਰਦਾਰ ਨਿਭਾਉਣਗੇ।
ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਰੋਨਿਤ ਨੇ ਇੱਕ ਟਵੀਟ ਕਰ ਕੇ ਲਿਖਿਆ- ‘‘ਇੰਨੇ ਵੱਡੇ ਸੈਟ 'ਤੇ ਮੈਂ ਫਿਲਮ ‘ਸ਼ਮਸ਼ੇਰਾ’ ਦੀ ਸ਼ੂਟਿੰਗ ਸ਼ੁਰੂ ਕੀਤੀ ਹੈ। ਮੈਨੂੰ ਮਾਣ ਹੈ ਕਿ ਮੈਂ ਇਸ ਦਾ ਹਿੱਸਾ ਬਣ ਸਕਿਆ ਹਾਂ। ਫਿਲਮ ਦਾ ਡਾਇਰੈਕਸ਼ਨ ਕਰਣ ਮਲਹੋਤਰਾ ਕਰ ਰਹੇ ਹਨ ਤੇ ਇਸ ਵਿੱਚ ਮੈਂ ਰਣਬੀਰ ਕਪੂਰ ਤੇ ਸੰਜੇ ਦੱਤ ਦੇ ਨਾਲ ਸਕਰੀਨ ਸ਼ੇਅਰ ਕਰਾਂਗਾ। ਮੈਂ ਕਰਣ ਮਲਹੋਤਰਾ ਅਤੇ ਯਸ਼ਰਾਜ ਦਾ ਸ਼ੁਕਰੀਆ ਅਦਾ ਕਰਦਾ ਹਾਂ ਕਿ ਉਨ੍ਹਾਂ ਨੇ ਮੈਨੂੰ ਸ਼ਮਸ਼ੇਰਾ ਦਾ ਹਿੱਸਾ ਬਣਾਇਆ ਹੈ।”