ਨਵਾਜ਼ੂਦੀਨ ਸਿੱਦੀਕੀ ਤੇ ਤਮੰਨਾ ਭਾਟੀਆ ਦੀ ਫਿਲਮ ‘ਬੋਲੇ ਚੂੜੀਆਂ’ ਬਣ ਕੇ ਤਿਆਰ ਹੈ। ਪਿੱਛੇ ਜਿਹੇ ਇਸ ਦੇ ਗਾਣੇ ਰਿਲੀਜ਼ ਕੀਤੇ ਗਏ। ਉੱਤਰ ਪ੍ਰਦੇਸ਼ ਦੇ ਪਿਛੋਕੜ ਉੱਤੇ ਬਣੀ ਇਹ ਫਿਲਮ ਇੱਕ ਚੂੜੀਆਂ ਵੇਚਣ ਵਾਲੇ ਵਿਅਕਤੀ ਅਤੇ ਇੱਕ ਪਿੰਡ ਦੀ ਲੜਕੀ ਦੇ ਪ੍ਰੇਮ ਦੀ ਕਹਾਣੀ ਹੈ। ਤਮੰਨਾ ਇਸ ਫਿਲਮ ਦਾ ਹਿੱਸਾ ਬਣ ਕੇ ਕਾਫੀ ਖੁਸ਼ ਹੈ।
ਇਸ ਬਾਰੇ ਤਮੰਨਾ ਨੇ ਦੱਸਿਆ ਕਿ ਪਹਿਲਾਂ ਸਿਰਫ ਚੰਗੇ ਦਿੱਸਣ ਵਾਲੇ ਲੋਕਾਂ ਨੂੰ ਹੀ ਫਿਲਮਾਂ ਵਿੱਚ ਜ਼ਿਆਦਾ ਮੌਕੇ ਮਿਲਦੇ ਸਨ, ਅੱਜਕੱਲ੍ਹ ਨਿਰਮਾਤਾਵਾਂ ਦਾ ਧਿਆਨ ਤੁਹਾਡੇ ਲੁਕਸ ਤੋਂ ਹਟ ਕੇ ਪ੍ਰਫਾਰਮੈਂਸ ਉੱਤੇ ਵੱਧ ਹੈ। ਨਵਾਜ਼ੂਦੀਨ ਦੇ ਕੋਲ ਕੰਮ ਕਰਨ ਦੇ ਅਨੁਭਵ ਬਾਰੇ ਤਮੰਨਾ ਨੇ ਕਿਹਾ, ਉਹ ਬਹੁਤ ਹੀ ਸਾਧਾਰਨ ਵਿਅਕਤੀ ਹਨ। ਜਦ ਤੁਸੀਂ ਕਿਸੇ ਅਜਿਹੇ ਕਲਾਕਾਰ ਨਾਲ ਕੰਮ ਕਰਦੇ ਹੋ, ਜੋ ਬਿਨਾਂ ਕਿਸੇ ਝਿਜਕ ਦੇ ਸਵਾਲ ਪੁੱਛਦਾ ਹੋਵੇ ਅਤੇ ਤੁਹਾਡੇ ਸਵਾਲਾਂ ਦਾ ਜਵਾਬ ਦਿੰਦਾ ਹੋਵੇ ਤਾਂ ਉਸ ਦੇ ਨਾਲ ਕੰਮ ਕਰਨਾ ਸੰਤੋਸ਼ ਜਨਕ ਅਨੁਭਵ ਹੁੰਦਾ ਹੈ।