ਨਵਾਜ਼ੂਦੀਨ ਸਿੱਦੀਕੀ ਦੇ ਭਰਾ ਸ਼ਮਸ ਨਵਾਬ ਸਿੱਦੀਕੀ ਆਪਣੀ ਪਹਿਲੀ ਲਘੂ ਫਿਲਮ ‘ਬੋਲੇ ਚੂੜੀਆਂ’ ਦਾ ਨਿਰਦੇਸ਼ਨ ਕਰ ਕੇ ਫਿਲਮੀ ਕਰੀਅਰ ਸ਼ੁਰੂ ਕਰਨਗੇ, ਜਿਸ ਿਵੱਚ ਨਵਾਜ਼ੂਦੀਨ ਸਿੱਦੀਕੀ ਅਤੇ ਤਮੰਨਾ ਭਾਟੀਆ ਮੁੱਖ ਕਲਾਕਾਰ ਹਨ। ਦੱਸਣ ਯੋਗ ਹੈ ਕਿ ਇਸ ਦੇ ਰਿਲੀਜ਼ ਤੋਂ ਪਹਿਲਾਂ ਸ਼ਮਸ ਨੇ ਅਗਲੀ ਲਘੂ ਫਿਲਮ ‘ਜ਼ੀਰੋ ਕਿਲੋਮੀਟਰ’ ਲਈ ਕੰਮ ਸ਼ੁਰੂ ਕਰ ਦਿੱਤਾ ਹੈ, ਜਿਸ ਵਿੱਚ ਕਿ ਜੈ ਹਿੰਦ ਕੁਮਾਰ ਤੇ ਤਾਨੀਆ ਦੇਸਾਈ ਮੁੱਖ ਕਲਾਕਾਰ ਹਨ।
ਸ਼ਮਸ ਨੇ ਦੱਸਿਆ, ‘‘ਮੈਨੂੰ ਫਿਲਮ ‘ਮੀਆਂ ਕੱਲ੍ਹ ਆਨਾ’, ਜੋ ਤਿੰਨ ਤਲਾਕ 'ਤੇ ਆਧਾਰਤ ਸੀ, ਲਈ 35 ਦੇਸ਼ਾਂ ਦੇ ਫਿਲਮ ਫੈਸਟੀਵਲ ਵਿੱਚ ਜਾਣ ਦਾ ਮੌਕਾ ਮਿਲ ਚੁੱਕਾ ਹੈ, ਜੋ ਮੇਰੇ ਲਈ ਅਭੁੱਲ ਯਾਦਗਾਰ ਹੈ ਤੇ ‘ਜ਼ੀਰੋ ਕਿਲੋਮੀਟਰ' ਫਿਲਮ ਬਣਾਉਣ ਪਿੱਛੇ ਇਹੀ ਕਾਰਨ ਹੈ। ਮੈਨੂੰ ਲੱਗਦਾ ਹੈ ਕਿ ਕੋਈ ਕੰਮ ਛੋਟਾ-ਵੱਡਾ ਜਾਂ ਚੰਗਾ ਮਾੜਾ ਨਹੀਂ ਹੁੰਦਾ।” ਇਨ੍ਹਾਂ ਫਿਲਮਾਂ ਤੋਂ ਇਲਾਵਾ ਸ਼ਮਸ ਨੌਜਵਾਨਾਂ ਲਈ ਹਾਸਰਸ ਫਿਲਮ ‘ਚਲਤਾ ਪੁਰਜਾ’ ਅਤੇ ਐਕਸ਼ਨ ਫਿਲਮ ‘ਗੇਹੂ, ਗਾਨਾ ਔਰ ਗੰਨ’ 'ਤੇ ਵੀ ਕੰਮ ਕਰ ਰਿਹਾ ਹੈ।