ਰੌਨੀ ਸਕਰੂਵਾਲਾ ਵੱਲੋਂ ਬਣਾਈ ਜਾ ਰਹੀ ‘ਡਾਇਰੈਕਟ-ਟੂ-ਡਿਜੀਟਲ’ ਥ੍ਰਿਲਰ ‘ਏ ਥਰਸਡੇ’ ਵਿੱਚ ਆਖਰ ਯਾਮੀ ਗੌਤਮ ਦੀ ਖਾਸ ਲੁੱਕ ਰਿਲੀਜ਼ ਕੀਤੀ ਗਈ ਹੈ, ਜਿਸ ਵਿੱਚ ਉਹ ਟੀਚਰ ਦੀ ਭੂਮਿਕਾ ਨਿਭਾ ਰਹੀ ਹੈ। ਬੇਹਜ਼ਾਦ ਖੰਬਾਟਾ ਵੱਲੋਂ ਨਿਰਦੇਸ਼ਤ ਅਤੇ ਲਿਖੀ ਇਹ ਫਿਲਮ ਕਿਸੇ ਵੀਰਵਾਰ ਹੋਣ ਵਾਲੀਆਂ ਕੁਝ ਘਟਨਾਵਾਂ 'ਤੇ ਹੈ। ਇਹ ਪ੍ਰਤਿਭਾਸ਼ਾਲੀ ਅਭਿਨੇਤਰੀ ਫਿਲਮ ਵਿੱਚ ਨੈਨਾ ਜੈਸਵਾਲ ਨਾਮਕ ਇੱਕ ਸਿੰਪਲ ਸਕੂਲ ਟੀਚਰ ਦੀ ਭੂਮਿਕਾ ਨਿਭਾ ਰਹੀ ਹੈ। ਉਸ ਦੀ ਲੁੱਕ ਬਹੁਤ ਸਿੰਪਲ ਰੱਖੀ ਗਈ ਹੈ, ਜਿਸ ਨੇ ਸਭ ਨੂੰ ਉਸ ਦੇ ਕਿਰਦਾਰ ਪ੍ਰਤੀ ਵੱਧ ਜਗਿਆਸੂ ਕਰ ਦਿੱਤਾ ਹੈ।
ਫਿਲਮ ਬੁੱਧੀਮਾਨ ਪਲੇਅ ਸਕੂਲ ਟੀਚਰ ਦੀ ਜ਼ਿੰਦਗੀ ਦੇ ਦੁਆਲੇ ਘੁੰਮਦੀ ਹੈ, ਜੋ 16 ਬੱਚੇ ਬੰਦੀ ਬਣਾ ਲੈਂਦੀ ਹੈ। ਇਸ ਥ੍ਰਿਲਰ ਵਿੱਚ ਨੇਹਾ ਧੂਪੀਆ, ਡਿੰਪਲ ਕਪਾਡੀਆ, ਅਤੁਲ ਕੁਲਕਰਨੀ, ਮਾਇਆ ਸਰਾਓ ਜਿਹੇ ਕਈ ਪ੍ਰਤਿਭਾਸ਼ਾਲੀ ਕਲਾਕਾਰਾਂ ਨੇ ਅਹਿਮ ਭੂਮਿਕਾ ਨਿਭਾਈ ਹੈ, ਜਿਸ ਵਿੱਚ ਯਾਮੀ ਪ੍ਰਮੁੱਖ ਭੂਮਿਕਾ ਵਿੱਚ ਹੈ। ਇਸ ਦੀ ਸ਼ੂਟਿੰਗ ਪਿੱਛੇ ਜਿਹੇ ਸ਼ੁਰੂ ਹੋਈ ਹੈ ਅਤੇ ਇਸੇ ਸਾਲ ਡਿਜੀਟਲ ਰੂਪ ਨਾਲ ਰਿਲੀਜ਼ ਹੋਵੇਗੀ। ਇਸ ਦੇ ਇਲਾਵਾ ਯਾਮੀ ਦੀਆਂ ਅਗਲੀਆਂ ਫਿਲਮਾਂ ਵਿੱਚ ਸੈਫ ਅਲੀ ਖਾਨ ਅਤੇ ਅਰਜੁਨ ਕਪੂਰ ਨਾਲ ‘ਭੂਤ ਪੁਲਸ’ ਅਤੇ ਅਭਿਸ਼ੇਕ ਬੱਚਨ ਨਾਲ ‘ਦਸਵੀਂ’ ਸ਼ਾਮਲ ਹੈ।