ਵਾਸ਼ਿੰਗਟਨ, 27 ਫਰਵਰੀ (ਪੋਸਟ ਬਿਊਰੋ)- ਅਮਰੀਕੀ ਸਪੇਸ ਏਜੈਂਸੀ ਨਾਸਾ ਦੇ ਵਿਗਿਆਨਿਕਾਂ ਨੇ ਸ਼ੁੱਕਰ ਗ੍ਰਹਿ ਦੀ ਸਤ੍ਹਾ ਨਾਲ ਜੁੜੀ ਖੋਜ ਕੀਤੀ ਹੈ। ਮੰਨਿਆ ਜਾਂਦਾ ਹੈ ਕਿ ਉਨ੍ਹਾਂ ਨੂੰ ਪਾਰਕਰ ਸੋਲਰ ਪ੍ਰੋਬ ਰਾਹੀਂ ਸ਼ੁੱਕਰ ਨਾਲ ਜੁੜੀ ਹੈਰਾਨ ਕਰਨ ਵਾਲੀ ਜਾਣਕਾਰੀ ਮਿਲੀ ਹੈ, ਜਿਸ ਬਾਰੇ ਅਗਲਾ ਕੰਮ ਜਾਰੀ ਹੈ।
ਪਾਰਕਰ ਸੋਲਰ ਪ੍ਰੋਬ ਨੂੰ ਫਲੋਰਿਡਾ ਦੇ ਕੇਪ ਕਨੇਵਰਲ ਤੋਂ ਅਗਸਤ 2018 ਵਿੱਚ ਸੂਰਜ ਨੂੰ ਸਭ ਤੋਂ ਕਰੀਬ ਦੇਖਣ ਲਈ ਲਾਂਚ ਕੀਤਾ ਗਿਆ ਸੀ। ਇਸ ਦੇ ਲਈ ਜ਼ਰੂਰੀ ਹੈ ਕਿ ਉਹ ਸ਼ੁੱਕਰ ਦੀ ਗ੍ਰੈਵਿਟੀ ਦੀ ਮਦਦ ਲਵੇ। ਪਿਛਲੇ ਸਾਲ ਸ਼ੁੱਕਰ ਦਾ ਚੱਕਰ ਕੱਟਦੇ ਹੋਏ ਪ੍ਰੋਬ ਨੇ ਵਿਗਿਆਨਿਕਾਂ ਨੂੰ ਉਸਦੀ ਸਤ੍ਹਾ ਦੀ ਸਾਫ ਤਸਵੀਰ ਦਿੱਤੀ ਹੈ। ਸ਼ੁੱਕਰ ਦੀ ਸਤਾ ਆਮ ਤੌਰ ’ਤੇ ਦੇਖਣ ਨੂੰ ਨਹੀਂ ਮਿਲਦੀ, ਕਿਉਂਕਿ ਇਹ ਕਾਰਬਨ-ਡਾਇਆਕਸਾਈਡ ਦੇ ਬੱਦਲਾਂ ਨਾਲ ਢੱਕੀ ਰਹਿੰਦੀ ਹੈ। ਪਾਰਕਰ ਨੇ ਜੋ ਤਸਵੀਰ ਲਈ, ਉਹ ਇਸ ਤੋਂ 7,693 ਮੀਲ ਦੂਰੋਂ ਲਈ ਹੈ, ਪਰ ਫਿਰ ਵੀ ਬਹੁਤ ਸਾਫ ਹੈ। ਖੋਜੀਆਂ ਨੇ ਦੱਸਿਆ ਹੈ ਕਿ ਇਹ ਇਲਾਕਾ ਤਸਵੀਰ ਵਿੱਚ ਅੰਧੇਰਾ ਦਿੱਸਦਾ ਹੈ, ਕਿਉਂਕਿ ਇਸ ਦਾ ਤਾਪਮਾਨ ਆਸਪਾਸ ਦੇ ਇਲਾਕੇ ਤੋਂ ਘੱਟ ਹੈ। ਅਧਿਕਾਰੀਆਂ ਨੇ ਅੰਦਾਜ਼ਾ ਲਾਇਆ ਕਿ ਇਹ 85 ਡਿਗਰੀ ਫਾਹਿਰੇਨਹਾਈਟ ਹੋ ਸਕਦਾ ਹੈ। ਏਥੋਂ ਲੱਗਦਾ ਹੈ ਜਿਵੇਂ ਪ੍ਰੋਬ ਇੰਨਫ੍ਰਾਰੇਡ ਰੋਸ਼ਨੀ ਬਾਰੇ ਜ਼ਿਆਦਾ ਸੰਵੇਦਨਸੀਲ ਹੈ ਜਾ ਉਸ ਨੂੰ ਕੋਈ ਅਜਿਹੀ ਜਗ੍ਹਾ ਮਿਲ ਗਈ ਹੈ ਜਿੱਥੋਂ ਬਾਦਲਾਂ ਨੂੰ ਚੀਰ ਕੇ ਉਹ ਸ਼ੁੱਕਰ ਦੀ ਸਤ੍ਹਾ ਨੂੰ ਦੇਖ ਸਕੇ।