ਲਾਕਡਾਊਨ ਦੇ ਬਾਅਦ ਵੱਡੇ ਸਿਤਾਰਿਆਂ ਦਾ ਰੁਖ਼ ਵੀ ਡਿਜੀਟਲ ਵੱਲ ਹੋਇਆ ਹੈ। ਪਿਛਲੇ ਸਾਲ ਅਭਿਸ਼ੇਕ ਬੱਚਨ ਦੀ ‘ਬ੍ਰੀਦ-2’ ਆਈ ਸੀ। ਫਿਰ ਅਕਸ਼ੈ ਕੁਮਾਰ ਦੀ ‘ਲੱਛਮੀ’ ਆਈ। ਫਿਰ ਸ਼ਾਹਿਦ ਕਪੂਰ ਵੀ ਇਸੇ ਲੀਗ ਵਿੱਚ ਸ਼ਾਮਲ ਹੋ ਗਏ। ਉਹ ਬੀਤੇ ਮਹੀਨੇ ਤੋਂ ਗੋਆ ਵਿੱਚ ਆਪਣੀ ਅਗਲੀ ਵੈੱਬ ਸੀਰੀਜ਼ ਦੀ ਸ਼ੂਟਿੰਗ ਕਰ ਰਹੇ ਸਨ। ਅਮੇਜ਼ਨ ਪ੍ਰਾਈਮ ਨੇ ਇਸ ਦਾ ਐਲਾਨ ਕੀਤਾ ਹੈ। ਮੇਕਰਸ ਨੇ ਅਜੇ ਤੱਕ ਇਸ ਵੈਬ ਸੀਰੀਜ਼ ਦਾ ਟਾਈਟਲ ਫਾਈਨਲ ਨਹੀਂ ਕੀਤਾ।
ਆਪਣੇ ਡਿਜੀਟਲ ਡੈਬਿਊ ਬਾਰੇ ਸ਼ਾਹਿਦ ਕਹਿੰਦੇ ਹਨ, ‘‘ਮੈਂ ਰਾਜ ਅਤੇ ਡੀ ਕੇ (ਡਾਇਰੈਕਟਰ ਜੋੜੀ) ਦੇ ਨਾਲ ਕੰਮ ਕਰਨ ਦਾ ਇਛੁੱਕ ਸੀ। ਓ ਟੀ ਟੀ 'ਤੇ ਮੇਰਾ ਫੇਵਰੇਟ ਸ਼ੋਅ ‘ਦ ਫੈਮਿਲੀ ਮੈਨ’ ਹੈ ਜਿਸ ਨੂੰ ਇਨ੍ਹਾਂ ਦੋਵਾਂ ਨੇ ਹੀ ਕ੍ਰਿਏਟ ਕੀਤਾ ਹੈ। ਮੈਂ ਆਪਣੇ ਡਿਜੀਟਲ ਡੈਬਿਊ ਦੇ ਲਈ ਇਨ੍ਹਾਂ ਦੋਵਾਂ ਤੋਂ ਬਿਹਤਰ ਕਿਸੇ ਦੇ ਬਾਰੇ ਵਿੱਚ ਨਹੀਂ ਸੋਚ ਸਕਦਾ ਸੀ।”