* ਕਾਂਗਰਸ ਹੋਰ ਪਿਛਾਂਹ ਗਈ, ਆਮ ਆਦਮੀ ਪਾਰਟੀ ਅੱਗੇ ਵਧੀ
ਗਾਂਧੀ ਨਗਰ, 23 ਫਰਵਰੀ, (ਪੋਸਟ ਬਿਊਰੋ)- ਗੁਜਰਾਤ ਨਗਰ ਨਿਗਮ ਚੋਣਾਂ ਦੇ ਅੱਜ ਆਏ ਨਤੀਜਿਆਂ ਦੇ ਮੁਤਾਬਕ ਭਾਰਤੀ ਜਨਤਾ ਪਾਰਟੀ ਇੱਕ ਵਾਰ ਫਿਰ ਹੂੰਝਾ ਫੇਰ ਜਿੱਤ ਜਿੱਤਣ ਵਿੱਚ ਕਾਮਯਾਬ ਰਹੀ ਹੈ। ਇਨ੍ਹਾਂ ਚੋਣਾਂ ਵਿੱਚ ਕਾਂਗਰਸ ਦੀ ਹਾਲਤ ਹੋਰ ਪਤਲੀ ਹੋਈ, ਪਰ ਆਮ ਆਦਮੀ ਪਾਰਟੀ ਦੇ ਕੁਝ ਅੱਗੇ ਵਧਣ ਨਾਲ ਉਸ ਦੇ ਆਗੂਆਂ ਅਤੇ ਵਰਕਰਾਂ ਦੇ ਹੌਸਲੇ ਬੁਲੰਦ ਹੋਏ ਹਨ, ਜਦ ਕਿ ਕਾਂਗਰਸੀ ਵਰਕਰਾਂ ਵਿੱਚ ਮਾਯੂਸੀ ਦਿਖਾਈ ਦਿੱਤੀ ਹੈ।
ਹੀਰਿਆਂ ਦੇ ਸ਼ਹਿਰ ਸੂਰਤਵਿੱਚ ਆਮ ਆਦਮੀ ਪਾਰਟੀ 25 ਸੀਟਾਂ ਜਿੱਤ ਕੇ ਭਾਜਪਾ ਤੋਂ ਬਾਅਦ ਵੱਡੀ ਧਿਰ ਬਣ ਗਈ ਹੈ, ਪਰ ਕਾਂਗਰਸ ਦਾ ਉਥੇ ਖਾਤਾ ਵੀ ਨਹੀਂ ਖੁੱਲ੍ਹਿਆ। ਰਾਜਕੋਟ ਵਿੱਚ 13 ਤੇ ਅਹਿਮਦਾਬਾਦ ਵਿਚ 16 ਸੀਟਾਂ ਉਤੇ ਆਮ ਆਦਮੀ ਪਾਰਟੀ ਦੂਸਰੇਥਾਂਆਈ ਹੈ। ਇਸ ਪਾਰਟੀ ਦੇ ਲੀਡਰ ਗੁਜਰਾਤ ਚੋਣ ਨਤੀਜਿਆਂ ਤੋਂ ਖੁਸ਼ ਹਨ।
ਇਸ ਦੌਰਾਨ ਆਏ ਨਤੀਜਿਆਂ ਮੁਤਾਬਕ ਗੁਜਰਾਤ ਦੇ ਸਾਰੇ ਛੇ ਨਗਰ ਨਿਗਮਾਂ ਅਹਿਮਦਾਬਾਦ, ਸੂਰਤ, ਵਡੋਦਰਾ, ਰਾਜਕੋਟ, ਭਾਵਨਗਰ ਅਤੇ ਜਾਮਨਗਰ ਵਿਚ ਭਾਜਪਾ ਨੇ ਬਹੁਮਤ ਹਾਸਿਲ ਕਰ ਲਿਆ ਹੈ।