ਜਦ ਇੱਕ ਡਾਂਸਰ ਦੂਜੇ ਡਾਂਸਰ ਦੀ ਤਾਰੀਫ ਕਰਦਾ ਹੈ ਤਾਂ ਵਾਕਿਆ ਹੀ ਉਸ ਪ੍ਰਫਾਰਮੈਂਸ ਵਿੱਚ ਜ਼ਰੂਰ ਕੋਈ ਗੱਲ ਰਹੀ ਹੋਵੇਗੀ। ਅਜਿਹਾ ਵਾਕਿਆ ਪਿਛਲੇ ਦਿਨੀਂ ਦੇਖਣ ਨੂੰ ਮਿਲਿਆ। ਦੱਸਣ ਯੋਗ ਹੈ ਕਿ ਨੋਰਾ ਜਿੱਥੇ ਵੀ ਜਾਵੇ, ਆਪਣੇ ਬਿਹਤਰੀਨ ਡਾਂਸ ਨਾਲ ਸਭ ਦੀ ਬੋਲਤੀ ਬੰਦ ਕਰ ਦਿੰਦੀ ਹੈ। ਉਸ ਦੇ ਡਾਂਸ ਦਾ ਆਲਮ ਇਹ ਹੈ ਕਿ ਜੋ ਵੀ ਉਸ ਨੂੰ ਡਾਂਸ ਕਰਦੇ ਦੇਖ ਲਵੇ, ਉਹ ਉਸ ਦੀਆਂ ਅਦਾਵਾਂ ਦਾ ਕਾਇਲ ਹੋਏ ਬਿਨਾਂ ਨਹੀਂ ਰਹਿ ਸਕਦਾ।
ਇੱਕ ਸ਼ੋਅ ਵਿੱਚ ਨੋਰਾ ਕੁਝ ਸਮੇਂ ਲਈ ਸੈਲੀਬ੍ਰਿਟੀ ਜੱਜ ਬਣ ਕੇ ਪਹੁੰਚੀ ਸੀ। ਉਂਝ ਤਾਂ ਨੋਰਾ ਦਾ ਕੰਮ ਇੱਥੋਂ ਸ਼ੋਅ ਵਿੱਚ ਕੰਟੈਸਟ ਦੇ ਡਾਂਸ ਨੂੰ ਜੱਜ ਕਰਨ ਦਾ ਸੀ, ਪਰ ਮੌਕੇ ਅਜਿਹੇ ਆਏ, ਜਦੋਂ ਨੋਰਾ ਨੇ ਉਨ੍ਹਾਂ ਦੇ ਨਾਲ ਵੀ ਆਪਣੇ ਗੀਤਾਂ 'ਤੇ ਖੂਬ ਡਾਂਸ ਦਾ ਜਲਵਾ ਦਿਖਾਇਆ। ਵੀਡੀਓ ਵਿੱਚ ਨੋਰਾ ਇੱਕ ਕੰਟੈਸਟੈਂਟ ਦੇ ਨਾਲ ਮਿਲ ਕੇ ਆਪਣੇ ਸੁਪਰਹਿੱਟ ਗੀਤ ‘ਦਿਲਬਰ-ਦਿਲਬਰ’ ਉੱਤੇ ਥਿਰਕਦੀ ਨਜ਼ਰ ਆਈ। ਉਸ ਨੇ ਇੰਨੇ ਵੱਖਰੇ ਅੰਦਾਜ਼ ਵਿੱਚ ਬੈਲੇ ਡਾਂਸ ਕੀਤਾ ਕਿ ਗੀਤਾ ਕਪੂਰ, ਮਲਾਇਕਾ ਅਰੋੜਾ ਅਤੇ ਟੈਰੇਸ ਲੁਈਸ ਦੇਖਦੇ ਹੀ ਰਹਿ ਗਏ। ਖਾਸ ਕਰ ਕੇ ਮਲਾਇਕਾ ਦੀ ਨੋਰਾ ਦੇ ਡਾਂਸ ਮੂਵਸ ਦੇਖ ਕੇ ਬੋਲਤੀ ਬੰਦ ਹੋ ਗਈ। ਨੋਰਾ ਦਾ ਜਲਦੀ ਹੀ ਇੱਕ ਨਵਾਂ ਗੀਤ ‘ਛੋੜ ਦੇਂਗੇ’ ਰਿਲੀਜ਼ ਹੋਣ ਵਾਲਾ ਹੈ, ਜਿਸ ਦੀ ਪਹਿਲੀ ਝਲਕ ਹੀ ਕਾਫੀ ਹਿੱਟ ਹੋ ਚੁੱਕੀ ਹੈ।