ਪਿਛਲੇ ਦਿਨੀਂ ਇਸ ਤਰ੍ਹਾਂ ਦੀ ਚਰਚਾ ਜ਼ੋਰਾਂ 'ਤੇ ਰਹੀ ਕਿ ਸ਼ਾਹਿਦ ਕਪੂਰ ਨੇ ਧਰਮਾ ਪ੍ਰੋਡਕਸ਼ਨ ਦੀ ਫਿਲਮ ‘ਯੋਧਾ’ ਛੱਡ ਦਿੱਤੀ ਹੈ। ਏਦਾਂ ਦੀਆਂ ਅਟਕਲਾਂ ਲਾਈਆਂ ਜਾ ਰਹੀਆਂ ਸਨ ਕਿ ਸ਼ਾਹਿਦ ਫਿਲਮ ਸਕ੍ਰਿਪਟ ਤੋਂ ਸੰਤੁਸ਼ਟ ਨਹੀਂ ਸਨ। ਇਸ 'ਤੇ ਟਿੱਪਣੀ ਕਰਦੇ ਹੋਏ ਇੰਡਸਟਰੀ ਨਾਲ ਜੁੜੇ ਕੁਝ ਲੋਕਾਂ ਦਾ ਕਹਿਣਾ ਸੀ ਕਿ ‘ਕਬੀਰ ਸਿੰਘ’ ਦੀ ਕਾਮਯਾਬੀ ਦੇ ਬਾਅਦ ਸ਼ਾਹਿਦ ਕਾਫੀ ਘੁਮੰਡੀ ਹੋ ਗਏ ਹਨ ਤੇ ਹਰ ਫਿਲਮ ਨਾਲ ਉਹ ਸਿਰਫ ਆਪਣੀ ਚਲਾਉਣਾ ਚਾਹੁੰਦੇ ਹਨ। ਉਨ੍ਹਾਂ ਨੂੰ ਸਿਰਫ ਉਹੀ ਪਸੰਦ ਆਉਂਦਾ ਹੈ, ਜੋ ਉਨ੍ਹਾਂ ਨੂੰ ਚੰਗਾ ਲੱਗਦਾ ਹੈ। ਏਦਾਂ ਦੀਆਂ ਖਬਰਾਂ ਵੀ ਹਨ ਕਿ ਫਿਲਮ ਲਈ ਸ਼ਾਹਿਦ ਕਪੂਰ ਦੁਆਰਾ ਦਿੱਤੀਆਂ ਡੇਟਸ ਨੂੰ ਅਚਾਨਕ ਉਨ੍ਹਾਂ ਨੇ ਆਪਣੀ ਮਰਜ਼ੀ ਨਾਲ ਅੱਗੇ ਵਧਾ ਦਿੱਤਾ। ਉਸ ਦੇ ਬਾਅਦ ਹੀ ਇਹ ਹੰਗਾਮਾ ਹੋਇਆ। ‘ਯੋਧਾ’ ਦੇ ਲਈ ਸ਼ਾਹਿਦ ਕਪੂਰ ਅਤੇ ਉਸ ਦੇ ਆਪੋਜ਼ਿਟ ਦਿਸ਼ਾ ਪਟਾਨੀ ਦੇ ਨਾਵਾਂ ਦਾ ਆਫੀਸ਼ੀਅਲ ਐਲਾਨ ਹੋਣਾ ਬਾਕੀ ਸੀ, ਪਰ ਉਸ ਤੋਂ ਪਹਿਲਾਂ ਇਸ ਤਰ੍ਹਾਂ ਦੀ ਗੱਲ ਸਾਹਮਣੇ ਆਉਣ ਕਾਰਨ ਇਹ ਪ੍ਰੋਜੈਕਟ ਸੰਕਟ ਵਿੱਚ ਨਜ਼ਰ ਆਉਣ ਲੱਗਾ। ਸੂਤਰਾਂ ਅਨੁਸਾਰ ਫਿਲਮ ਡਾਇਰੈਕਟਰ ਸ਼ਸ਼ਾਂਕ ਖੇਤਾਨ ਅਤੇ ਕਰਣ ਜੌਹਰ ਨੇ ਸ਼ਾਹਿਦ ਨੂੰ ਮਨਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ, ਪਰ ਸ਼ਾਹਿਦ ਤਿਆਰ ਨਹੀਂ ਹੋ ਰਹੇ ਸਨ, ਜਦ ਕਿ ਫਿਲਮ ਦੀ ਸ਼ੂਟਿੰਗ ਜਲਦੀ ਸ਼ੁਰੂ ਹੋਣੀ ਸੀ। ਸ਼ਾਹਿਦ ਦੇ ਨਾ ਮੰਨਣ 'ਤੇ ਕਰਣ ਜੌਹਰ ਕਿਸੇ ਹੋਰ ਐਕਟਰ ਨੂੰ ਪ੍ਰਪੋਜ ਕਰਨ ਦਾ ਮਨ ਬਣਾ ਚੁੱਕੇ ਸਨ, ਤਦ ਸ਼ਾਹਿਦ ਨੇ ਅਚਾਨਕ ਕਾਰਨ ਜੌਹਰ ਦੀਆਂ ਸਾਰੀਆਂ ਸ਼ਰਤਾਂ ਮੰਨਦੇ ਹੋਏ ਫਿਲਮ ਵਿੱਚ ਖੁਦ ਹੋਣ ਦੀ ਖਬਰ ਨੂੰ ਕਨਫਰਮ ਕਰ ਦਿੱਤਾ। ਆਸ ਕੀਤੀ ਜਾ ਰਹੀ ਹੈ ਕਿ ਸ਼ਾਹਿਦ ਕਪੂਰ ਦੇ ਕਨਫਰਮੇਸ਼ਨ ਦੇ ਬਾਅਦ ਕਰਣ ਜੌਹਰ ਕਿਸੇ ਵਕਤ ਵੀ ਫਿਲਮ ਦਾ ਆਫੀਸ਼ੀਅਲ ਐਲਾਨ ਕਰ ਸਕਦੇ ਹਨ। ਪੇਸ਼ ਹਨ ਇਸੇ ਮੁੱਦੇ 'ਤੇ ਸ਼ਾਹਿਦ ਕਪੂਰ ਨਾਲ ਹੋਈ ਗੱਲਬਾਤ ਦੇ ਕੁਝ ਅੰਸ਼ :
* ਕਰਣ ਜੌਹਰ ਅਤੇ ਡਾਇਰੈਕਟਰ ਸ਼ਸ਼ਾਂਕ ਖੇਤਾਨ ਦੀ ‘ਯੋਧਾ’ ਤੋਂ ਤੁਸੀਂ ਖੁਦ ਨੂੰ ਅਲੱਗ ਕਰ ਲਿਆ ਸੀ। ਇਸ ਦਾ ਇੱਕ ਕਾਰਨ ਤੁਹਾਡੇ ਦੋਵਾਂ ਵਿੱਚ ਕ੍ਰਿਏਟਿਵ ਡਿਫੈਂਰਸਿਜ ਦੱਸੇ ਜਾ ਰਹੇ ਸਨ। ਫਿਲਮ ਅਚਾਨਕ ਅਜਿਹਾ ਕੀ ਹੋਇਆ ਕਿ ਫਿਰ ਤੋਂ ਤੁਸੀਂ ਇਸ ਪ੍ਰੋਜੈਕਟ ਵਿੱਚ ਆ ਗਏ?
- ‘ਕਬੀਰ ਸਿੰਘ’ ਦੇ ਬਾਅਦ ਮੈਂ ਕੁਝ ਜ਼ਿਆਦਾ ਬਿਜ਼ੀ ਚੱਲ ਰਿਹਾ ਹਾਂ। ਮੈਂ ਸਮਝ ਰਿਹਾ ਹਾਂ ਕਿ ਇੱਕ ਐਕਟਰ ਨੂੰ ਇੰਨਾ ਜ਼ਿਆਦਾ ਵੀ ਬਿਜ਼ੀ ਨਹੀਂ ਹੋਣਾ ਚਾਹੀਦਾ ਕਿ ਕੰਮ ਲਈ ਸਮਾਂ ਨਾ ਮਿਲੇ ਅਤੇ ਕੰਮ 'ਤੇ ਧਿਆਨ ਨਾ ਦੇ ਸਕੇ। ਜ਼ਿਆਦਾ ਕੰਮ ਦੇ ਚੱਕਰ ਵਿੱਚ ਡੇਟ ਇਸ਼ਿਊ ਹੋਣਾ ਸੁਭਾਵਿਕ ਹੈ, ਪਰ ਫਿਰ ਸਭ ਕੁਝ ਤੈਅ ਹੋ ਚੁੱਕਾ ਹੈ।
* ‘ਯੋਧਾ’ ਦੀ ਸ਼ੂਟਿੰਗ ਜਨਵਰੀ ਵਿੱਚ ਸ਼ੁਰੂ ਹੋਣੀ ਸੀ, ਪਰ ਤੁਹਾਡੇ ਕਾਰਨ ਅਜਿਹਾ ਨਹੀਂ ਹੋ ਸਕਿਆ। ਇਹ ਕਦੋਂ ਫਲੋਰ 'ਤੇ ਜਾਏਗੀ?
- ਮੈਂ ਇਸ ਮਹੀਨੇ ਆਪਣੀ ਡੈਬਿਊ ਵੈਬ ਸੀਰੀਜ਼ ਦੀ ਸ਼ੂਟਿੰਗ ਦੇ ਗੋਆ ਜਾ ਰਿਹਾ ਹਾਂ। ਇਸ ਦੇ ਬਾਅਦ ਮਾਰਚ ਵਿੱਚ ਇਸ਼ ਦਾ ਅਗਲਾ ਸ਼ਡਿਊਲ ਮੰੁਬਈ ਤੋਂ ਸ਼ੁਰੂ ਹੋਏਗਾ। ਉਸ ਦੇ ਬਾਅਦ ਮੈਂ ‘ਯੋਧਾ’ 'ਤੇ ਕੰਮ ਸ਼ੁਰੂ ਕਰਾਂਗਾ। ਇਹ ਕਹਿਣਾ ਸਹੀ ਨਹੀਂ ਹੈ ਕਿ ਇਹ ਫਿਲਮ ਜਨਵਰੀ ਤੋਂ ਸ਼ੁਰੂ ਹੋਣੀ ਸੀ ਅਤੇ ਅਜਿਹਾ ਨਾ ਹੋਣ ਦਾ ਕਾਰਨ ਮੈਂ ਹਾਂ। ਸ਼ੁਰੂ ਤੋਂ ਹੀ ਕਰਣ ਸਰ ਦੀ ਮਾਰਚ 2021 ਤੋਂ ਫਿਲਮ ਦੀ ਸ਼ੂਟਿੰਗ ਕਰਨ ਦੀ ਪਲਾਨਿੰਗ ਰਹੀ ਹੈ।
* ਤੁਸੀਂ ਆਪਣੀ ਡੈਬਿਊ ਵੈੱਬ ਸੀਰੀਜ਼ ਦੇ ਬਾਰੇ ਕੁਝ ਦੱਸੋ?
-ਇਸ ਨੂੰ ‘ਹੈਪੀ ਐਂਡਿੰਗ’ ਤੇ ‘ਇਸਤਰੀ’ ਵਰਗੀਆਂ ਸ਼ਾਨਦਾਰ ਫਿਲਮਾਂ ਬਣਾਉਣ ਵਾਲੇ ਡਾਇਰੈਕਟਰ ਰਾਜ ਨਿਦੀਮੋਰੂ ਅਤੇ ਕ੍ਰਿਸ਼ਨਾ ਡੀ ਕੇ ਡਾਇਰੈਕਟ ਕਰਨਗੇ। ਇਸ ਵਿੱਚ ਮੈਂ ਵਿਜੈ ਸੇਤੁਪਤੀ ਨਾਲ ਕੰਮ ਕਰ ਰਿਹਾ ਹਾਂ। ਇਹ ਐਕਸ਼ਨ ਥ੍ਰਿਲਰ ਪ੍ਰੋਜੈਕਟ ਹੈ। ਇਸ ਦਾ ਟਾਈਟਲ ‘ਗਵਾਰ’ ਰੱਖਿਆ ਗਿਆ ਹੈ।
*ਤੁਸੀਂ ਅਮੇਜਾਨ ਪ੍ਰਾਈਮ ਦੇ ਨਾਲ ਪੰਜ ਫਿਲਮਾਂ ਦੀ ਜੋ ਡੀਲ ਕੀਤੀ ਹੈ, ਕੀ ਤੁਹਾਡੇ ਡਿਜੀਟਲ ਡੈਬਿਊ ਦੀ ਇਹ ਵੈਬ ਸੀਰੀਜ਼ ਦਾ ਹਿੱਸਾ ਹੈ?
- ਜੀ ਬਿਲਕੁਲ, ਇਹ ਉਨ੍ਹਾਂ ਹੀ ਪੰਜ ਵਿੱਚੋਂ ਪਹਿਲੀ ਫਿਲਮ ਹੈ। ਬਾਕੀ ਚਾਰ 'ਤੇ ਰਾਈਟਿੰਗ ਵਰਕ ਚੱਲ ਰਿਹਾ ਹੈ ਜਿਨ੍ਹਾਂ ਵਿੱਚੋਂ ਇੱਕ 'ਤੇ ਮੈਂ ‘ਯੋਧਾ’ ਦੇ ਬਾਅਦ ਜੂਨ ਤੋਂ ਕੰਮ ਸ਼ੁਰੂ ਕਰਾਂਗਾ।
* ਸਾਊਥ ਦੀ ਸੁਪਰ ਹਿੱਟ ਫਿਲਮ ‘ਜਰਸੀ' ਦਾ ਹਿੰਦੀ ਰੀਮੇਕ ਕੋਰੋਨਾ ਦੇ ਕਾਰਨ ਕਾਫੀ ਲੇਟ ਹੋ ਚੁੱਕਾ ਹੈ। ਇਹ ਫਿਲਮ ਕਦੋਂ ਤੱਕ ਰਿਲੀਜ਼ ਹੋ ਸਕੇਗੀ?
- ਇਸ ਦਾ ਪੋਸਟ ਪ੍ਰੋਡਕਸ਼ਨ ਸ਼ੁਰੂ ਹੋ ਚੁੱਕਾ ਹੈ। ਫਿਲਮ ਦੇ ਡਾਇਲਾਗਸ ਸ਼ੂਟਿੰਗ ਦੇ ਦੌਰਾਨ ਹੀ ‘ਸਿੰਕ ਸਾਊਂਡ ਮੈਥਰਡ’ ਵਿੱਚ ਸ਼ੂਟ ਕੀਤੇ ਜਾ ਚੁੱਕੇ ਹਨ। ਅਜਿਹੇ ਵਿੱਚ ਡਬਿੰਗ ਥੀਏਟਰ ਵਿੱਚ ਜਾ ਕੇ ਅਲੱਗ ਤੋਂ ਡਾਇਲਾਗ ਰਿਕਾਰਡ ਕਰਨ ਦੀ ਜ਼ਰੂਰਤ ਨਹੀਂ ਹੋਵੇਗੀ। ਇਸ ਲਈ ਉਮੀਦ ਹੈ ਕਿ ਬਹੁਤ ਜਲਦੀ ਇਸ ਦਾ ਬਚਿਆ ਹੋਇਆ ਕੰਮ ਪੂਰਾ ਕਰ ਕੇ ਇਸ ਦੀ ਰਿਲੀਜ਼ ਡੇਟ ਐਲਾਨ ਕੀਤੀ ਜਾਏਗੀ।