ਅਜੈ ਦੇਵਗਨ ਅਤੇ ਫਿਲਮ ਡਾਇਰੈਕਟਰ ਇੰਦਰ ਕੁਮਾਰ ਦਾ ਸਾਥ ਸਾਲਾਂ ਪੁਰਾਣਾ ਹੈ। ‘ਇਸ਼ਕ’ ਦੇ ਜ਼ਮਾਨੇ ਤੋਂ ਅੱਜ ਤੱਕ ਉਨ੍ਹਾਂ ਨੇ ਕਈ ਫਿਲਮਾਂ ਇਕੱਠੇ ਕੀਤੀਆਂ ਹਨ। ਇੱਕ ਵਾਰ ਫਿਰ ਇਹ ਜੋੜੀ ਇਕੱਠੇ ਫਿਲਮ ਕਰਨ ਵਾਲੀ ਹੈ। ਫਿਲਮ ਦਾ ਨਾਂਅ ‘ਥੈਂਕ ਗੌਡ’ ਹੋਵੇਗਾ। ਇਸ ਵਿੱਚ ਅਜੈ ਦੇਵਗਨ ਨਾਲ ਰਕੁਲ ਪ੍ਰੀਤ ਸਿੰਘ ਅਤੇ ਸਿਧਾਰਥ ਮਲਹੋਤਰਾ ਵੀ ਹੋਣਗੇ। ਇਹ ਕਾਮੇਡੀ ਮੂਵੀ ਹੋਵੇਗੀ, ਜਿਸ ਵਿੱਚ ਸੰਦੇਸ਼ ਵੀ ਹੋਵੇਗਾ। ਫਿਲਮ ਦੀ ਸ਼ੂਟਿੰਗ 21 ਜਨਵਰੀ ਤੋਂ ਸ਼ੁਰੂ ਹੋਵੇਗੀ।
ਫਿਲਮ ਨਿਰਮਾਤਾ ਹਨ ਭੂਸ਼ਣ ਕੁਮਾਰ, ਕ੍ਰਿਸ਼ਨ ਕੁਮਾਰ, ਅਸ਼ੋਕ ਠਕੇਰੀਆ, ਸੁਨੀਰ ਖੇਤਰਵਾਲ, ਦੀਪਕ ਮੁਕੁਟ, ਆਨੰਦ ਪੰਡਿਤ ਤੇ ਇੰਦਰ ਕੁਮਾਰ। ਫਿਲਮ ਨੂੰ ਵੱਡੇ ਸਕੇਲ 'ਤੇ ਬਣਾਇਆ ਜਾਏਗਾ। ਇੰਦਰ ਕੁਮਾਰ ਦੀ ਪਿਛਲੀ ਫਿਲਮ ‘ਟੋਟਲ ਧਮਾਲ’ (2019) ਵਿੱਚ ਵੀ ਅਜੈ ਨਜ਼ਰ ਆਏ ਸਨ ਅਤੇ ਇਹ ਫਿਲਮ ਬਾਕਸ ਆਫਿਸ 'ਤੇ ਹਿੱਟ ਰਹੀ ਸੀ।