ਈਸ਼ਾ ਦਿਓਲ ਨੇ ਭਾਵੇਂ ਹੀ ਸਾਲ 2002 ਵਿੱਚ ਰਿਲੀਜ਼ ਹੋਈ ਫਿਲਮ ‘ਕੋਈ ਮੇਰੇ ਦਿਲ ਸੇ ਪੂਛੇ’ ਨਾਲ ਹਿੰਦੀ ਡੈਬਿਊ ਕੀਤਾ ਕੀਤਾ ਸੀ, ਪਰ ਉਹ ਸਾਲ 1983 ਵਿੱਚ ਆਈ ਰਿਲੀਜ਼ ਹੋਈ ਫਿਲਮ ‘ਰਜ਼ੀਆ ਸੁਲਤਾਨਾ’ ਨੂੰ ਆਪਣੀ ਡੈਬਿਊ ਫਿਲਮ ਮੰਨਦੀ ਹੈ। ‘ਰਜ਼ੀਆ ਸੁਲਤਾਨ’ ਨੂੰ ਡੈਬਿਊ ਫਿਲਮ ਦੱਸਣ ਦੇ ਪਿੱਛੇ ਈਸ਼ਾ ਦਾ ਇੱਕ ਦਿਲਚਸਪ ਤਰਕ ਹੈ। ਉਸ ਦੇ ਮੁਤਾਬਕ ਵੱਡੀ ਹੋਣ ਦੇ ਬਾਅਦ ਉਸ ਦੀ ਮਾਂ ਹੇਮਾ ਮਾਲਿਨੀ ਨੇ ਉਸ ਨੂੰ ਦੱਸਿਆ ਸੀ ਕਿ ਫਿਲਮ ‘ਰਜ਼ੀਆ ਸੁਲਤਾਨਾ' ਦੀ ਸ਼ੂਟਿੰਗ ਦੇ ਸਮੇਂ ਉਹ ਉਨ੍ਹਾਂ ਦੇ ਗਰਭ ਵਿੱਚ ਸੀ। ਉਨ੍ਹਾਂ ਨੇ ਉਸ ਹਾਲਤ ਵਿੱਚ ਵੀ ਸ਼ੂਟਿੰਗ ਪੂਰੀ ਕੀਤੀ। ਇੰਨਾ ਹੀ ਨਹੀਂ, ਗਰਭਵਤੀ ਹੋਣ ਦੌਰਾਨ ਵੀ ਹੇਮਾ ਨੇ ਇਸ ਫਿਲਮ ਵਿੱਚ ਘੋੜਸਵਾਰੀ ਦੇ ਸੀਨ ਵੀ ਸ਼ੂਟ ਕੀਤੇ ਸਨ।
ਇਸ ਲਈ ਈਸ਼ਾ ਦਾ ਮੰਨਣਾ ਹੈ ਕਿ ਇਸ ਫਿਲਮ ਵਿੱਚ ਉਸ ਨੇ ਵੀ ਆਪਣੀ ਮਾਂ ਦੇ ਨਾਲ ਕੰਮ ਕੀਤਾ ਹੈ। ਇਸੇ ਦੌਰਾਨ ਹੇਮਾ ਨੇ ਫਿਲਮ ‘ਸੱਤੇ ਪੇ ਸੱਤਾ’ ਦੀ ਵੀ ਸ਼ੂਟਿੰਗ ਕੀਤੀ ਸੀ। ਈਸ਼ਾ ਕਹਿੰਦੀ ਹੈ ਕਿ ਫਿਲਮ ‘ਸੱਤੇ ਪੇ ਸੱਤਾ’ ਵਿੱਚ ਉਸ ਦੀ ਮਾਂ ਪਹਾੜੀਆਂ ਤੋਂ ਉਪਰ ਤੋਂ ਹੇਠਾਂ ਵੱਲ ਭੱਜੀ ਸੀ ਅਤੇ ‘ਰਜ਼ੀਆ ਸੁਲਤਾਨਾ' ਵਿੱਚ ਘੋੜਸਵਾਰੀ ਕੀਤੀ। ਸ਼ਾਇਦ ਇਸੇ ਕਾਰਨ ਐਡਵੈਂਚਰਸ ਕੰਮਾਂ ਵਿੱਚ ਉਸ ਦੀ ਜ਼ਿਆਦਾ ਦਿਲਚਸਪੀ ਹੈ।