ਸ਼ਾਹਰੁਖ ਖਾਨ ਨੇ ਫਿਲਮ ‘ਜ਼ੀਰੋ’ ਦੇ ਬਾਅਦ ਤੋਂ ਐਕਟਿੰਗ ਦੀ ਦੁਨੀਆ ਤੋਂ ਦੂਰੀ ਬਣਾਈ ਹੋਈ ਹੈ, ਪਰ ਉਨ੍ਹਾਂ ਦਾ ਪ੍ਰੋਡਕਸ਼ਨ ਹਾਊਸ ਰੈੱਡ ਚਿਲੀਜ਼ ਇੰਟਰਟੇਨਮੈਂਟ ਪੂਰੀ ਤਰ੍ਹਾਂ ਨਾਲ ਐਕਟਿਵ ਹੈ। ਸ਼ਾਹਰੁਖ ਦਾ ਪ੍ਰੋਡਕਸ਼ਨ ਹਾਊਸ ਫਿਲਮ ਦੇ ਨਾਲ-ਨਾਲ ਓ ਟੀ ਟੀ ਪਲੇਟਫਾਰਮ ਦੇ ਲਈ ਵੀ ਕੰਟੈਂਟ ਬਣਾ ਰਿਹਾ ਹੈ। ਖਬਰਾਂ ਦੀ ਮੰਨੀਏ ਹੁਣ ਸ਼ਾਹਰੁਖ ਖਾਨ ਦੇ ਬੈਨਰ ਨੇ ਨਵੀਂ ਫਿਲਮ ਦੀ ਪਲਾਨਿੰਗ ਕਰ ਲਈ ਹੈ। ਸੂਤਰਾਂ ਦਾ ਕਹਿਣਾ ਹੈ ਕਿ ਉਹ ਐਕਟਰ ਅਰੁਜਨ ਕਪੂਰ ਨੂੰ ਲੈ ਕੇ ਆਪਣੀ ਨਵੀਂ ਫਿਲਮ ਬਣਾਉਣਗੇ। ਅਰਜੁਨ ਜਿਸ ਦਾ ਕਰੀਅਰ ਅਜੇ ਦੌਰ 'ਚੋਂ ਲੰਘ ਰਿਹਾ ਹੈ, ਉਸ ਨੂੰ ਲੈ ਕੇ ਸ਼ਾਹਰੁਖ ਜੋ ਫਿਲਮ ਬਣਾਉਣ ਜਾ ਰਹੇ ਹਨ ਉਸ ਦਾ ਨਾਂਅ ਹੈ ‘ਧਮਾਕਾ।’ ਫਿਲਮ ਦਾ ਇਹ ਟਾਈਟਲ ਅਜੈ ਟੇਂਟੇਟਿਵ ਹੈ ਅਤੇ ਕਿਹਾ ਜਾ ਰਿਹਾ ਹੈ ਕਿ ਅੱਗੇ ਜ਼ਰੂਰਤ ਮਹਿਸੂਸ ਹੋਣ 'ਤੇ ਇਸ ਨੂੰ ਬਦਲਿਆ ਵੀ ਜਾ ਸਕਦਾ ਹੈ।
ਇਹ ਫਿਲਮ 2018 ਦੇ ਚਰਚਿਤ ਮੁਜੱਫਰ ਕਾਂਡ 'ਤੇ ਆਧਾਰਤ ਹੋਵੇਗੀ। ਇੱਕ ਸੱਚੀ ਘਟਨਾ 'ਤੇ ਆਧਾਰ ਬਣਾ ਕੇ ਇਹ ਥ੍ਰਿਲਰ ਫਿਲਮ ਬਣਾਈ ਜਾਏਗੀ ਜਿਸ ਵਿੱਚ ਅਰਜੁਨ ਕਪੂਰ ਇਨਵੈਸਟੀਗੇਸ਼ਨ ਅਫਸਰ ਦਾ ਰੋਲ ਕਰਨਗੇ। ਫਿਲਮ ਦੇ ਨਿਰਦੇਸ਼ਨ ਦੀ ਵਾਗਡੋਰ ਰਹੇਗੀ ਡਾਇਰੈਕਟਰ ਪੁਲਕਿਤ ਦੇ ਹੱਥਾਂ ਵਿੱਚ ਹੈ, ਜਿਨ੍ਹਾਂ ਨੇ ਇਸ ਤੋਂ ਪਹਿਲਾਂ ‘ਬੌਸ’ ਵਰਗੀ ਚਰਚਿਤ ਸੀਰੀਜ਼ ਬਣਾਈ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਫਿਲਮ ਦੀ ਸ਼ੂਟਿੰਗ 2021 ਤੋਂ ਸ਼ੁਰੂ ਹੋ ਜਾਏਗੀ।