ਵਾਸਿੰਗਟਨ, 27 ਅਕਤੂਬਰ (ਪੋਸਟ ਬਿਊਰੋ) : ਅਮਰੀਕਾ ਦੇ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਰਸਮੀ ਤੌਰ ਉੱਤੇ ਕੈਨੇਡੀਅਨ ਐਲੂਮੀਨੀਅਮ ਨੂੰ ਹਾਲ ਦੀ ਘੜੀ ਟੈਰਿਫਜ਼ ਤੋਂ ਛੋਟ ਦੇਣ ਦੇ ਐਲਾਨ ਉੱਤੇ ਦਸਤਖ਼ਤ ਕਰ ਦਿੱਤੇ ਹਨ|
ਡੌਨਲਡ ਟਰੰਪ ਨੇ ਸੈਕਸ਼ਨ 232 ਤਹਿਤ ਲਾਏ ਜਾਣ ਵਾਲੇ ਟੈਰਿਫਜ਼ ਤੋਂ ਕੈਨੇਡੀਅਨ ਐਲੂਮੀਨੀਅਮ ਐਕਸਪੋਰਟਸ ਨੂੰ ਛੋਟ ਦਿੱਤੀ| ਪਰ ਇਸ ਐਲਾਨਨਾਮੇ ਵਿੱਚ ਇਹ ਵੀ ਲਿਖਿਆ ਗਿਆ ਹੈ ਕਿ ਇਸ ਸਾਲ ਦੇ ਅੰਤ ਤੱਕ ਜੇ ਐਲੂਮੀਨੀਅਮ ਅੇਕਸਪੋਰਟਸ ਵਿੱਚ ਵਾਧਾ ਹੁੰਦਾ ਹੈ ਤਾਂ ਨੈਸ਼ਨਲ ਸਕਿਊਰਿਟੀ ਦੇ ਅਧਾਰ ਉੱਤੇ 10 ਫੀ ਸਦੀ ਟੈਰਿਫਜ਼ ਦੁਬਾਰਾ ਲਾਏ ਜਾ ਸਕਦੇ ਹਨ|
ਜ਼ਿਕਰਯੋਗ ਹੈ ਕਿ ਅਮਰੀਕਾ ਵੱਲੋਂ ਪਿੱਛੇ ਜਿਹੇ ਕੈਨੇਡਾ ਉੱਤੇ ਟੈਰਿਫ ਲਾਉਣ ਦੇ ਕੀਤੇ ਐਲਾਨ ਤੋਂ ਬਾਅਦ ਕੈਨੇਡਾ ਵੱਲੋਂ ਜਵਾਬੀ ਕਾਰਵਾਈ ਕਰਨ ਦੇ ਕੀਤੇ ਐਲਾਨ ਤੋਂ ਬਾਅਦ ਟਰੰਪ ਪ੍ਰਸ਼ਾਸਨ ਵੱਲੋਂ ਇਹ ਟੈਰਿਫ ਲਾਉਣ ਦਾ ਖਿਆਲ ਛੱਡ ਦਿੱਤਾ ਗਿਆ ਸੀ|