ਨਵੀਂ ਦਿੱਲੀ, 21 ਅਕਤੂਬਰ (ਪੋਸਟ ਬਿਊਰੋ)- ਭਾਜਪਾ ਨੇਤਾ ਸੁਬਰਾਮਨੀਅਮ ਸਵਾਮੀ ਚਾਰ ਧਾਮ ਦੇਵ ਸਥਾਨਮ ਬੋਰਡ ਬਣਾਉਣ ਦੇ ਮਾਮਲੇ `ਚ ਉਤਰਾ ਖੰਡ ਹਾਈ ਕੋਰਟ ਦੇ ਹੁਕਮਾਂ ਖਿਲਾਫ ਸੁਪਰੀਮ ਕੋਰਟ ਚਲੇ ਗਏ ਹਨ।
ਸਵਾਮੀ ਨੇ ਸੁਪਰੀਮ ਕੋਰਟ `ਚ ਵਿਸ਼ੇਸ਼ ਲੀਵ ਪਟੀਸ਼ਨ ਦਾਖਲ ਕਰ ਕੇ ਉਤਰਾ ਖੰਡ ਹਾਈ ਕੋਰਟ ਦੇ 21 ਜੁਲਾਈ ਦੇ ਹੁਕਮ ਨੂੰ ਚੁਣੌਤੀ ਦਿੱਤੀ ਹੈ। ਹਾਈ ਕੋਰਟ ਨੇ ਚਾਰ ਧਾਮ ਅਤੇ ਹੋਰ 51 ਮੰਦਰਾਂ ਦੀ ਮੈਨੇਜਮੈਂਟ ਸੂਬਾ ਸਰਕਾਰ ਦੇ ਕੰਟਰੋਲ ਵਿਚ ਲੈਣ ਵਾਲੇ ਕਾਨੂੰਨ ਨੂੰ ਚੁਣੌਤੀ ਦੇਣ ਵਾਲੀ ਸਵਾਮੀ ਦੀ ਪਟੀਸ਼ਨ ਰੱਦ ਕਰ ਦਿੱਤੀ ਸੀ। ਚਾਰ ਧਾਮ ਵਿਚ ਬਦਰੀਨਾਥ, ਕੇਦਾਰਨਾਥ, ਯਮੁਨੋਤਰੀ ਅਤੇ ਗੰਗੋਤਰੀ ਸ਼ਾਮਲ ਹਨ। ਹਾਈ ਕੋਰਟ ਨੇ ਦੇਵਾ ਸਥਾਨ ਐਕਟ ਦੀ ਵਿਧਾਨਕਤਾ ਨੂੰ ਸਹੀ ਠਹਿਰਾ ਕੇ ਆਪਣੇ ਹੁਕਮ ਵਿੱਚ ਕਿਹਾ ਸੀ ਕਿ ਸੂਬਾ ਸਰਕਾਰ ਮੰਦਰਾਂ ਦੀ ਮਲਕੀਅਤ ਲੈ ਸਕਦੀ ਹੈ ਤੇ ਬੋਰਡ ਨੂੰ ਮੰਦਰਾਂ ਦੀਆਂ ਜਾਇਦਾਦਾਂ `ਤੇ ਮੈਨੇਜਮੈਂਟ ਦਾ ਅਧਿਕਾਰ ਹੈ। ਕੋਰਟ `ਚ ਦੇਵਾ ਸਥਾਨ ਬੋਰਡ ਐਕਟ ਨੂੰ ਚੁਣੌਤੀ ਦਿੰਦੇ ਹੋਏ ਸਵਾਮੀ ਨੇ ਦਲੀਲ ਦਿੱਤੀ ਸੀ ਕਿ ਇਹ ਚਾਰ ਧਾਮ ਵੱਖਰਾ ਰਿਲੀਜੀਅਸ ਡਿਨੋਮਿਨੇਸ਼ ਹੈ ਅਤੇ ਇਸਲਈਸਰਕਾਰ ਉਸ ਦੀ ਮੈਨੇਜਮੈਂਟ ਆਪਣੇ ਹੱਥ ਵਿੱਚ ਨਹੀਂ ਲੈ ਸਕਦੀ। ਹਾਈ ਕੋਰਟ ਨੇ ਇਹ ਦਲੀਲ ਨਹੀਂ ਮੰਨੀ ਸੀ। ਸਵਾਮੀ ਦੇ ਇਲਾਵਾ ਦੋ ਹੋਰ ਪਟੀਸ਼ਨਾਂ `ਚ ਉਤਰਾ ਖੰਡ ਹਾਈ ਕੋਰਟ ਦੇ ਹੁਕਮ ਨੂੰ ਚੁਣੌਤੀ ਦਿੱਤੀ ਗਈ ਹੈ।