ਪੈਰਿਸ, 18 ਅਕਤੂਬਰ (ਪੋਸਟ ਬਿਊਰੋ) : ਪੈਰਿਸ ਵਿੱਚ ਇੱਕ ਮਿਡਲ ਸਕੂਲ ਟੀਚਰ ਦਾ ਸਿਰ ਧੜ ਨਾਲੋਂ ਅੱਡ ਕਰਕੇ ਉਸ ਨੂੰ ਮੌਤ ਦੇ ਘਾਟ ਉਤਾਰਨ ਦੇ ਮਾਮਲੇ ਦੀ ਪੁਲਿਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ|
ਇਹ ਪਤਾ ਲੱਗਿਆ ਹੈ ਕਿ ਇਸ ਟੀਚਰ ਵੱਲੋਂ ਇਸਲਾਮ ਦੇ ਪੈਗੰਬਰ ਮੁਹੰਮਦ ਦੇ ਕਾਰਟੂਨਜ਼ ਬਾਰੇ ਵਿਦਿਆਰਥੀਆਂ ਨਾਲ ਖੁੱਲ੍ਹ ਕੇ ਚਰਚਾ ਸ਼ੁਰੂ ਕੀਤੀ ਗਈ ਸੀ| ਇਸ ਟੀਚਰ ਨੂੰ ਫਰਾਂਸ ਦੀ ਸਟਰੀਟ ਉੱਤੇ ਕਤਲ ਕੀਤਾ ਗਿਆ ਤੇ ਪੁਲਿਸ ਨੇ ਗੋਲੀ ਮਾਰ ਕੇ ਮਸ਼ਕੂਕ ਨੂੰ ਵੀ ਮਾਰ ਮੁਕਾਇਆ| ਫਰੈਂਚ ਨਿਊਜ਼ ਏਜੰਸੀ ਦਾ ਕਹਿਣਾ ਹੈ ਕਿ ਪੁਲਿਸ ਅਧਿਕਾਰੀਆਂ ਨੂੰ ਟੀਚਰ ਦੀ ਲਾਸ਼ ਸਟਰੀਟ ਉੱਤੇ ਮਿਲੀ ਤੇ ਫਿਰ ਉਨ੍ਹਾਂ ਨੂੰ ਐਰੈਗਨੀ ਵਿੱਚ ਮਸ਼ਕੂਕ ਵੀ ਮਿਲ ਗਿਆ|
ਉਹ ਉਨ੍ਹਾਂ ਨੂੰ ਚਾਕੂ ਵਰਗੇ ਹਥਿਆਰ ਨਾਲ ਧਮਕਾ ਰਿਹਾ ਸੀ| ਫਿਰ ਉਸ ਨੂੰ ਪੁਲਿਸ ਨੇ ਮਾਰ ਮੁਕਾਇਆ| ਮੌਕੇ ਉੱਤੇ ਪੁਲਿਸ ਦੇ ਬੁਲਾਰੇ ਨੇ ਦੱਸਿਆ ਕਿ ਹਮਲਾਵਰ ਨੇ ਵੈਸਟ ਪਾਈ ਹੋਈ ਸੀ ਤੇ ਇਹ ਸਪਸ਼ਟ ਨਹੀਂ ਸੀ ਹੋ ਰਿਹਾ ਹੈ ਕਿ ਉਸ ਕੋਲ ਧਮਾਕਾਖੇਜ਼ ਸਮੱਗਰੀ ਹੈ ਜਾਂ ਨਹੀਂ|