ਰਵੀਨਾ ਟੰਡਨ ਨੂੰ ਆਪਣੀ ਫਿਲਮ ‘ਕੇ ਜੀ ਐਫ : ਚੈਪਟਰ 2’ ਦੀ ਬੇਸਬਰੀ ਨਾਲ ਉਡੀਕ ਹੈ। ਉਹ ਆਪਣੇ 29 ਸਾਲ ਦੇ ਲੰਮੇ ਕਰੀਅਰ ਨੂੰ ਬੇਹੱਦ ਉਤਸ਼ਾਹ ਨਾਲ ਦੇਖਦੀ ਹੈ ਅਤੇ ਉਸ ਦਾ ਕਹਿਣਾ ਹੈ ਕਿ ਜ਼ਿੰਦਗੀ 'ਚ ਹਰ ਨਵੀਂ ਸਿੱਖਿਆ ਮਿਲਦੀ ਹੈ। ਉਹ ਕਹਿੰਦੀ ਹੈ, ‘ਇਹ ਬੇਸ਼ੱਕ ਇੱਕ ਲੰਮਾ ਅਤੇ ਸ਼ਾਨਦਾਰ ਸਫਰ ਰਿਹਾ, ਇਸ ਨੇ ਮੈਨੂੰ ਕਾਫੀ ਕੁਝ ਸਿਖਾਇਆ ਹੈ। ਮੈਨੂੰ ਯਾਦ ਹੈ ਕਿ ਜਦੋਂ ਮੈਂ ਸ਼ੁਰੂਆਤ ਕੀਤੀ ਸੀ, ਉਸ ਸਮੇਂ ਮੇਰੀ ਉਮਰ ਕਾਫੀ ਘੱਟ ਸੀ। ਇਹ ਆਸਾਨ ਨਹੀਂ ਸੀ, ਪਰ ਮੈਂ ਹਾਰ ਨਹੀਂ ਮੰਨੀ ਅਤੇ ਸਖਤ ਮਿਹਨਤ ਕਰਨਾ ਜਾਰੀ ਰੱਖਿਆ ਤਾਂ ਕਿ ਆਪਣੇ ਲਈ ਸਨਮਾਨ ਯੋਗ ਥਾਂ ਬਣਾ ਸਕਾਂ। ਇਨ੍ਹਾਂ ਸਾਲਾਂ ਵਿੱਚ ਮੈਂ ਬਹੁਤ ਕੁਝ ਸਿੱਖਿਆ ਹੈ। ਹਰ ਦਿਨ ਦਾ ਆਗਮਨ ਨਵੀਂ ਸਿੱਖਿਆ ਨਾਲ ਹੁੰਦਾ ਹੈ।”
ਰਵੀਨਾ ਨੇ 16 ਸਾਲ ਦੀ ਉਮਰ ਵਿੱਚ ਬਾਲੀਵੁੱਡ ਡੈਬਿਊ ਕੀਤਾ ਸੀ। ‘ਪੱਥਰ ਕੇ ਫੂਲ’ ਉਸ ਦੀ ਪਹਿਲੀ ਫਿਲਮ ਸੀ, ਜਿਸ ਵਿੱਚ ਸਲਮਾਨ ਖਾਨ ਉਸ ਦੇ ਆਪੋਜ਼ਿਟ ਸੀ। ਇਸ ਦੇ ਬਾਅਦ ਉਸ ਨੇ ਆਪਣੇ ਕਰੀਅਰ 'ਚ ਲਗਾਤਾਰ ਅੱਗੇ ਵਧਣਾ ਜਾਰੀ ਰੱਖਿਆ। ਉਹ ਅੱਗੇ ਕਹਿੰਦੀ ਹੈ, ‘‘ਆਪਣੀ ਜ਼ਿੰਦਗੀ 'ਚ ਮੈਨੂੰ ਕਿਸੇ ਚੀਜ਼ ਦੇ ਲਈ ਕੋਈ ਗਿਲਾ ਨਹੀਂ ਹੈ ਅਤੇ ਨਾ ਮੈਂ ਕਦੇ ਅਜਿਹਾ ਕੀਤਾ ਹੈ। ਮੇਰਾ ਵੀ ਕੋਈ ਸੁਫਨਾ ਅਧੂਰਾ ਰਿਹਾ ਹੋਵੇਗਾ, ਪਰ ਆਪਣੇ ਕੀਤੇ ਕਿਸੇ ਵੀ ਕੰਮ ਨੂੰ ਬਾਰੇ ਮੈਨੂੰ ਕੋਈ ਮਲਾਲ ਨਹੀਂ ਹੈ। ਮੈਨੂੰ ਲੱਗਦਾ ਹੈ ਕਿ ਹਰ ਕਿਸੇ ਦੀ ਕਿਸਮਤ 'ਚ ਕੁਝ ਨਾ ਕੁਝ ਹੁੰਦਾ ਹੈ। ਮੈਨੂੰ ਆਪਣੀ ਜ਼ਿੰਦਗੀ ਨਾਲ ਪਿਆਰ ਹੈ। ਇਸ ਤੋਂ ਬਿਹਤਰ ਮੇਰੇ ਨਾਲ ਕੁਝ ਹੋਰ ਨਹੀਂ ਹੋ ਸਕਦਾ। ਆਪਣੀ ਜ਼ਿੰਦਗੀ ਵਿੱਚ ਮੈਂ ਕੁਝ ਵੀ ਨਹੀਂ ਬਦਲਣਾ ਚਾਹਾਂਗੀ। ਇਨਸਾਨ ਹੋਣ ਦੇ ਨਾਤੇ ਮੈਂ ਵੀ ਗਲਤੀਆਂ ਕੀਤੀਆਂ ਹਨ ਅਤੇ ਇਸ ਤੋਂ ਮੈਂ ਸਿੱਖਿਆ ਹੈ। ਮੈਂ ਪ੍ਰਮਾਤਮਾ ਦੀ ਧੰਨਵਾਦੀ ਹਾਂ ਕਿ ਉਨ੍ਹਾਂ ਨੇ ਮੈਨੂੰ ਉਹ ਸਭ ਕੁਝ ਦਿੱਤਾ ਜਿਸ ਦੀ ਮੈਨੂੰ ਚਾਹਤ ਰਹੀ ਹੈ।”