Welcome to Canadian Punjabi Post
Follow us on

19

May 2019
ਮਨੋਰੰਜਨ

ਸੱਚ ਹੋਇਆ ਮੇਰਾ ਸੁਫਨਾ : ਮੌਨੀ ਰਾਏ

November 21, 2018 09:24 AM

ਲਗਭਗ ਦਸ ਸਾਲ ਪਹਿਲਾਂ ਟੀ ਵੀ ਸ਼ੋਅ ‘ਕਿਉਂਕਿ ਸਾਸ ਭੀ ਕਭੀ ਬਹੁ ਥੀ’ ਨਾਲ ਐਕਟਿੰਗ ਦੀ ਦੁਨੀਆ ਵਿੱਚ ਕਦਮ ਰੱਖਣ ਵਾਲੀ ਮੌਨੀ ਰਾਏ ਦੇ ਹਿੱਸੇ ਵਿੱਚ ‘ਦੇਵੋਂ ਕੇ ਦੇਵ ਮਹਾਦੇਵ’ ਅਤੇ ‘ਨਾਗਿਨ’ ਵਰਗੇ ਸੁਪਰਹਿੱਟ ਸੀਰੀਅਲ ਰਹੇ ਹਨ। ਇਸ ਤੋਂ ਬਿਨਾ ਟੀ ਵੀ ਰਿਐਲਿਟੀ ਸ਼ੋਅ ‘ਬਿਗ ਬੌਸ’ ਅਤੇ ਡਾਂਸ ਰਿਐਲਿਟੀ ਸ਼ੋਅ ‘ਝਲਕ ਦਿਖਲਾ ਜਾ' ਵਿੱਚ ਵੀ ਬਤੌਰ ਮੁਕਾਬਲੇਬਾਜ਼ ਸ਼ਾਮਲ ਹੋ ਚੁੱਕੀ ਹੈ, ਪਰ ਅੱਜ ਕੱਲ੍ਹ ਟੀ ਵੀ ਸ਼ੋਅ ਮੌਨੀ ਲਈ ਸੈਕੰਡਰੀ ਬਣ ਗਏ ਹਨ, ਕਿਉਕਿ ਉਸ ਨੂੰ ਵੱਡਾ ਪਰਦਾ ਰਾਸ ਆਉਣ ਲੱਗਾ ਹੈ। ਪੇਸ਼ ਹਨ ਉਸ ਨਾਲ ਗੱਲਬਾਤ ਦੇ ਕੁਝ ਅੰਸ਼ :
* ਅਕਸ਼ੈ ਕੁਮਾਰ ਦੇ ਆਪੋਜ਼ਿਟ ਫਿਲਮ ‘ਗੋਲਡ’ ਨਾਲ ਬਾਲੀਵੁੱਡ 'ਚ ਡੈਬਿਊ ਕਰਨ ਦਾ ਕਿੰਨਾ ਫਾਇਦਾ ਹੋਇਆ?
- ਬਹੁਤ ਫਾਇਦਾ ਹੋਇਆ, ਕਿਉਂਕਿ ਸਥਾਪਤ ਕਲਾਕਾਰ ਨਾਲ ਕੰਮ ਕਰਨ ਦੀ ਖੁਸ਼ਕਿਸਮਤੀ ਨਸੀਬ ਵਾਲੀ ਅਦਾਕਾਰਾ ਨੂੰ ਮਿਲਦੀ ਹੈ। ਉਂਝ ਵੀ ਅਕਸ਼ੈ ਅੱਜ ਸੁਪਰ ਸਟਾਰ ਹਨ, ਇਸ ਲਈ ਉਨ੍ਹਾਂ ਨਾਲ ਕੰਮ ਕਰ ਕੇ ਜਿੱਥੇ ਬਹੁਤ ਕੁਝ ਸਿੱਖਣ ਨੂੰ ਮਿਲਿਆ, ਉਥੇ ਫਿਲਮ ਨਗਰੀ ਨੇ ਵੀ ਮੈਨੂੰ ਕਾਫੀ ਸਪੋਰਟ ਕੀਤਾ।
* ਰਾਜ ਕੁਮਾਰ ਰਾਓ ਵਾਲੀ ਆਪਣੀ ਫਿਲਮ ‘ਮੇਡ ਇਨ ਚਾਈਨਾ’ ਬਾਰੇ ਕੁਝ ਦੱਸੋ?
-ਨਿਰਮਾਤਾ ਦਿਨੇਸ਼ ਵਿਜਾਨ ਦੀ ਮਿਖਿਲ ਮੁਸਾਲੇ ਦੇ ਨਿਰਦੇਸ਼ਨ 'ਚ ਬਣ ਰਹੀ ਫਿਲਮ ‘ਮੇਡ ਇਨ ਚਾਈਨਾ' ਦੀ ਕਹਾਣੀ ਮਜ਼ੇਦਾਰ ਹੈ। ਇਸ ਵਿੱਚ ਰਾਜ ਕੁਮਾਰ ਰਾਓ ਇੱਕ ਗੁਜਰਾਤੀ ਬਿਜ਼ਨਸਮੈਨ ਦਾ ਕਿਰਦਾਰ ਕਰਦੇ ਨਜ਼ਰ ਆਉਣਗੇ, ਜਦ ਕਿ ਮੈਂ ਮੁੰਬਈ ਦੀ ਮੱਧ ਵਰਗੀ ਕੁੜੀ ਦੀ ਭੂਮਿਕਾ 'ਚ ਦਿਖਾਈ ਦਿਆਂਗੀ, ਜੋ ਡਾਂਸਿੰਗ ਦੀ ਦੀਵਾਨੀ ਹੈ।
* ਫਿਲਮ ‘ਬ੍ਰਹਮਾਸਤਰ’ ਦੀ ਕੀ ਪ੍ਰੋਗਰੈੱਸ ਹੈ ਅਤੇ ਇਸ ਵਿੱਚ ਤੁਸੀਂ ਕੀ ਕਰ ਰਹੇ ਹੋ?
- ਕਰਣ ਜੌਹਰ ਦੇ ਬੈਨਰ ਹੇਠ ਅਯਾਨ ਮੁਖਰਜੀ ਦੇ ਨਿਰਦੇਸ਼ਨ ਵਿੱਚ ਬਣ ਰਹੀ ‘ਬ੍ਰਹਮਾਸਤਰ’ ਦੀ ਸ਼ੂਟਿੰਗ ਆਪਣੇ ਆਖਰੀ ਪੜਾਅ ਵਿੱਚ ਹੈ। ਇਹ ਫਿਲਮ ਇੱਕ ਸੁਪਰ ਨੈਚੁਰਲ ਫਿਲਮ ਹੈ, ਜਿਸ ਵਿੱਚ ਰਣਬੀਰ ਤੇ ਆਲੀਆ ਲੀਡ ਕਪਲ ਹਨ, ਮੈਂ ਵਿਲੇਨ ਦੇ ਕਿਰਦਾਰ ਵਿੱਚ ਨਜ਼ਰ ਆਉਣ ਵਾਲੀ ਹਾਂ। ਇਸ ਫਿਲਮ ਦੀ ਕਹਾਣੀ ਅੱਜ ਦੇ ਭਾਰਤ 'ਤੇ ਆਧਾਰਤ ਹੈ। ਫਿਲਮ 'ਚ ਅਹਿਮ ਭੂਮਿਕਾ ਵਿੱਚ ਅਮਿਤਾਭ ਬੱਚਨ ਵੀ ਦਿਸਣਗੇ।
* ਦੂਜੀ ਹੀ ਫਿਲਮ ਵਿੱਚ ਸਦੀ ਦੇ ਮਹਾਨਾਇਕ ਅਮਿਤਾਭ ਬੱਚਨ ਨਾਲ ਕੰਮ ਕਰਨ ਬਾਰੇ ਕੀ ਕਹੋਗੇ?
-ਇਹੀ ਕਹਾਂਗੀ ਕਿ ਮਹਾਨਾਇਕ ਅਮਿਤਾਭ ਬੱਚਨ ਨਾਲ ਕੰਮ ਕਰਨਾ ਸੁਫਨਾ ਪੂਰਾ ਹੋਣ ਵਰਗਾ ਹੈ। ਉਨ੍ਹਾਂ ਨਾਲ ਕੰਮ ਕਰਨਾ ਇੱਕ ਅਲੌਕਿਕ ਸੁਫਨੇ ਵਰਗਾ ਹੈ। ਮੈਂ ਉਨ੍ਹਾਂ ਨੂੰ ਦੇਖਣ ਲਈ ਬਹੁਤ ਉਤਸ਼ਾਹਤ ਸੀ ਅਤੇ ਮੈਨੂੰ ਇਹ ਪਤਾ ਨਹੀਂ ਹੁੰਦਾ ਸੀ ਕਿ ਉਨ੍ਹਾਂ ਨਾਲ ਸ਼ੂਟ ਪੂਰਾ ਹੋਣ ਤੋਂ ਬਾਅਦ ਮੈਨੂੰ ਕੀ ਕਰਨਾ ਚਾਹੀਦਾ ਸੀ। ਮੈਂ ਉਨ੍ਹਾਂ ਨਾਲ ਕੰਮ ਕਰਨ ਤੋਂ ਬਾਅਦ ਖੁਸ਼ੀ ਨਾਲ ਮਰ ਵੀ ਸਕਦੀ ਹਾਂ। ਪੱਛਮੀ ਬੰਗਾਲ ਦੇ ਕੂਚ ਬਿਹਾਰ ਤੋਂ ਆਈ ਕੁੜੀ ਨੂੰ ਕਦੇ ਦੇ ਮਹਾਨਾਇਕ ਨਾਲ ਕੰਮ ਦਾ ਮੌਕਾ ਮਿਲੇਗਾ, ਇਹ ਮੈਂ ਕਦੇ ਸੁਫਨੇ 'ਚ ਵੀ ਨਹੀਂ ਸੋਚਿਆ ਸੀ।
* ਫਿਲਮ ਨਾਲ ਵੈੱਬ ਸੀਰੀਜ਼ 'ਚ ਕੰਮ ਕਰਨ ਦਾ ਕੀ ਕਾਰਨ ਹੈ?
- ਇਹੀ ਕਿ ਇਸ ਵੈੱਬ ਸੀਰੀਜ਼ ‘ਮੇਹਰੁਨਿਸਾ' ਦਾ ਨਿਰਮਾਣ ਏਕਤਾ ਕਪੂਰ ਨੇ ਕੀਤਾ ਹੈ, ਜਿਨ੍ਹਾਂ ਕਾਰਨ ਅੱਜ ਮੈਂ ਤੁਹਾਡੇ ਸਾਰਿਆਂ ਵਿੱਚ ਹਾਂ। ਏਕਤਾ ਕਪੂਰ ਨੇ ਜਦੋਂ ਮੈਨੂੰ ਇਸ ਦਾ ਆਫਰ ਦਿੱਤਾ ਤਾਂ ਉਨ੍ਹਾਂ ਨੂੰ ਨਾਂਹ ਕਰਨ ਦਾ ਸਵਾਲ ਹੀ ਨਹੀਂ ਸੀ, ਕਿਉਂਕਿ ਉਨ੍ਹਾਂ ਦਾ ਮੇਰੇ 'ਤੇ ਬਹੁਤ ਅਹਿਸਾਨ ਹੈ।

Have something to say? Post your comment