* ਮਹਾਰਾਣੀ ਅਤੇ ਪ੍ਰਧਾਨ ਮੰਤਰੀ ਵੀ ਨਹੀਂ ਛੱਡੇ
ਲੰਡਨ, 14 ਸਤੰਬਰ, (ਪੋਸਟ ਬਿਊਰੋ)- ਚੀਨ ਦੀ ਇੱਕ ਕੰਪਨੀ ਨੇ ਸਿਰਫ ਭਾਰਤੀਆਗੂਆਂ, ਫੌਜ ਦੇ ਅਧਿਕਾਰੀਆਂ ਤੇ ਜੱਜਾਂ ਸਮੇਤ 10 ਹਜ਼ਾਰ ਲੋਕਾਂ ਦਾ ਡਾਟਾ ਹੀ ਇਕੱਠਾ ਨਹੀਂ ਕੀਤਾ, ਉਹ ਬ੍ਰਿਟੇਨ ਦੇ ਵੀ 40 ਹਜ਼ਾਰ ਤੋਂਵੱਧ ਪ੍ਰਮੁੱਖ ਲੋਕਾਂ ਦੀ ਜਾਣਕਾਰੀ ਇਕੱਠਾ ਕਰ ਕੇ ਜਾਸੂਸੀ ਲਈ ਦੇਂਦੀ ਰਹੀ ਹੈ। ਇਨ੍ਹਾਂ ਵਿੱਚ ਬ੍ਰਿਟੇਨ ਦੀ ਮਹਾਰਾਣੀ ਅਤੇ ਪ੍ਰਧਾਨ ਮੰਤਰੀ ਬੋਰਿਸ ਜਾਨਸਨ ਵੀ ਸ਼ਾਮਲ ਦੱਸੇ ਗਏ ਹਨ।
ਡਾਟਾ ਨਿਗਰਾਨੀ ਦੇ ਮਾਹਰਾਂ ਮੁਤਾਬਕ ਬ੍ਰਿਟਿਸ਼ ਸਮਾਜ ਵਿੱਚ ਇਹੋ ਜਿਹੀ ਨਿਗਰਾਨੀ ਕਰਨ ਦਾ ਕਲਪਨਾ ਤੋਂ ਪਰੇ ਸਮਝਿਆ ਜਾਂਦਾ ਹੈ। ਬ੍ਰਿਟਿਸ਼ ਖੁਫੀਆ ਸੂਤਰਾਂ ਨੇ ਵੀ ਇਸ ਨੂੰ ‘ਭਿਆਨਕ` ਕਿਹਾ ਹੈ। ਭਾਰਤ ਵਿੱਚ ਜਨਤਕ ਜੀਵਨ ਵਿੱਚਪਛਾਣੀਆਂ ਜਾਂਦੀਆਂ ਪ੍ਰਮੁੱਖ ਹਸਤੀਆਂ ਤੇ ਉਨ੍ਹਾਂ ਦੇ ਪਰਿਵਾਰਾਂ ਦੀ ਨਿਗਰਾਨੀ ਕਰਨ ਦਾ ਖੁਲਾਸਾ ‘ਇੰਡੀਅਨ ਐਕਸਪ੍ਰੈਸ` ਨੇ ਇਸ ਸੋਮਵਾਰ ਨੂੰ ਕੀਤਾ ਅਤੇ ਏਸੇ ਦਿਨ ਬ੍ਰਿਟੇਨ ਦੀ ਅਖ਼ਬਾਰ ‘ਦਿ ਡੇਲੀ ਟੈਲੀਗ੍ਰਾਫ` ਨੇ ਓਥੋਂ ਦੇ ਲੋਕਾਂ ਦੀ ਜਾਸੂਸੀ ਕੀਤੇ ਜਾਣ ਦੀ ਖ਼ਬਰ ਦਿੱਤੀ ਹੈ। ਜਿਵੇਂ ਭਾਰਤ ਬਾਰੇ ਪੁੱਛਗਿੱਛ ਕੀਤੇ ਜਾਣ ਉੱਤੇ ਚੀਨੀ ਟੈਕਨੋਲੋਜੀ ਕੰਪਨੀ ਸਿਨਹੂਆ ਨੇ ਵੈਬਸਾਈਟ ਬੰਦ ਕਰ ਦਿੱਤੀ ਸੀ, ਉਹੀ ਕੁਝ‘ਦਿ ਡੇਲੀ ਟੈਲੀਗ੍ਰਾਫ` ਦੇ ਨਾਲ ਹੋਇਆ ਹੈ।
ਬ੍ਰਿਟਿਸ਼ ਅਖ਼ਬਾਰ ਡੇਲੀ ਟੈਲੀਗ੍ਰਾਫ ਦੇ ਮੁਤਾਬਕ ਚੀਨੀ ਕੰਪਨੀ ਨੇ ਆਪਣੀ ਸ਼ੈਤਾਨ ਹਰਕਤ ਨੂੰਚੀਨ ਦੇ ‘ਮਹਾਨ ਮੁੜ ਉਥਾਨ` ਮਿਸ਼ਨ ਲਈ ਕੀਤਾ ਦੱਸਿਆ ਹੈ। ਉਸ ਨੇ ਬ੍ਰਿਟੇਨ ਦੇ ਸੀਨੀਅਰ ਸਿਆਸਤਦਾਨਾਂ, ਸ਼ਾਹੀ ਖਾਨਦਾਨ ਦੇ ਲੋਕਾਂ, ਧਾਰਮਿਕ ਅਤੇ ਫੌਜੀ ਲੀਡਰਸਿ਼ਪ ਦੀਆਂ ਫਾਈਲਾਂ ਚੀਨੀ ਸਰਵਰ ਵਿੱਚ ਜਮ੍ਹਾਂ ਕੀਤੀਆਂ ਸਨ, ਜਿਨ੍ਹਾਂ ਦੀ ਵਰਤੋਂ ਖੁਫੀਆ ਤਰੀਕੇ ਨਾਲ ਜਾਸੂਸੀ ਲਈ ਕੀਤੀ ਜਾਣੀ ਹੈ। ਇਸ ਡਾਟਾ ਵਿੱਚ ਨਾਮ, ਜਨਮ ਤਾਰੀਖ਼, ਸਿੱਖਿਆ, ਪ੍ਰਫੈਸ਼ਨਲ ਜੀਵਨ ਅਤੇ ਹੋਰ ਸੂਚਨਾਵਾਂ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਇਨ੍ਹਾਂ ਦੀ ਵੰਸ਼ਾਵਲੀ, ਸ਼ੌਕ ਤੇ ਰੁਚੀਆਂ ਦੀ ਜਾਣਕਾਰੀ ਹੈ। ਵੱਡੇ ਅਫਸਰਾਂ ਦਾ ਵੇਰਵਾ ਵੀ ਇਸ ਵਿੱਚ ਮਿਲਿਆ ਹੈ। ਅਖ਼ਬਾਰ ਨੇ ਪੂਰੇ ਦੋ ਸਫਿਆਂ ਦੇ ਕੇ ਵੇਰਵੇ ਦੇ ਕੁਝ ਅੰਸ਼ ਛਾਪੇ ਹਨ ਅਤੇ ਪਤਾ ਲੱਗਾ ਹੈ ਕਿ ਇਸ ਕੰਪਨੀ ਨੇ ਇਹੀ ਜਾਣਕਾਰੀਆਂ ਅਮਰੀਕਾ, ਕੈਨੇਡਾ, ਭਾਰਤ ਤੇ ਜਾਪਾਨ ਵਿੱਚ ਵੀ ਇਕੱਠੀਆਂ ਕੀਤੀਆਂ ਹਨ। ਸਿਨਹੁਆ ਡਾਟਾ ਨਾਂਅ ਦੀ ਕੰਪਨੀ ਕਹਿੰਦੀ ਹੈ ਕਿ ਉਹ ਇਸ ਨੂੰ ਫੌਜ, ਸੁਰੱਖਿਆ ਅਤੇ ਵਿਦੇਸ਼ੀ ਪ੍ਰਚਾਰ ਲਈ ਪੇਸ਼ ਕਰਦੀ ਹੈ। ਇਸ ਨੂੰ ਚੀਨ ਦੇ ਸੁਰੱਖਿਆ ਖੇਤਰ ਦੇ ਖ਼ਰੀਦਦਾਰਾਂ ਨੂੰ ਵੇਚਿਆ ਜਾਂਦਾ ਹੈ।
ਸਮਝਿਆ ਜਾਂਦਾ ਹੈ ਕਿ ਇਹ ਡਾਟਾ ਇੱਕ ਚੀਨ ਵਿਰੋਧੀ ਕਰਮਚਾਰੀ ਨੇ ਚੁਰਾਇਆ ਅਤੇ ਫਿਰ ‘ਫਾਈਵ ਆਈਜ਼ ਇੰਟੈਲੀਜੈਂਸ ਨੈੱਟਵਰਕ` ਨਾਲ ਸ਼ੇਅਰ ਕੀਤਾ ਹੈ। ਇਹ ਪੰਜ ਦੇਸ਼ਾਂ ਦਾ ਸਾਂਝਾ ਅਦਾਰਾ ਹੈ। ਚੀਨ ਸਰਕਾਰ ਦੇ ਬੁਲਾਰੇ ਨੇ ਕੰਪਨੀ ਅਤੇ ਚੀਨ ਸਰਕਾਰ ਦੀਆਂ ਖੁਫੀਆ ਏਜੰਸੀਆਂ ਦੇ ਸੰਪਰਕਬਾਰੇ ਕੁਝ ਵੀ ਕਹਿਣਤੋਂ ਇਨਕਾਰ ਕਰ ਦਿੱਤਾ ਹੈ।