* ਵੈਕਸੀਨ ਦੇ ਮਾਮਲੇ ਵਿੱਚ ਕਾਹਲੀ ਨੂੰ ਖ਼ਤਰਨਾਕ ਦੱਸਿਆ
ਮਾਸਕੋ, 12 ਅਗਸਤ, (ਪੋਸਟ ਬਿਊਰੋ)- ਰੂਸ ਦੇ ਰਾਸ਼ਟਰਪਤੀ ਵਲਾਦਿਮੀਰ ਪੁਤਿਨ ਨੇ ਮੰਗਲਵਾਰ ਐਲਾਨ ਕੀਤਾ ਸੀ ਕਿ‘ਅਸੀਂ ਕੋਰੋਨਾ ਦੀ ਸੁਰੱਖਿਅਤ ਵੈਕਸੀਨ ਬਣਾ ਲਈ ਅਤੇ ਦੇਸ਼ ਵਿਚ ਰਜਿਸਟਰਡ ਕਰਾ ਲਈ ਹੈ। ਮੇਰੀਆਂ ਦੋ ਧੀਆਂ ਵਿਚੋਂ ਇਕ ਨੂੰ ਪਹਿਲੀ ਵੈਕਸੀਨ ਲਾਈ ਹੈ ਤੇ ਉਹ ਬਿਲਕੁਲ ਠੀਕ ਹੈ।` ਅੱਜ ਸੰਸਾਰ ਸਿਹਤ ਸੰਗਠਨ (ਡਬਲਿਊ ਐੱਚ ਓ) ਨੇ ਰੂਸ ਨੂੰ ਵੈਕਸੀਨ ਦੇ ਮਾਮਲੇ ਵਿਚ ਕਾਹਲੀ ਨਾ ਵਿਖਾਉਣ ਲਈ ਕਿਹਾ ਹੈ ਅਤੇ ਉਸ ਦੇ ਇਸ ਰੁਖ ਨੂੰ ਖ਼ਤਰਨਾਕ ਵੀ ਦੱਸਿਆ ਹੈ। ਡਬਲਯੂ ਐਚ ਓ ਨੇ ਇਹ ਵੀ ਕਿਹਾ ਹੈ ਕਿ ਉਸ ਕੋਲ ਅਜੇ ਤੱਕ ਰੂਸ ਵੱਲੋਂ ਵਿਕਸਿਤ ਕੀਤੀ ਜਾ ਰਹੀ ਕੋਰੋਨਾ ਵੈਕਸੀਨ ਦੀ ਕੋਈ ਜਾਣਕਾਰੀ ਹੀਨਹੀਂ ਹੈ।
ਵਰਨਣ ਯੋਗ ਹੈ ਕਿ ਰੂਸ ਨੇ ਕੋਰੋਨਾ ਵੈਕਸੀਨ ਦਾ ਨਾਮ ਆਪਣੇ ਪਹਿਲਾਂ ਸੈਟੇਲਾਈਟ ‘ਸਪੁਤਨਿਕ ਵੀ` ਦੇ ਨਾਮ ਉੱਤੇ ਰੱਖਿਆ ਹੈ। ਰੂਸੀ ਆਟੋਨੋਮਸ ਵੈਲਥ ਦੇ ਮੁਖੀ ਦਾ ਕਹਿਣਾ ਹੈ ਕਿ ਇਸ ਵੈਕਸੀਨ ਦੇ 1 ਅਰਬ ਡੋਜ਼ ਲਈ ਉਨ੍ਹਾਂ ਨੂੰ 20 ਤੋਂਵੱਧ ਦੇਸ਼ਾਂ ਤੋਂ ਬੇਨਤੀਆਂ ਮਿਲ ਚੁੱਕੀਆਂ ਹਨ। ਦੂਸਰੇ ਪਾਸੇ ਡਬਲਯੂ ਐਚ ਓਨੇ ਕਿਹਾ ਹੈ ਕਿ ਰੂਸ ਨੇ ਉਨ੍ਹਾਂ ਨਾਲ ਵੈਕਸੀਨ ਤੇ ਟੈਸਟਿੰਗ ਦੀ ਪ੍ਰਕਿਰਿਆ ਦੀ ਜਾਣਕਾਰੀ ਸਾਂਝੀ ਨਹੀਂ ਕੀਤੀ। ਡਬਲਯੂ ਐਚ ਓਨੂੰ ਇਸ ਵੈਕਸੀਨ ਦੇ ਤੀਜੇ ਪੜਾਅ ਦੀ ਟੈਸਟਿੰਗ ਬਾਰੇ ਸ਼ੱਕ ਹੈ। ਸੰਗਠਨ ਦੇ ਬੁਲਾਰੇ ਕ੍ਰਿਸਟੀਅਨ ਲਿੰਡਮਿਅਰ ਨੇ ਪ੍ਰੈਸ ਬਰੀਫਿੰਗ ਦੌਰਾਨ ਕਿਹਾ ਕਿ ਜੇ ਕਿਸੇ ਵੈਕਸੀਨ ਦਾ ਤੀਜੇ ਪੜਾਅ ਦਾ ਟਰਾਇਲ ਕੀਤੇ ਬਿਨਾਂ ਉਸ ਦੇ ਉਤਪਾਦਨ ਦਾਲਾਈਸੈਂਸ ਜਾਰੀ ਕੀਤਾ ਜਾਂਦਾ ਹੈ ਤਾਂ ਇਸ ਨੂੰ ਖ਼ਤਰਨਾਕ ਮੰਨਣਾ ਹੀ ਪਵੇਗਾ।
ਰੂਸ ਵੱਲੋਂਐਲਾਨੀ ਗਈ ਕੋਵਿਡ-19 ਦੀ ਵੈਕਸੀਨ ਦੇ ਬਣਾਉਣ ਅਤੇ ਸਪਲਾਈ ਖ਼ੇਤਰ ਦੀਆਂ ਸੰਸਥਾਵਾਂ ਵੱਲੋਂ ਗੱਲਬਾਤ ਦੀਆਂ ਖ਼ਬਰਾਂ ਉੱਤੇਪੈਨ ਅਮੈਰੀਕਨ ਹੈਲਥ ਆਰਗੇਨਾਈਜੇਸ਼ਨ ਨੇ ਚਿੰਤਾ ਜਤਾਈ ਤੇ ਕਿਹਾ ਹੈ ਕਿ ਸਟੈਂਡਰਡ, ਸੁਰੱਖਿਆ ਤੇ ਪ੍ਰਭਾਵ ਬਾਰੇ ਇਸ ਟੀਕੇ ਦੇ ਹੋਰਟਰਾਇਲਹੋਣੇ ਚਾਹੀਦੇ ਹਨ। ਇਸ ਦੇ ਅਧਿਕਾਰੀ ਜਰਬਾਸ ਬਾਰਬੋਸਾ ਨੇ ਆਨਲਾਈਨ ਪ੍ਰੈੱਸ ਕਾਨਫਰੰਸ ਵਿਚ ਕਿਹਾ ਕਿ ਕਿਸੇ ਟੀਕੇ ਦੀ ਸੁਰੱਖਿਆ ਤੇ ਪ੍ਰਭਾਵ ਯਕੀਨੀ ਕਰਨ ਲਈ ਉਸ ਦਾ ਵੱਡੇ ਧਿਆਨ ਨਾਲ ਮੁਲੰਕਣ ਹੋਣਾ ਚਾਹੀਦਾ ਹੈ।ਬਾਰਬੋਸਾ ਨੇ ਕਿਹਾ ਕਿ ਟੀਕਾ ਅਜੇ ਸਾਰੇ ਜ਼ਰੂਰੀ ਪੜਾਵਾਂ ਤੋਂਨਹੀਂ ਲੰਘਿਆ, ਜਿਸ ਨਾਲ ਇਸ ਨੂੰ ਵਿਸ਼ਵ ਸਿਹਤ ਸੰਗਠਨ ਜਾਂ ਪੈਨ ਅਮੈਰੀਕਨ ਹੈਲਥ ਆਰਗੇਨਾਈਜੇਸ਼ਨ ਇਸ ਨੂੰ ਮਾਨਤਾ ਦੇ ਸਕਣ। ਉਨ੍ਹਾਂ ਕਿਹਾ ਕਿ ਵਿਸ਼ਵ ਸਿਹਤ ਅਧਿਕਾਰੀ ਰੂਸ ਨਾਲ ਇਸ ਬਾਰੇ ਗੱਲ ਕਰ ਰਹੇ ਹਨ ਕਿ ਉਹ ਆਪਣੇ ਡਾਟਾ ਤੇ ਮੈਡੀਕਲ ਟੈਸਟਾਂ ਦੀ ਘੋਖ ਕਰਨ। ਬਾਰਬੋਸਾ ਨੇ ਕਿਹਾ, ‘ਉਸ ਸਮੀਖਿਆ ਦੇ ਬਾਅਦ ਤੇ ਡਾਟਾ ਅਤੇ ਸਾਰੀ ਸਬੰਧਤ ਜਾਣਕਾਰੀ ਤੱਕ ਪਾਰਦਰਸ਼ੀ ਤਰੀਕੇ ਨਾਲ ਪਹੁੰਚ ਦੇ ਬਾਅਦ ਹੀ ਅਸੀਂ ਕੋਈ ਰੁਖ਼ ਅਪਣਾਵਾਂਗੇ।`
ਦੂਸਰੇ ਪਾਸੇ ਬ੍ਰਾਜ਼ੀਲ ਵਿਚ ਪਾਰਨਾ ਰਾਜ ਦੀ ਸਰਕਾਰ ਨੇ ਕਿਹਾ ਕਿ ਉਹ ਕੋਵਿਡ-19 ਦੇ ਟੀਕੇ ਦੇ ਵਿਕਾਸ ਵਿਚ ਭਾਈਵਾਲੀ ਲਈ ਰੂਸ ਦੇ ਦੂਤਘਰ ਨਾਲ ਗੱਲਬਾਤ ਕਰ ਰਹੀ ਹੈ। ਨਿਕਾਰਗੁਆ ਨੇ ਪਹਿਲਾਂ ਕਿਹਾ ਸੀ ਕਿ ਉਹ ਰੂਸੀ ਟੀਕੇ ਦੇ ਉਤਪਾਦਨ ਉੱਤੇ ਵਿਚਾਰ ਕਰ ਰਿਹਾ ਹੈ। ਉਪ ਰਾਸ਼ਟਰਪਤੀ ਰੋਸਾਰਿਓ ਮੁਰਿਲੋ, ਰਾਸ਼ਟਰਪਤੀ ਦੀ ਪਤਨੀ ਡੇਨੀਅਲ ਓਰਟੇਗਾ ਨੇ ਫਿਰ ਦੁਹਰਾਇਆ ਕਿ ਉਨ੍ਹਾਂ ਦਾ ਦੇਸ਼ ਟੀਕੇ ਦੇ ਉਤਪਾਦਨ ਅਤੇ ਇੱਥੇ ਤੱਕ ਕਿ ਇਸ ਦੇ ਇੰਪੋਰਟ ਲਈ ਰੂਸ ਦੀਆਂ ਸੰਸਥਾਵਾਂ ਦੇ ਸੰਪਰਕ ਵਿਚ ਹੈ।