* ਇਤਰਾਜ਼ ਯੋਗ ਫੇਸਬੁੱਕ ਪੋਸਟ ਦੇ ਕਾਰਨ ਪਾਰਟੀ ਤੋਂ ਸਸਪੈਂਡ
ਨਵੀਂ ਦਿੱਲੀ, 12 ਅਗਸਤ, (ਪੋਸਟ ਬਿਊਰੋ)- ਸੋਸ਼ਲ ਮੀਡੀਆ ਪਲੇਟਫਾਰਮ ਫੇਸਬੁੱਕ ਉੱਤੇਇਤਰਾਜ਼ ਵਾਲੀ ਪੋਸਟ ਪਾਉਣ ਨਾਲ ਵਿਵਾਦਾਂ ਵਿੱਚ ਆਏ ਹੋਏ ਨਵੀਂ ਦਿੱਲੀ ਦੇ ਰਾਜੌਰੀ ਗਾਰਡਨ ਹਲਕੇਤੋਂਸਾਬਕਾ ਵਿਧਾਇਕ ਜਰਨੈਲ ਸਿੰਘ ਨੂੰ ਆਮ ਆਦਮੀ ਪਾਰਟੀ ਨੇ ਸਸਪੈਂਡ ਕਰ ਦਿੱਤਾ ਹੈ।
ਪਤਾ ਲੱਗਾ ਹੈ ਕਿ ਜਰਨੈਲ ਸਿੰਘ ਦੇ ਫੇਸਬੁੱਕ ਅਕਾਊਂਟ ਉੱਤੇ ਬੀਤੇ ਦਿਨੀਂ ਇਕ ਪੋਸਟ ਸ਼ੇਅਰ ਕੀਤੀ ਗਈ ਸੀ, ਜਿਸ ਵਿੱਚ ਹਿੰਦੂ ਦੇਵੀ-ਦੇਵਤਾਵਾਂ ਦੇ ਅਪਮਾਨ ਵਾਲੀ ਸਮੱਗਰੀ ਸੀ। ਇਹ ਪੋਸਟ ਸ਼ੋਸ਼ਲ ਮੀਡੀਆ ਉੱਤੇ ਅਪਲੋਡ ਹੋਣ ਪਿੱਛੋਂ ਹਿੰਦੂ ਸੰਗਠਨਾ ਨੇ ਇਸ ਦਾ ਵਿਰੋਧ ਜਤਾਇਆ ਅਤੇ ਇਸ ਬਾਰੇ ਦਿੱਲੀ ਪੁਲਿਸ ਨੂੰ ਤੁਰੰਤ ਕਾਰਵਾਈ ਕਰਨ ਲ਼ਈ ਕਿਹਾ ਸੀ। ਇਸ ਮੁੱਦੇ ਦੇ ਤੂਲ ਫੜਨ ਪਿੱਛੋਂ ਪਾਰਟੀ ਨੇ ਜਰਨੈਲ ਸਿੰਘ ਨੂੰ ਪਾਰਟੀ ਨੇ ਸਸਪੈਂਡ ਕੀਤਾ ਹੈ।
ਵਰਨਣ ਯੋਗ ਹੈ ਕਿ ਫੇਸਬੁਕ ਉੱਤੇ ਪੋਸਟ ਪਾਉਣ ਤੋਂ ਬਾਅਦ ਜਰਨੈਲ ਸਿੰਘ ਨੇ ਉਸ ਨੂੰ ਡਿਲੀਟ ਕਰ ਦਿੱਤਾ ਤੇ ਇਸ ਬਾਰੇ ਆਪਣੀ ਸਫਾਈ ਦੇਣ ਲਈ ਉਸ ਨੇ ਇਕ ਹੋਰ ਪੋਸਟ ਫੇਸਬੁਕ ਉੱਤੇ ਪਾ ਕੇ ਲਿਖਿਆ ਸੀ, ‘ਕੱਲ੍ਹ ਮੇਰਾ ਫੋਨ ਆਨਲਾਈਨ ਕਲਾਸ ਲਈ ਨਿੱਕੇ ਬੇਟੇ ਕੋਲ ਸੀ। ਉਸ ਨੇ ਇੱਕ ਪੋਸਟ ਕਾਪੀ ਪੇਸਟ ਕਰ ਦਿੱਤੀ, ਜੋ ਮੈਂ ਡਿਲੀਟ ਕਰ ਦਿੱਤੀ ਸੀ। ਪਰਮਾਤਮਾ ਦੇ ਸਾਰੇ ਨਾਵਾਂ ਰਾਮ, ਗੋਬਿੰਦ, ਕੇਸ਼ਵ, ਸਦਾਸ਼ਿਵ ਸਾਰਿਆਂ ਦਾ ਮੈਂ ਸਤਿਕਾਰ ਕਰਦਾ ਹਾਂ ਅਤੇ ਗੁਰੂ ਤੇਗ ਬਹਾਦਰ ਸਾਹਿਬ ਦੇ ਸਿਧਾਂਤ ਉੱਤੇ ਚਲਦਾ ਹਾਂ।` ਇਸ ਦਾ ਮਾਮਲਾ ਭਖਦਾ ਗਿਆ ਅਤੇ ਅੱਜ ਪਾਰਟੀ ਨੇ ਜਰਨੈਲ ਸਿੰਘ ਦੇ ਖਿਲਾਫ ਸਖਤ ਕਾਰਵਾਈ ਲੈ ਕੇ ਕਹਿ ਦਿੱਤਾ ਹੈ ਕਿ ਇਸ ਪੱਖ ਤੋਂ ਕਿਸੇ ਦਾ ਵੀ ਲਿਹਾਜ ਨਹੀਂ ਕੀਤਾ ਜਾਵੇਗਾ।