ਕੋਲਕਾਤਾ, 12 ਅਗਸਤ (ਪੋਸਟ ਬਿਊਰੋ)- ਫਲਿਪਕਾਰਟ ਅਤੇ ਅਮੇਜਾਨ ਉੱਤੇ ਪਿੱਛੇ ਜਿਹੇ ਹੋਈ ਸੇਲ 'ਚ ਚੀਨ ਦੇ ਬਣੇ ਸਮਾਰਟਫੋਨ ਅਤੇ ਹੋਰ ਇਲੈਕਟ੍ਰਾਇਨਕਸ ਬ੍ਰਾਂਡਸ ਦੀ ਜ਼ੋਰਦਾਰ ਵਿਕਰੀ ਹੋਈ ਹੈ।
ਵਰਨਣ ਯੋਗ ਹੈ ਕਿ ਭਾਰਤ-ਚੀਨ ਸਰਹੱਦੀ ਵਿਵਾਦ ਪਿੱਛੋਂ ਚੀਨ ਦੇ ਸਾਮਾਨ ਦਾ ਬਾਈਕਾਟ ਅਤੇ ਦੇਸੀ ਸਾਮਾਨ ਦੀ ਖਰੀਦਦਾਰੀ ਦੀ ਮੰਗ ਜ਼ੋਰ ਨਾਲ ਉਠੀ ਸੀ, ਪਰ ਆਨਲਾਈਨ ਆਫਰ ਗਾਹਕਾਂ ਨੂੰ ਇੰਨੇ ਆਕਰਸ਼ਿਤ ਲੱਗੇ ਕਿ ਉਨ੍ਹਾਂ ਨੇ ਆਤਮ ਨਿਰਭਰਤਾ ਦਾ ਨਾਅਰਾ ਭੁੱਲ ਕੇ ਚੀਨੀ ਸਾਮਾਨ ਦੀ ਜ਼ੋਰਦਾਰ ਖਰੀਦ ਕੀਤੀ। ਆਤਮ ਨਿਰਭਰਤਾ ਦੇ ਨਾਅਰੇ ਤੋਂ ਬਾਅਦ ਚੀਨੀ ਕੰਪਨੀਆਂ 'ਚ ਤਨਾਅ ਸੀ, ਪਰ ਇਸਦੇ ਉਲਟ ਆਨਲਾਈਨ ਸੇਲ 'ਚ ਉਨ੍ਹਾਂ ਦੀ ਵਿਕਰੀ 'ਚ ਡਬਲ ਡਿਜ਼ਿਟ ਵਾਧਾ ਹੋਇਆ ਹੈ। ਅਮੇਜਾਨ ਇੰਡੀਆ ਨੇ ਕਿਹਾ ਕਿ ਪਿੱਛੇ ਜਿਹੇ ਵਨਪਲੱਸ ਨਾਰਡ ਸਮਾਰਟਫੋਨ ਛੇ ਤੋਂ ਸੱਤ ਅਗਸਤ ਦੇ ਟਾਈਮ 'ਚ ਹੋਏ ਅਮੇੇਜਾਨ ਪ੍ਰਾਈਮ ਡੇਅ ਸੇਲ 'ਚ ਸਭ ਤੋਂ ਵੱਧ ਵਿਕਣ ਵਾਲਾ ਫੋਨ ਰਿਹਾ ਹੈ। ਰਿਅਲਮੀ ਇੰਡੀਆ ਦੇ ਬੁਲਾਰੇ ਨੇ ਦੱਸਿਆ ਕਿ ਦੋ ਦਿਨਾਂ ਵਿੱਚ ਵਿਕਰੀ 'ਚ ਜ਼ੋਰਦਾਰ ਵਾਧਾ ਹੋਇਆ ਹੈ। ਇਸ ਸੇਲ ਦਾ ਕੁੱਲ ਕਾਰੋਬਾਰੀ ਮੁੱਲ 400 ਕਰੋੜ ਰੁਪਏ ਦੇ ਵਰਕ ਫ੍ਰਾਮ ਹੋਮ ਦੇ ਪ੍ਰੋਡਕਟ ਵੀ ਵੱਡੇ ਪੈਮਾਨੇ 'ਚ ਭਾਰਤੀਆਂ ਵੱਲੋਂ ਖ਼ਰੀਦੇ ਗਏ ਹਨ।
ਦੂੁਜੇ ਪਾਸੇ ਸ਼ਿਓਮੀ ਦੇ ਚਾਰ ਫੋਨ ਦੇ ਹਜ਼ਾਰਾਂ ਮਾਡਲ ਵੇਚੇ ਗਏ। ਇਹ ਵਿਕਰੀ ਕੁਝ ਸਕਿੰਟ 'ਚ ਪੂਰੀ ਹੋ ਗਈ। ਸ਼ਿਓਮੀ ਇੰਡੀਆ ਦੇ ਮੈਨੇਜਿੰਗ ਡਾਇਰੈਕਟਰ ਮਨੁ ਕੁਮਾਰ ਜੈਨ ਨੇ ਟਵੀਟ ਕਰਕੇ ਇਹ ਜਾਣਕਾਰੀ ਦਿੱਤੀ। ਚੀਨ ਦੇ ਬ੍ਰਾਂਡ ਵਾਲੇ ਕਈ ਫੋਨ ਇਸ ਸੇਲ 'ਚ ਆਊਟ ਆਫ ਸਟਾਕ ਹੋ ਗਏ। ਇਸ ਤੋਂ ਬਿਨਾ ਕੰਪਨੀ ਦਾ ਕਹਿਣਾ ਹੈ ਕਿ ਆਫ ਲਾਈਨ ਵਿਕਰੀ ਦੇ ਅੰਕੜੇ ਵੀ ਵਧੇ ਹਨ। ਕਾਊਂਟਰ ਪੁਆਇੰਟ ਦੀ ਰਿਸਰਚ ਮੁਤਾਬਕ ਭਾਰਤੀ ਬਾਜ਼ਾਰ 'ਚ ਚੀਨ ਦੇ ਸਮਾਰਟਫੋਨ ਕੰਪਨੀਆਂ ਦੀ ਹਿੱਸੇਦਾਰੀ ਜਨਵਰੀ-ਮਾਰਚ ਦੌਰਾਨ 81 ਫੀਸਦੀ ਸੀ, ਜੋ ਘਟ ਕੇ 72 ਫੀਸਦੀ 'ਤੇ ਆ ਗਈ ਹੈ।