ਇਸਲਾਮਾਬਾਦ, 12 ਅਗਸਤ (ਪੋਸਟ ਬਿਊਰੋ)- ਪਿਛਲੇ ਕੁਝ ਹਫ਼ਤਿਆਂ 'ਚ ਹੋਏ ਘਟਨਾ ਚੱਕਰਾਂ ਨੇ ਇੱਕ ਵਾਰ ਫਿਰ ਭੇਦ ਖੋਲ੍ਹਿਆ ਹੈ ਕਿ ਪਾਕਿਸਤਾਨ ਵਿਚਾਰਧਾਰਕ ਅਸੁਰੱਖਿਆ ਤੋਂ ਪੀੜਤ ਹੈ।
ਇਸ ਬਾਰੇ ਕੌਮੀ ਸੁਰੱਖਿਆ ਸਲਾਹਕਾਰ ਬੋਰਡ ਦੇ ਮੈਂਬਰ ਤਿਲਕ ਦੇਵਾਸ਼ੀਲ ਨੇ ਕਿਹਾ ਕਿ ਨੈਸ਼ਨਲ ਅਸੈਂਬਲੀ 'ਚ ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਨੇ ਦੁਨੀਆ ਦੇ ਖਤਰਨਾਕ ਅੱਤਵਾਦੀ ਰਹੇ ਓਸਾਮਾ ਬਿਨ ਲਾਦੇਨ ਨੂੰ ਸ਼ਹੀਦ ਦਾ ਦਰਜਾ ਦਿੱਤਾ ਸੀ। ਬਾਅਦ 'ਚ ਹਾਕਮ ਪਾਰਟੀ ਦੇ ਇੱਕ ਵਿਧਾਇਕ ਨੇ ਪਾਕਿਸਤਾਨ ਮੁਸਲਿਮ ਲੀਗ-ਨਵਾਜ਼ (ਪੀ ਐਮ ਐਲ ਐਨ) ਦੇ ਨੇਤਾ ਖੁਵਾਜ਼ਾ ਆਸਿਫ 'ਤੇ ਦੋਸ਼ ਲਾਇਆ ਕਿ ਉਹ ਸਾਰੇ ਧਰਮਾਂ ਨੂੰ ਇੱਕ ਬਰਾਬਰ ਮੰਨਦੇ ਹਨ। ਪਾਕਿਸਤਾਨ ਨੂੰ ਇਸ ਗੱਲ ਦਾ ਡਰ ਹੈ ਕਿ ਇਸਲਾਮਿਕ ਜੋਸ਼ ਦੀ ਵਾਰ-ਵਾਰ ਦੀ ਖੁਰਾਕ ਤੋਂ ਬਿਨਾਂ ਉਹ ਆਪਣੀ ਕੌਮ ਨੂੰ ਇੱਕਠਾ ਨਹੀਂ ਰੱਖ ਸਕੇਗਾ, ਜਦ ਕਿ ਮੁਸਲਮਾਨਾਂ ਦੀ ਜਾਤੀ ਪਛਾਣ, ਭਾਸ਼ਾ, ਸੰਸਕ੍ਰਿਤੀ ਅਤੇ ਇਤਿਹਾਸ ਵੱਖਰਾ ਹੈ। ਘੱਟ ਗਿਣਤੀ ਹਿੰਦੂ, ਸਿੱਖ ਅਤੇ ਅਹਿਮਦੀ ਭਾਈਚਾਰਿਆਂ ਨੂੰ ਨਿਸ਼ਾਨਾ ਬਣਾਇਆ ਗਿਆ। ਕਈ ਮੌਲਵੀਆਂ ਤੇ ਸਿਆਸੀ ਨੇਤਾਵਾਂ ਦੇ ਇਤਰਾਜ਼ ਤੋਂ ਬਾਅਦ ਜੁਲਾਈ 'ਚ ਇਸਲਾਮਾਬਾਦ 'ਚ ਬਣਨ ਵਾਲੇ ਪਹਿਲੇ ਹਿੰਦੂ ਮੰਦਰ ਦੀ ਉਸਾਰੀ ਰੋਕ ਦਿੱਤੀ ਗਈ ਅਤੇ ਇਸੇ ਮਹੀਨੇ ਪੇਸ਼ਾਵਰ ਦੀ ਅਦਾਲਤ 'ਚ ਅੱਲ੍ਹਾ ਦੀ ਤੌਹੀਨ ਦੇ ਦੋਸ਼ੀ ਦੀ ਗੋਲੀ ਮਾਰਕੇ ਹੱਤਿਆ ਕਰ ਦਿੱਤੀ ਗਈ। ਹੱਤਿਆਰੇ ਨਾਲ ਵਕੀਲਾਂ ਅਤੇ ਪੁਲਸ ਨੇ ਸੈਲਫੀ ਤੱਕ ਲਈ। ਹੈਰਾਨੀ ਦੀ ਕੱਲ੍ਹ ਸੀ ਕਿ ਸ਼ੂਟਰ ਇੱਕ ਹਾਈ ਸਿਕਓਰਿਟੀ ਜੋਨ ਸਥਿਤ ਕੋਰਟ ਕੰਪਲੈਕਸ 'ਚ ਬੰਦੂਕ ਲੈ ਜਾਣ 'ਚ ਕਾਮਯਾਬ ਰਿਹਾ। ਇਸ ਤੋਂ ਬਾਅਦ ਇੱਕ ਗਰੁੱਪ ਨੇ ਲਾਹੌਰ ਦੇ ਗੁਰਦੁਆਰਾ ਸ਼ਹੀਦੀ ਅਸਥਾਨ ਭਾਈ ਤਾਰੂ ਸਿੰਘ ਦੀ ਜ਼ਮੀਨ 'ਤੇ ਜ਼ਬਰਦਸਤੀ ਕਬਜ਼ਾ ਕਰ ਲਿਆ। ਇਸ ਤੋਂ ਇਲਾਵਾ, ਸਰਕਾਰੀ ਕਾਨੂੰਨ ਪਾਕਿਸਤਾਨ 'ਚ ਡੂੰਘੀਆਂ ਜੜ੍ਹਾਂ ਜਮ੍ਹਾ ਰਹੇ ਹਨ।