ਮੈਲਬੌਰਨ, 12 ਅਗਸਤ (ਪੋਸਟ ਬਿਊਰੋ)- ਆਸਟ੍ਰੇਲੀਆ ਸਰਕਾਰ ਨੇ ਅੰਤਰਰਾਸ਼ਟਰੀ ਉਡਾਣਾਂ 'ਤੇ 24 ਅਕਤੂਬਰ ਤੱਕ ਆਉਣ ਵਾਲੇ ਯਾਤਰੀਆਂ ਦੀ ਗਿਣਤੀ `ਤੇ ਪਾਬੰਦੀਆਂ ਰੱਖਣ 'ਤੇ ਸਹਿਮਤੀ ਦਿੱਤੀ ਹੈ।
ਕੇਂਦਰੀ ਮੰਤਰੀ ਮੰਡਲ ਦੀ ਮੀਟਿੰਗ 'ਚ ਪ੍ਰਧਾਨ ਮੰਤਰੀ ਸਕੌਟ ਮੌਰੀਸਨ ਨੇ ਕਿਹਾ ਕਿ ਉਹ ਜਾਣਦੇ ਹਨ ਕਿ ਬਹੁਤ ਸਾਰੇ ਆਸਟ੍ਰੇਲੀਆਈ ਭਾਰਤ 'ਚ ਫਸੇ ਹੋਏ ਹਨ, ਉਨ੍ਹਾਂ ਦੀ ਘਰ ਵਾਪਸੀ 'ਚ ਅੜਚਣਾਂ ਪੈ ਰਹੀਆਂ ਹਨ ਪਰ ਦੇਸ਼ ਇਸ ਸਮੇਂ ਕੋਵਿਡ-19 ਦੀ ਮਹਾਂਮਾਰੀ ਨਾਲ ਲੜ ਰਿਹਾ ਹੈ। ਆਉਣ ਵਾਲੀਆਂ ਉਡਾਣਾਂ ਦਾ ਬਾਰੇ ਉਨ੍ਹਾਂ ਕਿਹਾ ਕਿ ਸਿਡਨੀ ਵਿੱਚ ਹਰ ਰੋਜ਼ 350, ਪਰਥ ਹਰ ਹਫ਼ਤੇ 525, ਬ੍ਰਿਸਬੇਨ ਹਰ ਹਫ਼ਤੇ 500, ਐਡੀਲੇਡ 500 ਹਰ ਹਫ਼ਤੇ ਯਾਤਰੀਆਂ ਦੀ ਆਮਦ ਹੈ। ਕੈਨਬਰਾ, ਡਾਰਵਿਨ ਹਰ ਉਡਾਣ ਦੀ ਯਾਤਰੀ ਸੀਮਾਵਾਂ ਦੇ ਕੇਸ ਦੇ ਆਧਾਰ 'ਤੇ ਅਧਿਕਾਰ ਖੇਤਰਾਂ 'ਚ ਰਹਿ ਕੇੲਸ ਤੋਂ ਇਲਾਵਾ ਹੋਬਾਰਟ ਅਤੇ ਮੈਲਬੌਰਨ 'ਚ ਕਈ ਵੀ ਅੰਤਰਰਾਸ਼ਟਰੀ ਉਡਾਣ ਦੀ ਇਜਾਜ਼ਤ ਨਹੀਂ ਹੈ।
ਵਿਕਟੋਰੀਆ 'ਚ ਕੋਰੋਨਾ ਵਾਇਰਸ ਦੇ ਵੱਧ ਕੇਸ ਹੋਣ ਕਰਕੇ ਇੱਥੇ ਇਹ ਪਾਬੰਦੀਆਂ ਕਦੋਂ ਤੱਕ ਲਾਗੂ ਰਹਿਣੀਆਂ ਹਨ, ਇਸ ਬਾਰੇ ਕੁਝ ਕਿਹਾ ਨਹੀਂ ਜਾ ਸਕਦਾ। ਅੰਤਰਰਾਸ਼ਟਰੀ ਉਡਾਣਾਂ ਦੇ ਰੁਕਣ ਕਰਕੇ ਹਜ਼ਾਰਾਂ ਭਾਰਤੀ ਲੋਕ ਇੱਥੇ ਵੀ ਕਾਫ਼ੀ ਸਮੇਂ ਤੋਂ ਇੰਤਜ਼ਾਰ ਕਰ ਰਹੇ ਹਨ। ਕਈ ਲੋਕਾਂ ਦਾ ਕਹਿਣਾ ਹੈ ਕਿ ਜੇ 50 ਤੋਂ 100 ਤੱਕ ਯਾਤਰੀਆਂ ਨੂੰ ਆਗਿਆ ਮਿਲਦੀ ਹੈ ਤਾਂ ਉਹ ਕਈ ਸਾਲ ਇੰਝ ਹੀ ਫਸੇ ਰਹਿਣਗੇ। ਬਹੁਤ ਸਾਰੀਆਂ ਟਰੈਵਲ ਏਜੰਸੀਆਂ ਪਹਿਲਾਂ ਪੈਸਿਆਂ ਦੀ ਮੰਗ ਕਰਦੀਆਂ ਹਨ ਪਰ ਆਸਟ੍ਰੇਲੀਆ ਬਾਰੇ ਕਿਸੇ ਨੂੰ ਕੁਝ ਪਤਾ ਨਹੀਂ ਹੈ।