ਅੰਮ੍ਰਿਤਸਰ, 11 ਅਗਸਤ, (ਪੋਸਟ ਬਿਊਰੋ)- ਅਕਾਲੀ ਦਲ ਦੇ ਸੀਨੀਅਰ ਆਗੂ ਅਤੇ ਸਾਬਕਾ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਨੇਅੰਮ੍ਰਿਤਸਰ ਜਿ਼ਲਾ ਦਿਹਾਤੀ ਦੇ ਐਸਐਸਪੀ ਧਰੁਵ ਦਾਹੀਆ ਉੱਤੇ ਤਰਨਤਾਰਨ ਦਾ ਐੱਸ ਐੱਸ ਪੀਹੋਣ ਸਮੇਂਉਸ ਇਲਾਕੇ ਵਿੱਚ ਜ਼ਹਿਰੀਲੀ ਸ਼ਰਾਬ ਕਾਰਨ 100 ਤੋਂ ਵੱਧ ਲੋਕਾਂ ਦੀਆਂ ਮੌਤਾਂ ਦੌਰਾਨਨਿਭਾਈ ਭੂਮਿਕਾ ਬਾਰੇ ਸੀਬੀਆਈ ਵੱਲੋਂ ਕੇਸ ਦਰਜ ਕਰ ਕੇ ਜਾਂਚ ਕਰਨ ਦੀ ਮੰਗ ਕਰ ਦਿੱਤੀ ਹੈ।
ਅੱਜ ਏਥੇ ਪ੍ਰੈੱਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਸਾਬਕਾ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਤੇ ਸਾਬਕਾ ਚੀਫ ਪਾਰਲੀਮੈਂਟਰੀ ਸੈਕਟਰੀ ਵਿਰਸਾ ਸਿੰਘ ਵਲਟੋਹਾ ਨੇ ਦੋਸ਼ ਲਾਇਆ ਕਿ ਇਸ ਪੁਲਿਸ ਅਫਸਰ ਨੇ ਲੋਕਾਂ ਵੱਲੋਂ ਸਬੂਤ ਦੇਣ ਦੇ ਬਾਵਜੂਦ ਸ਼ਰਾਬ ਮਾਫੀਆ ਦੇ ਖਿਲਾਫ ਕਾਰਵਾਈ ਕਰਨ ਤੋਂ ਨਾਂਹ ਕਰ ਦਿੱਤੀ ਸੀ। ਉਨ੍ਹਾਂ ਕਿਹਾ ਕਿ ਉਸ ਨੂੰ ਸਸਪੈਂਡ ਜਾਂ ਨੌਕਰੀ ਤੋਂ ਬਰਖ਼ਾਸਤ ਕਰ ਦੇਣਾ ਚਾਹੀਦਾ ਸੀ, ਪਰ ਇਸ ਦੀ ਥਾਂ ਐੱਸ ਐੱਸ ਪੀ ਅੰਮ੍ਰਿਤਸਰ ਦਿਹਾਤੀ ਲਾ ਕੇ ਸ਼ਾਬਾਸ਼ ਦਿੱਤੀ ਗਈ ਹੈ। ਮਜੀਠੀਆ ਨੇ ਕਿਹਾ ਕਿ ਪੰਜਾਬ ਦੇ ਡੀਜੀਪੀ ਦਿਨਕਰ ਇਹ ਗੁਪਤਾ ਦੱਸਣ ਕਿ ਧਰੁਵ ਦਾਹੀਆ ਉਨ੍ਹਾ ਦਾ ਚਹੇਤਾ ਕਿਉਂ ਹੈ ਤੇ ਇਹ ਵੀ ਦੱਸਣ ਕਿ ਤੀਜੀ ਵਾਰ ਐੱਸ ਐੱਸ ਪੀ ਲੱਗ ਕੇ ਦਾਹੀਆ ਨੇ ਕਿਹੜਾ ਚੰਗਾ ਕੰਮ ਕੀਤਾ ਹੈ। ਮਜੀਠੀਆ ਨੇ ਕਿਹਾ ਕਿ ਸਿਰਫ ਸੀਬੀ ਆਈ ਜਾਂਚ ਨਾਲ ਕਾਂਗਰਸੀ ਸ਼ਰਾਬ ਮਾਫੀਆ ਨਾਲ ਐਸਐਸਪੀ ਦਾਹੀਆ ਦੇ ਸੰਬੰਧਦਾਪਤਾ ਲੱਗ ਸਕਦਾ ਹੈ ਤੇ ਜੇਏਦਾਂ ਹੋਇਆ ਤਾਂ ਦਾਹੀਆ ਦੇ ਸਿਰਫ ਚੰਡੀਗੜ ਨਹੀਂ, ਬਲਕਿ 10 ਜਨਪਥ (ਜਿੱਥੇ ਸੋਨੀਆ ਗਾਂਧੀ ਦੀ ਰਿਹਾਇਸ਼ ਹੈ) ਨਾਲ ਸੰਬੰਧਾਂ ਦਾ ਵੀ ਪਤਾ ਲੱਗ ਜਾਵੇਗਾ।
ਸਾਬਕਾ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਨੇ ਧਰੁਵ ਦਾਹੀਆ ਬਾਰੇ ਕਿਹਾ ਕਿ ਖੰਨਾ ਵਿੱਚ ਪੁਲਸ ਮੁਖੀ ਹੋਣ ਵੇਲੇ ਇਸ ਨੇ ਇੱਕ ਈਸਾਈ ਫਾਦਰ ਦੇ ਘਰੋਂ ਸੋਲਾਂ ਕਰੋੜ ਰੁਪਏ ਜਲੰਧਰ ਤੋਂ ਬਰਾਮਦ ਕਰਕੇ ਖੰਨਾ ਤੋਂਫੜੇ ਦਿਖਾਏ ਸਨ ਤੇ ਉਸ ਵਿੱਚੋਂ ਛੇ ਕਰੋੜ ਰੁਪਏ ਗਬਨ ਕੀਤਾ ਸੀ, ਜਿਸ ਵਿੱਚੋਂ ਡੇਢ ਕਰੋੜ ਦੀ ਰਿਕਵਰੀ ਐਸਐਸ ਪੀ ਦਾਹੀਆ ਤੋਂ ਹੋਣੀ ਅਜੇ ਬਾਕੀ ਹੈ, ਪਰ ਇਸ ਬਾਰੇ ਪੁਲਸ ਦੀ ਵਿਸ਼ੇਸ਼ ਜਾਂਚ ਟੀਮ ਨੇ ਇਨ੍ਹਾਂ ਦੇ ਖ਼ਿਲਾਫ਼ ਕਾਰਵਾਈ ਨਹੀਂ ਕੀਤੀ।