ਨੈੱਟਫਲਿਕਸ 'ਤੇ ਰਿਲੀਜ਼ ਫਿਲਮ ‘ਬੁਲਬੁਲ’ ਵਿੱਚ ਐਕਟਿੰਗ ਦੀ ਲਈ ਮਿਲੀਆਂ ਤਾਰੀਫਾਂ ਤੋਂ ਤਿ੍ਰਪਤੀ ਡਿਮਰੀ ਬੇਹੱਦ ਖੁਸ਼ ਹੈ। ਅਨੁਸ਼ਕਾ ਸ਼ਰਮਾ ਦੇ ਹੋਮ ਪ੍ਰੋਡਕਸ਼ਨ ਵਿੱਚ ਬਣੀ ਇਸ ਫਿਲਮ ਵਿੱਚ ਉਹ ਮੇਨ ਲੀਡ ਵਿੱਚ ਹੈ। ਇਸ ਤੋਂ ਪਹਿਲਾਂ ਤਿ੍ਰਪਤੀ ਫਿਲਮ ‘ਪੋਸਟਰ ਬੁਆਏਜ਼’ ਅਤੇ ‘ਲੈਲਾ ਮਜਨੂੰ’ ਵਿੱਚ ਕੰਮ ਕਰ ਚੁੱਕੀ ਹੈ। ਪੇਸ਼ ਹਨ ਉਸ ਨਾਲ ਹੋਈ ਗੱਲਬਾਤ ਦੇ ਕੁਝ ਅੰਸ਼ :
* ਕਰੀਅਰ ਦੇ ਸ਼ੁਰੂ ਵਿੱਚ ਹੀ ਡਿਜੀਟਲ 'ਤੇ ਆਉਣ ਦਾ ਫੈਸਲਾ ਕਿਵੇਂ ਲੈ ਲਿਆ?
- ਹਮੇਸ਼ਾ ਤੋਂ ਮੇਰਾ ਟੀਚਾ ਇਹੀ ਰਿਹਾ ਹੈ ਕਿ ਚੰਗੀਆਂ ਕਹਾਣੀਆਂ ਦਾ ਹਿੱਸਾ ਬਣਨਾ ਹੈ। ਕਿਰਦਾਰਾਂ ਤੋਂ ਕੁਝ ਸਿੱਖ ਸਕਾਂ। ਫਿਰ ਭਾਵੇਂ ਪਲੇਟਫਾਰਮ ਕੋਈ ਵੀ ਹੋਵੇ।
* ‘ਬੁਲਬੁਲ’ ਦਾ ਕਿਰਦਾਰ ਕਿਵੇਂ ਮਿਲਿਆ?
- ਫਿਲਮ ਲਈ ਆਡੀਸ਼ਨ ਦੇਣ ਪਿੱਛੋਂ ਮੈਂ ਉਤਰਾਖੰਡ ਵਿੱਚ ਸੀ। ਫੋਨ 'ਤੇ ਡਾਇਰੈਕਟਰ ਅਵਿੰਤਾ ਨੇ ਮੈਨੂੰ ਹੈਲੋ ‘ਬੁਲਬੁਲ’ ਕਹਿ ਕੇ ਬੁਲਾਇਆ। ਤਦ ਪਤਾ ਲੱਗਾ ਕਿ ਕਿਰਦਾਰ ਮਿਲ ਗਿਆ ਹੈ। ਮੈਂ ਉਤਰਾਖੰਡ ਦੇ ਗੜਵਾਲ ਖੇਤਰ ਤੋਂ ਹਾਂ। ਉਥੋਂ ਦੇ ਲੋਕ ਤਾਰੀਫ ਕਰ ਰਹੇ ਹਨ। ਆਤਮ ਵਿਸ਼ਵਾਸ ਵਧ ਗਿਆ ਹੈ।
* ਇਸ ਵਾਰ ਬਾਕਸ ਆਫਿਸ ਦਾ ਦਬਾਅ ਨਹੀਂ ਸੀ। ਡਿਜੀਟਲ 'ਤੇ ਕਿਸ ਤਰ੍ਹਾਂ ਦਾ ਦਬਾਅ ਹੁੰਦਾ ਹੈ?
- ‘ਲੈਲਾ ਮਜਨੂੰ’ ਫਿਲਮ ਵਿੱਚ ਮੇਰੇ ਕੰਮ ਦੀ ਤਾਰੀਫ ਹੋਈ ਸੀ। ਜਦ ਉਹ ਫਿਲਮ ਨਹੀਂ ਚੱਲੀ ਤਾਂ ਦਿਲ ਟੁੱਟਿਆ ਸੀ। ਓ ਟੀ ਟੀ ਦੇ ਆਉਣ ਨਾਲ ਸਾਡੇ ਕਲਾਕਾਰਾਂ ਲਈ ਕੰਮ ਦੇ ਮੌਕੇ ਵਧੇ ਹਨ। ਓ ਟੀ ਟੀ 'ਤੇ ਆਪਣੇ ਕਰਾਫਟ ਦੇ ਨਾਲ ਪ੍ਰਯੋਗ ਕਰਨ ਦਾ ਮੌਕਾ ਮਿਲ ਰਿਹਾ ਹੈ। ਇਥੇ ਦਰਸ਼ਕ ਸੀਮਿਤ ਨਹੀਂ ਹਨ। ਕਈ ਦੇਸ਼ਾਂ ਵਿੱਚ ਕੰਟੈਂਟ ਦੇਖਿਆ ਜਾਂਦਾ ਹੈ। ਕਲਾਕਾਰ ਦੇ ਲਈ ਬਾਕਸ ਆਫਿਸ ਦੇ ਅੰਕੜਿਆਂ ਦਾ ਦਬਾਅ ਬਹੁਤ ਖਤਰਨਾਕ ਹੁੰਦਾ ਹੈ। ਓ ਟੀ ਟੀ 'ਤੇ ਸਿਰਫ ਪ੍ਰਫਾਰਮੈਂਸ ਨਾਲ ਮੁਲਾਂਕਣ ਕੀਤਾ ਜਾਂਦਾ ਹੈ।
* ਅਨੁਸ਼ਕਾ ਸ਼ਰਮਾ ਦੇ ਨਾਲ ਪਹਿਲੀ ਮੁਲਾਕਾਤ ਕਿਵੇਂ ਸੀ?
- ਉਹ ਸ਼ੂਟਿੰਗ ਦੌਰਾਨ ਪੰਜ-ਛੇ ਦਿਨ ਸੈਟ 'ਤੇ ਆਈ ਸੀ। ਕੋਈ ਸਿਤਾਰਿਆਂ ਵਾਲੇ ਨਖਰੇ ਨਹੀਂ ਸਨ। ਉਨ੍ਹਾਂ ਨੇ ਕਿਹਾ ਸੀ ਕਿ ਫਿਲਮ ਨਿਰਮਾਣ ਨਾਲ ਜੁੜੇ ਸਾਰੇ ਵਿਭਾਗ ਕੰਮ ਕਰਦੇ ਸਮੇਂ ਆਪਣਾ ਸਮਾਂ ਲੈਂਦਾ ਹੈ। ਕਲਾਕਾਰਾਂ ਨੂੰ ਵੀ ਇਹ ਹੱਕ ਹੈ। ਜੇ ਤੁਸੀਂ ਸੀਨ ਦੇ ਲਈ ਤਿਆਰ ਨਹੀਂ ਹੈ ਤਾਂ ਬੇਝਿਜਕ ਕਹਿ ਦੇਣ ਕਿ ਸਮਾਂ ਚਾਹੀਦਾ ਹੈ।
* ਆਪਣੇ ਤਿੰਨ ਸਾਲ ਵਿੱਚ ਤਿੰਨ ਫਿਲਮਾਂ ਦੀ ਹੈ। ਫਿਲਮੀ ਪਿਛੋਕੜ ਨਾ ਹੋਣ ਦੇ ਕਾਰਨ ਕਿਸ ਤਰ੍ਹਾਂ ਦਾ ਸੰਘਰਸ਼ ਕਰਨਾ ਪਿਆ?
- ਇਸ ਖੇਤਰ ਵਿੱਚ ਰਿਜੈਕਸ਼ਨ ਬਹੁਤ ਮਿਲਦਾ ਹੈ। ਅੱਗੇ ਵੀ ਮਿਲੇਗਾ। ਰਿਜ਼ੈਕਸ਼ਨ ਨਾਲ ਨਿਪਟਣ ਦਾ ਇੱਕ ਹੀ ਤਰੀਕਾ ਹੈ ਕਿ ਉਸ ਤੋਂ ਸਿੱਖ ਕੇ ਹੋਰ ਮਿਹਨਤ ਕਰਨ। ਜੀਵਨ ਵਿੱਚ ਫੇਲ੍ਹ ਹੋਣਾ ਵੀ ਜ਼ਰੂਰੀ ਹੈ, ਕਿਉਂਕਿ ਤਦ ਤੁਸੀਂ ਸਫਲ ਹੋਣ ਲਈ ਦੁੱਗਣੀ ਮਿਹਨਤ ਕਰਦੇ ਹਨ। ਮੈਂ ਸਕੂਲ ਵਿੱਚ ਇੱਕ ਵਾਰ ਫੇਲ੍ਹ ਹੋਈ ਸੀ। ਉਹ ਸਬਕ ਸੀ ਕਿ ਮਿਹਨਤ ਦਾ ਕੋਈ ਬਦਲ ਨਹੀਂ ਹੰੁਦਾ।
* ਟਵਿੱਟਰ 'ਤੇ ਤੁਸੀਂ ਅਕਸਰ ਪ੍ਰੇਰਨਾ ਦਾਇਕ ਗੱਲਾਂ ਲਿਖਦੇ ਹੋ...
- ਮੈਂ ਬਚਪਨ ਤੋਂ ਬਹੁਤ ਸ਼ਰਮੀਲੀ ਅਤੇ ਅੰਤਰਮੁਖੀ ਰਹੀ ਹਾਂ। ਜਦ ਮੈਂ ਮੰਮੀ-ਪਾਪਾ ਨੂੰ ਦੱਸਿਆ ਸੀ ਕਿ ਮੈਂ ਅਭਿਨੇਤਰੀ ਬਣਨਾ ਚਾਹੁੰਦੀ ਹਾਂ ਤਾਂ ਉਨ੍ਹਾਂ ਦਾ ਪਹਿਲਾ ਸਵਾਲ ਸੀ ਕਿ ਕੈਮਰੇ ਦੇ ਸਾਹਮਣੇ ਕਿਵੇਂ ਐਕਟਿੰਗ ਕਰ ਸਕੇਂਗੀ? ਤੂੰ ਤਾਂ ਰਿਸ਼ਤੇਦਾਰਾਂ ਤੱਕ ਨਾਲ ਗੱਲ ਕਰਨ ਵਿੱਚ ਝਿਜਕਦੀ ਏਂ। ਮੈਨੂੰ ਕੈਮਰੇ ਅਤੇ ਲੋਕਾਂ ਦੇ ਸਾਹਮਣੇ ਸਹਿਜ ਹੋਣ ਵਿੱਚ ਕਾਫੀ ਦਿੱਕਤ ਹੋਈ। ਨਵੀਂ ਚੀਜ਼ਾਂ ਕਰਨ ਤੋਂ ਅੱਜ ਵੀ ਡਰ ਲੱਗਦਾ ਹੈ, ਪਰ ਉਸ ਡਰ ਅਤੇ ਘਬਰਾਹਟ 'ਤੇ ਕਾਬੂ ਕਰਨਾ ਸਿੱਖਣਾ ਪੈਂਦਾ ਹੈ। ਉਸ ਡਰ ਦਾ ਸਾਹਮਣਾ ਉਸੇ ਵਕਤ ਕਰ ਕੇ ਉਸ ਨੂੰ ਖਤਮ ਕਰਨ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ।