* ਇੱਕ ਥਾਣੇਦਾਰ ਸਮੇਤ ਤਿੰਨ ਜਣੇ ਗ੍ਰਿਫਤਾਰ
ਲੁਧਿਆਣਾ, 30 ਜੂਨ (ਪੋਸਟ ਬਿਊਰੋ)- ਪ੍ਰਾਪਰਟੀ ਡੀਲਰ ਦਾ ਅਸ਼ਲੀਲ ਵੀਡੀਓ ਬਣਾ ਕੇ ਉਸ ਨੂੰ ਰੇਪ ਦੀ ਧਮਕੀ ਦੇ ਕੇ ਪੰਜਾਹ ਲੱਖ ਦੀ ਫਿਰੌਤੀ ਮੰਗਣ ਵਾਲੇ ਏ ਐੱਸ ਆਈ ਸਮੇਤ ਤਿੰਨ ਜਣਿਆਂ ਨੂੰ ਪੁਲਸ ਨੇ ਗ੍ਰਿਫਤਾਰ ਕੀਤਾ ਹੈ। ਇਨ੍ਹਾਂ ਦੋਸ਼ੀਆਂ ਦੀ ਪਛਾਣ ਏ ਐੱਸ ਆਈ ਧਰਮਿੰਦਰ ਸਿੰਘ, ਸੁਖਵਿੰਦਰ ਸਿੰਘ ਅਤੇ ਮਨਜੀਤ ਕੌਰ ਵਜੋਂ ਹੋਈ ਹੈ। ਦੋਸ਼ੀਆਂ ਦੇ ਕਬਜ਼ੇ 'ਚੋਂ ਸੱਤ ਲੱਖ ਰੁਪਏ, ਤਿੰਨ ਮੋਬਾਈਲ, ਇੱਕ ਸਪਾਈ ਕੈਮਰਾ ਤੇ ਕਾਰ ਬਰਾਮਦ ਹੋਈ ਹੈ।
ਪੀੜਤ ਵਿਜੇ ਕੁਮਾਰ ਨੇ ਦੱਸਿਆ ਕਿ ਉਹ ਪ੍ਰਾਪਰਟੀ ਡੀਲਰ ਹੈ। ਇੱਕ ਦਿਨ ਮਨਜੀਤ ਕੌਰ ਨਾਂਅ ਦੀ ਮਹਿਲਾ ਪਲਾਟ ਦੇਖਣ ਲਈ ਆਈ ਸੀ। ਵਿਜੇ ਨੇ ਦੱਸਿਆ ਕਿ 24 ਜੂਨ 2019 ਨੂੰ ਮਹਿਲਾ ਨੇ ਦੋਬਾਰਾ ਪਲਾਟ ਦਿਖਾਉਣ ਦੀ ਗੱਲ ਕਹੀ। ਇਸ ਦੇ ਬਾਅਦ ਵਿਜੇ ਉਸ ਨੂੰ ਆਪਣੇ ਦੋਸਤ ਦੀ ਦੁਕਾਨ ਉਤੇ ਲੈ ਗਿਆ ਜਿੱਥੇ ਸਹਿਮਤੀ ਨਾਲ ਸੰਬੰਧ ਬਣਾਏ। ਪੀੜਤ ਨੇ ਦੱਸਿਆ ਕਿ ਇਸ ਦੇ ਬਾਅਦ ਥਾਣਾ ਡਾਬਾ ਦੇ ਏ ਐੱਸ ਆਈ ਧਰਮਿੰਦਰ ਨੇ ਫੋਨ ਕਰ ਕੇ ਕਿਹਾ ਕਿ ਤੂੰ ਇੱਕ ਮਹਿਲਾ ਨਾਲ ਸੰਬੰਧ ਬਣਾਏ ਹਨ, ਜਿਸ ਦੀ ਵੀਡੀਓ ਸਾਡੇ ਕੋਲ ਹੈ ਅਤੇ ਉਹ ਇਸ ਨੂੰ ਵਾਇਰਲ ਕਰਨਗੇ। ਇਸ ਲਈ ਪੰਜਾਹ ਲੱਖ ਰੁਪਏ ਦੇਵੇ ਤਾਂ ਮਾਮਲੇ ਨੂੰ ਦਬਾ ਦੇਣਗੇ। ਇਸ ਦੇ ਬਾਅਦ 10 ਲੱਖ ਵਿੱਚ ਸਮਝੌਤਾ ਹੋਇਆ ਅਤੇ ਸੱਤ ਲੱਖ ਦੇਣ ਲਈ ਦੋਸ਼ੀ ਨੇ ਕਿਹਾ। ਇਸ ਦੇ ਬਾਅਦ ਪੀੜਤ ਦੀ ਸ਼ਿਕਾਇਤ ਦੇ ਬਾਅਦ ਪੁਲਸ ਨੇ ਟ੍ਰੈਪਲ ਲਾ ਕੇ ਸਿਮਰਨ ਪੈਲੇਸ ਦੇ ਨੇੜਿਉਂ ਤਿੰਨਾਂ ਨੂੰ ਕਾਬੂ ਕਰ ਲਿਆ। ਜਾਂਚ ਵਿੱਚ ਪਤਾ ਲੱਗਾ ਹੈ ਕਿ ਮਾਮਲੇ ਦੀ ਪਲਾਨਿੰਗ ਸੁਖਵਿੰਦਰ ਨੇ ਕੀਤੀ ਸੀ, ਜੋ ਮਨਜੀਤ ਕੌਰ ਨੂੰ ਜਾਣਦਾ ਸੀ ਅਤੇ ਏ ਐਸ ਆਈ ਉਸ ਦਾ ਦੋਸਤ ਸੀ। ਮਨਜੀਤ ਨੇ ਕਮਰੇ ਵਿੱਚ ਕੈਮਰਾ ਸੈਟ ਕੀਤਾ ਸੀ, ਜਿਸ ਤੋਂ ਪ੍ਰਾਪਰਟੀ ਡੀਲਰ ਅਤੇ ਮਹਿਲਾ ਦੀ ਫੋਟੋ ਕੈਦ ਹੋ ਗਈ ਅਤੇ ਪ੍ਰਾਪਰਟੀ ਡੀਲਰ ਨੂੰ ਬਲੈਕਮੇਲ ਕੀਤਾ ਜਾ ਸਕੇ।