ਮਿਨੀਆਪੋਲਿਸ, 4 ਜੂਨ (ਪੋਸਟ ਬਿਊਰੋ) : ਜਾਰਜ ਫਲੌਇਡ ਦੀ ਮੈਮੋਰੀਅਲ ਸਰਵਿਸ ਵਿੱਚ ਅੱਜ ਸੈਲੇਬ੍ਰਿਟੀਜ਼, ਸੰਗੀਤਕਾਰਾਂ ਤੇ ਸਿਆਸੀ ਆਗੂਆਂ ਨੇ ਹਿੱਸਾ ਲਿਆ। ਪੁਲਿਸ ਹਿਰਾਸਤ ਵਿੱਚ ਹੋਈ ਫਲੌਇਡ ਦੀ ਮੌਤ ਤੋਂ ਬਾਅਦ ਦੁਨੀਆ ਭਰ ਵਿੱਚ ਰੋਸ ਮੁਜ਼ਾਹਰਿਆਂ ਦਾ ਸਿਲਸਿਲਾ ਸੁ਼ਰੂ ਹੋਇਆ। ਸਿਵਲ ਰਾਈਟਸ ਆਗੂਆਂ ਵੱਲੋਂ ਹੋਕਾ ਦਿੱਤਾ ਜਾ ਰਿਹਾ ਹੈ ਕਿ ਹੁਣ ਸਿਆਹ ਨਸਲ ਦੇ ਲੋਕਾਂ ਖਿਲਾਫ ਧੱਕੇਸ਼ਾਹੀ, ਵਿਤਕਰਾ ਬੰਦ ਕੀਤਾ ਜਾਵੇ।
ਛੇ ਦਿਨਾਂ ਦੇ ਅਰਸੇ ਵਿੱਚ ਤਿੰਨ ਸ਼ਹਿਰਾਂ ਵਿੱਚੋ ਪਹਿਲੀ ਸਰਵਿਸ ਮਿਨੀਆਪੋਲਿਸ ਵਿੱਚ ਨੌਰਥ ਸੈਂਟਰਲ ਯੂਨੀਵਰਸਿਟੀ ਵਿੱਚ ਰੱਖੀ ਗਈ। ਇਸ ਤੋਂ ਕੁਝ ਬਲਾਕ ਦੀ ਦੂਰੀ ੳੱੁਤੇ ਜੱਜ ਵੱਲੋਂ ਫਲੌਇਡ ਦੇ ਕਤਲ ਵਿੱਚ ਮਦਦ ਕਰਨ ਵਾਲੇ ਨੌਕਰੀ ਤੋਂ ਹੱਥ ਧੁਆ ਚੱੁਕੇ ਤਿੰਨ ਪੁਲਿਸ ਅਧਿਕਾਰੀਆਂ ਨੂੰ ਜ਼ਮਾਨਤ ਹਾਸਲ ਕਰਨ ਲਈ 750,000 ਡਾਲਰ ਦਾ ਮੁਚਲਕਾ ਭਰਨ ਲਈ ਆਖਿਆ ਗਿਆ।
ਇਸ ਮੌਕੇ ਸਿਵਲ ਰਾਈਟਸ ਅਧਿਕਾਰਾਂ ਲਈ ਲੜਨ ਵਾਲੇ ਸਮਾਜ ਸੇਵਕ ਜੈਸੇ ਜੈਕਸਨ, ਸੈਨੇਟਰ ਐਮੀ ਲੋਬੁਚਰ, ਕਈ ਹੋਰ ਕਾਂਗਰਸ ਮੈਂਬਰਾਂ, ਰਿਪਬਲਿਕਨਜ਼ ਵਿੱਚੋਂ ਲਹਾਨ ਓਮਰ, ਸ਼ੀਲਾ ਜੈਕਸਨ ਲੀ ਅਤੇ ਅਯਾਨਾ ਪ੍ਰੈਸਲੇ ਨੇ ਹਿੱਸਾ ਲਿਆ। ਇਸ ਸਰਵਿਸ ਵਿੱਚ ਹਿੱਸਾ ਲੈਣ ਵਾਲੀਆਂ ਹੋਰਨਾਂ ਮਹਾਨ ਹਸਤੀਆਂ ਵਿੱਚ ਟੀਆਈ ਲੁਡੈਕ੍ਰਿਸ, ਟਾਇਰੇਸੇ ਗਿਬਸਨ, ਕੈਵਿਨ ਹਾਰਟ, ਟਿਫਨੀ ਹਾਦਿਸ ਤੇ ਮਰਸਾਈ ਮਾਰਟਿਨ ਸ਼ਾਮਲ ਸਨ। ਇਸ ਸਰਵਿਸ ਵਿੱਚ ਹਿੱਸਾ ਲੈਣ ਵਾਲਿਆਂ ਵਿਚੋਂ ਬਹੁਤਿਆਂ ਨੇ ਮਾਸਕ ਪਾਏ ਹੋਏ ਸਨ, ਜਿਨ੍ਹਾਂ ਵਿਚੋਂ ਕਈਆਂ ਉੱਤੇ ਲਿਖਿਆ ਸੀ “ਆਈ ਕੈਨ ਬ੍ਰੀਦ ਨਾਓ।”