ਅਭਿਨੇਤਰੀ ਐਵਲਿਨ ਸ਼ਰਮਾ ਨੂੰ ਲੱਗਦਾ ਹੈ ਕਿ ਲੋਕ ਅੱਜ ਵੀ ਉਸ ਨੂੰ 2014 ਦੀ ਫਿਲਮ ‘ਯਾਰੀਆਂ’ ਦੀ ‘ਸਨੀ ਸਨੀ’ ਗਰਲ ਦੇ ਰੂਪ ਵਿੱਚ ਚੰਗੀ ਤਰ੍ਹਾਂ ਜਾਣਦੇ ਹਨ। ਨਾਲ ਹੀ ਉਸ ਨੇ ਕਿਹਾ ਕਿ ਕਰੀਅਰ ਦੇ ਮੀਲ ਪੱਥਰ ਦਾ ਜਸ਼ਨ ਮਨਾਉਣਾ ਮਹੱਤਵ ਪੂਰਨ ਹੈ। ਉਸ ਨੇ ਯਾਦ ਕੀਤਾ, ‘‘ਬਾਲੀਵੁੱਡ ਵਿੱਚ ਮੇਰੀ ਪਹਿਲੀ ਫਿਲਮ ‘ਫਰਾਮ ਸਿਡਨੀ ਵਿਦ ਲਵ’ ਸੀ। ਕਿੰਨੀ ਮਜ਼ੇਦਾਰ ਗੱਲ ਹੈ ਕਿ ਅੱਜ ਮੈਂ ਪਿਆਰ ਵਿੱਚ ਹਾਂ ਅਤੇ ਸਿਡਨੀ ਦੇ ਇੱਕ ਲੜਕੇ ਨਾਲ ਮੰਗਣੀ ਕਰ ਰਹੀ ਹਾਂ। ਮੈਨੂੰ ਸਫਲਤਾ ਅਯਾਨ ਮੁਖਰਜੀ ਦੀ ਫਿਲਮ ‘ਯੇ ਜਵਾਨੀ ਹੈ ਦੀਵਾਨੀ’ ਵਿੱਚ ਰਣਬੀਰ ਕਪੂਰ ਦੇ ਆਪੋਜ਼ਿਟ ਕੰਮ ਕਰ ਕੇ ਮਿਲੀ ਸੀ, ਜਿਸ ਨੂੰ ਕਰਣ ਜੌਹਰ ਨੇ ਬਣਾਇਆ ਸੀ।”
ਉਸ ਨੇ ਅੱਗੇ ਕਿਹਾ, ‘‘ਵਰੁਣ ਧਵਨ ਦੀ ‘ਮੈਂ ਤੇਰਾ ਹੀਰੋ’ ਜਾਂ ਇਮਤਿਆਜ਼ ਅਲੀ ਦੀ ‘ਜਬ ਹੈਰੀ ਮੇਟ ਸੇਜਲ’ ਵਿੱਚ ਸ਼ਾਹਰੁਖ ਖਾਨ, ਅਨੁਸ਼ਕਾ ਸ਼ਰਮਾ ਵਰਗੀ ਵੱਡੀ ਮਲਟੀ ਕਾਸਟ ਫਿਲਮਾਂ ਦਾ ਹਿੱਸਾ ਬਣਨਾ ਬਹੁਤ ਵਧੀਆ ਰਿਹਾ।” ਉਹ ਕਹਿੰਦੀ ਹੈ ਕਿ ਲੋਕ ਉਸ ਨੂੰ ‘ਸਨੀ ਸਨੀ’ ਗਾਣਾ ਹਮੇਸ਼ਾ ਪਸੰਦ ਰਹੇਗਾ। ਉਸ ਨੇ ਕਿਹਾ, ‘‘ਮੈਨੂੰ ਲੱਗਦਾ ਹੈ ਕਿ ਲੋਕ ਅਜੇ ਵੀ ਮੈਨੂੰ ਫਿਲਮ ‘ਯਾਰੀਆਂ’ ਦੀ ‘ਸਨੀ ਸਨੀ’ ਗਰਲ ਦੇ ਰੂਪ ਵਿੱਚ ਸਭ ਤੋਂ ਚੰਗੀ ਤਰ੍ਹਾਂ ਜਾਣਦੇ ਹਨ ਅਤੇ ਮੈਂ ਇਸ ਗੱਲ ਦੇ ਲਈ ਉਸ ਗੀਤ ਨੂੰ ਹਮੇਸ਼ਾ ਪਸੰਦ ਕਰਾਂਗੀ।” ਅੱਜ ਤੱਕ ਐਵਲਿਨ ਨੇ 15 ਫਿਲਮਾਂ ਵਿੱਚ ਕੰਮ ਕੀਤਾ ਹੈ।