ਅਭਿਨੇਤਰੀ ਕੰਗਨਾ ਰਣੋਤ ਲਾਕਡਾਊਨ ਦੇ ਕਾਰਨ ਆਪਣੇ ਪਰਵਾਰ ਨਾਲ ਫਿਲਹਾਲ ਆਪਣੇ ਹੋਮਟਾਊਨ ਮਨਾਲੀ ਵਿੱਚ ਹੈ। ਉਹ ਮੁੰਬਈ ਨਹੀਂ ਪਰਤੀ। ਉਸ ਦਾ ਮੰਨਣਾ ਹੈ ਕਿ ਲਾਕਡਾਊਨ ਜਦ ਖੁੱਲ੍ਹੇਗਾ ਤੇ ਕੋਰੋਨਾ ਵਾਇਰਸ ਦਾ ਕਹਿਰ ਖਤਮ ਹੋਵੇਗਾ ਤਾਂ ਸਿਨੇਮਾ ਤੇ ਥੀਏਟਰ ਦੇ ਬਿਜਨਸ ਵਿੱਚ ਕਈ ਬਦਲਾਅ ਆਉਣਗੇ। ਲਾਕਡਾਊਨ ਦੇ ਬਾਅਦ ਪਤਾ ਨਹੀਂ ਅਸੀਂ ਕਿਸ ਮੋੜ 'ਤੇ ਖੜੇ ਹੋਵਾਂਗੇ। ਅਜਿਹੇ ਵਿੱਚ ਜ਼ਿੰਦਗੀ ਉਨ੍ਹਾਂ ਨੂੰ ਜਿਸ ਪਾਸੇ ਲੈ ਜਾਏਗੀ, ਉਹ ਚਲੀ ਜਾਏਗੀ।
‘ਮਣੀਕਰਣਿਕਾ : ਦ ਕਵੀਨ ਆਫ ਝਾਂਸੀ’ ਫਿਲਮ ਦਾ ਨਿਰਦੇਸ਼ਨ ਕਰਨ ਪਿੱਛੋਂ ਕੰਗਨਾ ਹੋਰ ਕਈ ਫੀਚਰ ਫਿਲਮਾਂ ਦਾ ਨਿਰਦੇਸ਼ਨ ਕਰਨ ਦੀ ਇੱਛਾ ਰੱਖਦੀ ਹੈ। ਇਸ ਸਾਲ ਦੇ ਸ਼ੁਰੂ ਵਿੱਚ ਕੰਗਨਾ ਨੇ ਆਪਣਾ ਪ੍ਰੋਡਕਸ਼ਨ ਹਾਊਸ ਸ਼ੁਰੂ ਕੀਤਾ ਸੀ, ਜਿਸ ਦੇ ਤਹਿਤ ਉਹ ਆਪਣੇ ਪ੍ਰੋਡਕਸ਼ਨ ਦੀ ਪਹਿਲੀ ਫਿਲਮ ‘ਅਪਰਾਜਿਤ ਅਯੁੱਧਿਆ' ਬਣਾਉਣ ਵਾਲੀ ਹੈ। ਉਸ ਦਾ ਕਹਿਣਾ ਹੈ ਕਿ ਮੈਂ ਖੁਦ ਨੂੰ ਕੰਟੈਂਟ ਕ੍ਰਿਏਟਰ ਵਜੋਂ ਸਥਾਪਤ ਕੀਤਾ ਹੈ। ਡਿਜੀਟਲ ਸਪੇਸ ਵੱਡਾ ਹੋ ਰਿਹਾ ਹੈ। ਅਜਿਹੇ ਵਿੱਚ ਮੈਂ ਕਿਸ ਮਾਧਿਅਮ ਲਈ ਕੰਟੈਂਟ ਬਣਾਵਾਂਗੀ, ਇਹ ਅਜੇ ਤੈਅ ਨਹੀਂ ਕੀਤਾ। ਇਸ ਬਾਰੇ ਲਾਕਡਾਊਨ ਦੇ ਬਾਅਦ ਜ਼ਿੰਦਗੀ ਕਿਵੇਂ ਮੁੜੇਗੀ, ਸਭ ਕੁਝ ਉਸ 'ਤੇ ਨਿਰਭਰ ਕਰੇਗਾ।