ਲਾਕਡਾਊਨ ਵਿੱਚ ਥੋੜ੍ਹੀ ਰਿਆਇਤ ਮਿਲਣ 'ਤੇ ਅਭਿਨੇਤਾ ਅਮਿਤ ਸਾਧ ਫਿਰ ਮੁੰਬਈ ਆ ਗਏ ਹਨ। ਇਸ ਦੀ ਜਾਣਕਾਰੀ ਖੁਦ ਅਮਿਤ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਤੋਂ ਦਿੱਤੀ ਹੈ। ਉਹ ਦੋ ਮਹੀਨੇ ਤੋਂ ਮੁੰਬਈ ਤੋਂ ਦੂਰ ਕਿਤੇ ਪ੍ਰਾਕ੍ਰਿਤੀ ਵਿੱਚ ਸਨ। ਉਨ੍ਹਾਂ ਨੇ ਇਸ ਦਾ ਖੁਲਾਸਾ ਨਹੀਂ ਕੀਤਾ ਕਿ ਉਹ ਕੁਦਰਤੀ ਸਥਾਨ ਕਿਹੜਾ ਸੀ, ਪਰ ਇਹ ਦੱਸਿਆ ਕਿ ਉਹ ਕੁਦਰਤ ਦੀ ਛਾਂ ਵਿੱਚ ਆਪਣੀ ਕਰਮ ਭੂਮੀ ਮੁੰਬਈ ਪਰਤ ਆਏ ਹਨ। ਇੰਨਾ ਹੀ ਨਹੀਂ, ਉਨ੍ਹਾਂ ਨੇ ਰਸਤੇ ਦੀਆਂ ਤਸਵੀਰਾਂ ਆਪਣੇ ਸੋਸ਼ਲ ਮੀਡੀਆ 'ਤੇ ਸਾਂਝੀਆਂ ਕੀਤੀਆਂ ਅਤੇ ਰਾਹ ਵਿੱਚ ਪਿੰਡਾਂ ਨੂੰ ਜਾਂਦੇ ਲੋਕਾਂ ਦਾ ਵੀਡੀਓ ਬਣਾ ਕੇ ਸਾਂਝਾ ਕੀਤਾ ਹੈ। ਰਸਤੇ ਵਿੱਚ ਚਾਹ ਪੀਂਦੇ ਅਤੇ ਦੋਸਤ ਦੇ ਲਿਆਂਦੇ ਖਾਣੇ ਦੇ ਡੱਬੇ ਦੀ ਤਸਵੀਰ ਵੀ ਉਨ੍ਹਾਂ ਸਾਂਝੀ ਕੀਤੀ ਹੈ।
ਗੱਡੀ ਸਾਈਡ ਵਿੱਚ ਲਾ ਕੇ ਆਪਣੇ ਦੋਸਤ ਦੇ ਨਾਲ ਖਾਣੇ ਦਾ ਡੱਬਾ ਖੋਲ੍ਹਦੇ ਹੋਏ ਅਤੇ ਫਿਰ ਉਨ੍ਹਾਂ ਤੋਂ ਵਿਦਾ ਲੈਂਦੇ ਹੋਏ ਅਮਿਤ ਨੇ ਲਿਖਿਆ, ‘ਮੈਨੂੰ ਉਹ ਦਿਨ ਯਾਦ ਹੈ, ਜਦ ਮੇਰਾ ਦੋਸਤ ਸਕੂਲ ਵਿੱਚ ਸਰਪ੍ਰਾਈਜ਼ ਡੱਬਾ ਖੋਲ੍ਹਦਾ ਸੀ। ਉਸ ਵਿੱਚ ਹਮੇਸ਼ਾ ਸਪੈਸ਼ਲ ਡਿਸ਼ ਹੁੰਦੀ ਸੀ। ਅੱਜ ਫਿਰ ਜਦ ਮੈਂ ਆਪਣੇ ਪਿੰਡ ਤੋਂ ਆਪਣੀ ਕਰਮ ਭੂਮੀ ਮੰੁਬਈ ਵੱਲ ਜਾ ਰਿਹਾ ਸੀ, ਤਦ ਮੇਰਾ ਦੋਸਤ ਮੇਰੇ ਲਈ ਸਰਪ੍ਰਾਈਜ਼ ਡੱਬਾ ਲੈ ਕੇ ਆਇਆ, ਜਿਸ ਵਿੱਚ ਆਲੂ ਪੂੜੀ ਤੇ ਹਲਵਾ ਸੀ।’ ਅਮਿਤ ਦੀ ਅਗਲੀ ਫਿਲਮ ‘ਸ਼ਕੁੰਤਲਾ ਦੇਵੀ’ ਹੈ। ਇਹ ਫਿਲਮ ਡਿਜੀਟਲ 'ਤੇ ਰਿਲੀਜ਼ ਹੋ ਰਹੀ ਹੈ।