ਵਾਸ਼ਿੰਗਟਨ, 5 ਨਵੰਬਰ (ਪੋਸਟ ਬਿਊਰੋ)- ਸਊਦੀ ਅਰਬ ਦੇ ਤੁਰਕੀ ਵਾਲੇ ਕੌਂਸਲੇਟ ਵਿੱਚ ਮਾਰ ਦਿੱਤੇ ਗਏ ਪੱਤਰਕਾਰ ਜਮਾਲ ਖਸ਼ੋਗੀ ਦੇ ਪੁੱਤਰਾਂ ਨੇ ਸਊਦੀ ਅਰਬ ਦੇ ਅਧਿਕਾਰੀਆਂ ਤੋਂ ਅਪਣੇ ਪਿਤਾ ਦੀ ਲਾਸ਼ ਦੀ ਮੰਗ ਕੀਤੀ ਹੈ ਤਾਂ ਜੋ ਉਨ੍ਹਾਂ ਦਾ ਪਰਵਾਰ ਯੋਗ ਤਰੀਕੇ ਨਾਲ ਉਨ੍ਹਾਂ ਦੀ ਮੌਤ ਦਾ ਸੋਗ ਮਨਾ ਸਕੇ।
ਤੁਰਕੀ ਵਿਚ ਦੋ ਅਕਤੂਬਰ ਨੂੰ ਸਊਦੀ ਅਰਬ ਦੀ ਇਕ ਟੀਮ ਨੇ ਦੇਸ਼ ਦੇ ਵਪਾਰ ਕੌਂਸਲੇਟ ਦੇ ਅੰਦਰ ਖਸ਼ੋਗੀ ਦੀ ਹੱਤਿਆ ਕਰ ਦਿਤੀ ਸੀ। ਤੁਰਕੀ ਦੇ ਰਾਸ਼ਟਰਪਤੀ ਨੇ ਕਿਹਾ ਕਿ ਇਸ ਹੱਤਿਆ ਦਾ ਆਦੇਸ਼ ਸਊਦੀ ਅਰਬ ਸਰਕਾਰ ਦੇ ‘ਉੱਛ ਪੱਧਰ` ਅਫਸਰਾਂ ਨੇ ਦਿਤਾ ਸੀ। ਖਸ਼ੋਗੀ ਦੇ ਪੁੱਤਰ ਅਬਦੁੱਲਾ ਖਸ਼ੋਗੀ ਨੇ ਵਾਸ਼ਿੰਗਟਨ ਦੇ ਅਮਰੀਕੀ ਟੈਲੀਵਿਜਨ ਨੈੱਟਵਰਕ ਨੂੰ ਦੱਸਿਆ ਕਿ ‘ਮੈਨੂੰ ਉਂਮੀਦ ਹੈ ਕਿ ਜੋ ਕੁਝ ਵੀ ਹੋਇਆ, ਉਹ ਉਨ੍ਹਾਂ ਲਈ ਦੁਖਦਾਈ ਨਹੀਂ ਰਿਹਾ ਹੋਣਾ ਜਾਂ ਇਹ ਜਲਦਬਾਜੀ ਵਿਚ ਹੋਇਆ ਹੋਵੇਗਾ ਜਾਂ ਉਨ੍ਹਾਂ ਨੂੰ ਸ਼ਾਂਤੀਪੂਰਨ ਮੌਤ ਮਿਲੀ ਹੋਵੇਗੀ’ ਉਨ੍ਹਾਂ ਦੇ ਭਰਾ ਸਾਲੇਹ ਨੇ ਕਿਹਾ ਕਿ ‘ਇਸ ਸਮੇਂ ਅਸੀਂ ਸਿਰਫ ਇਹ ਚਾਹੁੰਦੇ ਹਾਂ ਕਿ ਅਸੀ ਉਨ੍ਹਾਂ ਦੇ ਪੂਰੇ ਪਰਵਾਰ ਨਾਲ ਮਦੀਨੇ ਦੇ ਅਲ ਬਾਕੀ ਵਿਚ ਉਨ੍ਹਾਂ ਨੂੰ ਹਵਾਲੇ-ਏ-ਮਿੱਟੀ ਕਰ ਸਕੀਏ।` ਉਨ੍ਹਾਂ ਨੇ ਕਿਹਾ, ‘ਮੈਂ ਇਸ ਬਾਰੇ ਸਊਦੀ ਅਰਬ ਦੇ ਅਧਿਕਾਰੀਆਂ ਨਾਲ ਗੱਲ ਕੀਤੀ ਹੈ ਅਤੇ ਮੈਨੂੰ ਆਸ ਹੈ ਕਿ ਇਹ ਛੇਤੀ ਹੋ ਜਾਵੇਗਾ।` ਤੁਰਕੀ ਦੇ ਮੁੱਖ ਵਕੀਲ ਨੇ ਹਾਲ ਵਿਚ ਕਿਹਾ ਸੀ ਕਿ ਖਸ਼ੋਗੀ ਜਦੋਂ ਹੀ ਵਪਾਰ ਕੌਂਸਲੇਟ ਦੇ ਅੰਦਰ ਪੁੱਜੇ, ਉਨ੍ਹਾਂ ਦਾ ਗਲ ਘੁੱਟ ਦਿਤਾ ਗਿਆ। ਉਨ੍ਹਾਂ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਕਿ ਉਨ੍ਹਾਂ ਦੀ ਲਾਸ਼ ਦੇ ਟੁਕੜੇ ਕੀਤੇ ਗਏ ਸਨ। ਤੁਰਕੀ ਦੇ ਰਾਸ਼ਟਰਪਤੀ ਰਜ਼ਬ ਤਇਬ ਐਰਦੋਆਨ ਦੇ ਸਲਾਹਕਾਰ ਯਾਸਿਨ ਆਕਤੇ ਨੇ ਸ਼ੁੱਕਰਵਾਰ ਇੱਕ ਲੇਖ ਵਿਚ ਸ਼ੱਕ ਕੀਤਾ ਕਿ ਹੋ ਸਕਦਾ ਹੈ ਕਿ ਉਨ੍ਹਾਂ ਦੀ ਲਾਸ਼ ਤੇਜ਼ਾਬ ਵਿਚ ਖਤਮ ਕਰ ਦਿਤੀ ਹੋਵੇ ।