ਮੰਦਸੌਰ, 6 ਅਪ੍ਰੈਲ (ਪੋਸਟ ਬਿਊਰੋ)- ਕੋਰੋਨਾ ਦੀ ਮਹਾਮਾਰੀ ਜਦੋਂ ਸਭ ਤੋਂ ਵੱਡੀ ਚੁਣੌਤੀ ਬਣ ਗਈ ਹੈ, ਓਦੋਂ ਇੱਕ ਤੋਂ ਇੱਕ ਵੱਧ ਕੇ ਕ੍ਰਿਏਟਿਵ ਲੋਕ ਸਾਹਮਣੇ ਆ ਰਹੇ ਹਨ।
ਮੱਧ ਪ੍ਰਦੇਸ਼ ਦੇ ਮੰਦਸੌਰ ਦੇ ਨਾਹਰੂ ਖਾਨ ਨੇ 62 ਸਾਲ ਦੀ ਉਮਰ ਵਿੱਚ ਯੂ-ਟਿਊਬ 'ਤੇ ਵੀਡੀਓ ਦੇਖ ਕੇ 48 ਘੰਟੇ ਦੇ ਅੰਦਰ ਆਟੋਮੈਟਿਕ ਸੈਨੀਟਾਈਜਿੰਗ ਮਸ਼ੀਨ ਬਣਾ ਲਈ। ਉਸ ਦੀ ਇਸ ਖੋਜ ਤੋਂ ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਵੀ ਬਹੁਤ ਖੁਸ਼ ਹੋਏ ਹਨ। ਨਾਹਰੂ ਖਾਨ ਨੇ ਇਸ ਮਸ਼ੀਨ ਨੂੰ ਮੰਦਸੌਰ ਦੇ ਇੰਦਰਾ ਗਾਂਧੀ ਜ਼ਿਲਾ ਹਸਪਤਾਲ ਵਿੱਚ ਡੋਨੇਟ ਕਰ ਦਿੱਤਾ ਹੈ। ਵਰਨਣ ਯੋਗ ਹੈ ਕਿ ਨਾਹਰੂ ਖਾਨ ਦੀ ਉਮਰ 62 ਸਾਲ ਹੈ, ਪਰ ਕੋਰੋਨਾ ਨਾਲ ਸਿੱਝਣ ਲਈ ਦਿਨ-ਰਾਤ ਲੱਗੇ ਰਹਿੰਦੇ ਹਨ। ਅਜੇ ਤੱਕ ਮੰਦਸੌਰ ਜ਼ਿਲੇ ਦੇ ਹਸਪਤਾਲ ਵਿੱਚ ਲੋਕ ਸੈਨੇਟਾਈਜਰ ਨਾਲ ਹੱਥ ਸਾਫ ਕਰਦੇ ਸਨ। ਨਾਹਰੂ ਖਾਨ ਨੇ ਫੁਲ ਬਾਡੀ ਸੈਨੇਟਾਈਜ ਕਰਨ ਦੇ ਲਈ ਇੱਕ ਆਟੋਮੈਟਿਕ ਸੈਨੇਟਾਈਜਿੰਗ ਮਸ਼ੀਨ ਬਣਾਈ ਹੈ।