ਮੁੰਬਈ, 5 ਅਪ੍ਰੈਲ (ਪੋਸਟ ਬਿਊਰੋ)- ਕੋਰੋਨਾ ਵਾਇਰਸ ਨੂੰ ਕੰਟਰੋਲ ਕਰਨ ਲਈ ਬਣਾਏ ਜਾ ਰਹੇ ਡਰੱਗਸ ਦੇ ਟਰਾਇਲ ਇਸ ਸਮੇਂ ਚੀਨ ਜਾਂ ਅਮੀਰ ਦੇਸ਼ਾਂ ਵਿੱਚ ਕੀਤੇ ਜਾ ਰਹੇ ਹਨ, ਪਰ ਇੱਕ ਅਜਿਹਾ ਵਿਸ਼ਵ ਪੱਧਰੀ ਗਠਜੋੜ ਬਣਿਆ ਹੈ, ਜੋ ਇਨ੍ਹਾਂ ਡਰੱਗ ਦੇ ਕਲੀਨੀਕਲ ਟਾਰਇਲ ਮੱਧ ਤੇ ਘੱਟ ਆਮਦਨ ਵਾਲੇ ਦੇਸ਼ਾਂ 'ਚ ਵੀ ਕਰਨ 'ਚ ਮਦਦ ਕਰੇਗਾ। ਆਰਥਿਕ ਮਦਦ ਦੇਣ ਵਾਲੇ ਸੰਗਠਨਾਂ, ਸਰਕਾਰੀ ਏਜੰਸੀਆਂ ਅਤੇ ਸਿਖਿਅਕ ਸੰਸਥਾਵਾਂ ਦਾ ਇਹ ਗਠਜੋੜ ਸਾਰੇ ਦੇਸ਼ਾਂ ਤੋਂ ਅੰਕੜੇ ਇਕੱਠੇ ਕਰੇਗਾ ਤੇ ਇੱਕ ਦੂਜੇ ਨੂੰ ਰੀਅਲ ਟਾਈਮ 'ਚ ਵੰਡੇਗਾ, ਜਿਸ ਨਾਲ ਡਬਲਯੂ ਐਚ ਓ ਅਤੇ ਦੇਸ਼ ਤੱਥਾਂ ਦੇ ਆਧਾਰ 'ਤੇ ਜਲਦੀ ਫੈਸਲਾ ਲੈ ਕੇ ਨਵੀਆਂ ਨੀਤੀਆਂ ਬਣਾ ਸਕਣਗੇ।
ਇਸ ਗਠਜੋੜ ਦਾ ਹਿੱਸਾ ਬਣੇ ਇੱਕ ਸੰਗਠਨ ਡਰੱਗ ਨੈੱਟਵਰਕ ਫਾਰ ਨੈਗਲੈਕਟਿਡ ਡਿਜੀਜ਼ ਦੇ ਇੰਡੀਆ ਹੈਡ ਸੁਮਨ ਰਿਜਵਾਲ ਨੇ ਦੱਸਿਆ ਕਿ ਕੋਵਿਡ-19 ਲਈ ਬਹੁਤੇ ਟਰਾਇਲ ਚੀਨ, ਦੱਖਣੀ ਕੋਰੀਆ, ਅਮਰੀਕਾ ਅਤੇ ਯੂਰਪ 'ਚ ਹੋ ਰਹੇ ਹਨ ਜਦ ਕਿ ਘੱਟ ਸੋਮਿਆਂ ਵਾਲੇ ਦੇਸ਼ਾਂ 'ਚ ਇਹ ਟਰਾਇਲ ਨਹੀਂ ਹੋ ਰਹੇ। ਇਸ ਦਾ ਅਰਥ ਇਹ ਹੈ ਕਿ ਇਨ੍ਹਾਂ ਟਰਾਇਲ ਨਾਲ ਮਿਲਣ ਵਾਲੇ ਲਾਭਾਂ ਤੱਕ ਇਨ੍ਹਾਂ ਦੇਸ਼ਾਂ ਦੀ ਪਹੁੰਚ ਹੀ ਨਹੀਂ ਹੋ ਸਕਦੀ। 24 ਮਾਰਚ 2020 ਤੱਕ ਉਨ੍ਹਾਂ ਦੇਸ਼ਾਂ 'ਚ 536 ਕਲੀਨੀਕਲ ਟਰਾਇਲ ਰਜਿਸਟਰ ਕੀਤੇ ਗਏ। ਅਫਰੀਕਾ, ਦੱਖਣ ਅਤੇ ਦੱਖਣ ਪੂਰਬ ਏਸ਼ੀਆ, ਸੈਂਟਰਲ ਅਮਰੀਕਾ ਅਤੇ ਦੱਖਣੀ ਅਮਰੀਕਾ 'ਚ ਅਜਿਹੇ ਟਰਾਇਲ ਨਾਂ ਲਈ ਹੋਏ ਹਨ। ਗਠਜੋੜ ਅਨੁਸਾਰ ਭਾਰਤ ਡਬਲਯੂ ਐੱਚ ਓ ਦੇ ਸਾਲਿਡੈਰਿਟੀ ਟਰਾਇਲ ਵਿੱਚ ਹਿੱਸੇਦਾਰ ਬਣਾਇਆ ਹੈ। ਇਸ ਟਰਾਇਲ ਵਿੱਚ ਕੋਵਿਡ-19 ਦੇ ਇਲਾਜ ਲਈ ਤਿਆਰ ਕੀਤੇ ਪੰਜ ਡਰੱਗਸ ਦੀ ਪ੍ਰਭਾਵਸ਼ੀਲਤਾ ਪਰਖੀ ਜਾਵੇਗੀ।