ਸਮੱਗਰੀ-ਸ਼ਕਰਕੰਦੀ-1, ਪਿਆਜ਼ 1 ਬਰੀਕ ਕੱਟਿਆ ਹੋਇਆ, ਟਮਾਟਰ ਇੱਕ ਬਰੀਕ ਕੱਟਿਆ ਹੋਇਆ, ਹਰੀਆਂ ਮਿਰਚਾਂ ਦੋ ਬਰੀਕ ਕੱਟੀਆਂ ਹੋਈਆਂ, ਲੱਸਣ ਦਾ ਪੇਸਟ ਇੱਕ ਚਮਚ, ਅਦਰਕ ਦਾ ਪੇਸਟ ਇੱਕ ਚਮਚ, ਜੀਰਾ ਇੱਕ ਚਮਚ, 1/4 ਹਲਦੀ ਪਾਊਡਰ, ਇੱਕ ਚਮਚ ਧਨੀਆ ਪਾਊਡਰ, ਜੀਰਾ ਪਾਊਡਰ ਇੱਕ ਚਮਚ, ਅਮਚੂਰ ਪਾਊਡਰ ਇੱਕ ਚਮਚ, ਤੇਲ ਛੋਟਾ ਚਮਚ, ਧਨੀਆ ਬਰੀਕ ਕੱਟਿਆ ਹੋਇਆ, ਨਮਕ ਸਵਾਦ ਅਨੁਸਾਰ।
ਵਿਧੀ-ਸ਼ਕਰਕੰਦੀ ਨੂੰ ਸਾਫ ਕਰੋ ਅਤੇ ਇਸ ਨੂੰ ਗੋਲ ਟੁਕੜਿਆਂ ਵਿੱਚ ਕੱਟੋ। ਇੱਕ ਕੜਾਹੀ 'ਚ ਤੇਲ ਗਰਮ ਕਰੋ, ਇਸ 'ਚ ਜੀਰਾ, ਅਦਰਕ ਤੇ ਲਸਣ ਦਾ ਪੇਸਟ ਪਾਉ, ਭੁੰਨਣ ਮਗਰੋਂ ਪਿਆਜ਼ ਅਤੇ ਟਮਾਟਰ ਮਿਲਾਉ। ਜਦੋਂ ਪਿਆਜ਼ ਅਤੇ ਟਮਾਟਰ ਪੱਕ ਜਾਣ ਤਾਂ ਇਸ ਵਿੱਚ ਪਾਣੀ ਮਿਲਾਉ ਤੇ ਮਸਾਲੇ ਚੰਗੀ ਤਰ੍ਹਾਂ ਪਕਾਉ। ਇਸ ਪਿੱਛੋਂ ਸ਼ਕਰਕੰਦੀ ਦੇ ਟੁਕੜੇ ਮਿਲਾਓ ਅਤੇ 1/4 ਕੱਪ ਪਾਣੀ ਪਾਉ। ਸ਼ਕਰਕੰਦੀ ਨੂੰ ਉਦੋਂ ਤੱਕ ਪਕਾਉ, ਜਦੋਂ ਤੱਕ ਇਹ ਪੂਰੀ ਤਰ੍ਹਾਂ ਪੱਕ ਨਾ ਜਾਵੇ। ਪਾਣੀ ਪਾਉਣ ਤੋਂ ਪਹਿਲਾਂ ਸਾਰੇ ਮਸਾਲੇ ਸ਼ਾਮਲ ਕਰਨਾ ਨਾ ਭੁੱਲੋ। ਤੁਹਾਡੀ ਸ਼ਕਰਕੰਦੀ ਦੀ ਸਬਜ਼ੀ ਤਿਆਰ ਹੈ, ਇਸ ਨੂੰ ਚਾਵਲ ਜਾਂ ਰੋਟੀ ਨਾਲ ਖਾਉ।