ਔਰਤਾਂ ਆਪਣੇ ਹੱਕ ਦੀ ਲੜਾਈ ਲੜ ਰਹੀਆਂ ਹਨ, ਬਰਾਬਰੀ ਦਾ ਦਰਜਾ ਮੰਗ ਰਹੀਆਂ ਹਨ, ਅਜਿਹੇ ਵਿੱਚ ਖਿਲਾੜੀ ਅਕਸ਼ੈ ਕੁਮਾਰ ਦਾ ਕਹਿਣਾ ਹੈ ਕਿ ਉਹ ਮਹਿਲਾ-ਪੁਰਸ਼ਾਂ ਨੂੰ ਇੱਕ ਸਮਾਨ ਨਜ਼ਰ ਨਾਲ ਦੇਖਦੇ ਹਨ। ਉਹ ਦੋਵਾਂ ਵਿੱਚ ਕੋਈ ਭੇਦ-ਭਾਵ ਕਰਨਾ ਪਸੰਦ ਨਹੀਂ ਕਰਦੇ।
ਅਕਸ਼ੈ ਦਾ ਕਹਿਣਾ ਹੈ ਕਿ ਉਹ ‘ਦੁਰਗਾਵਤੀ' ਫਿਲਮ ਬਣਾ ਰਹੇ ਹਨ। ਉਹ ਇਸ ਨੂੰ ਮਹਿਲਾ ਪ੍ਰਧਾਨ ਫਿਲਮ ਦੇ ਨਜ਼ਰੀਏ ਨਾਲ ਨਹੀਂ ਦੇਖਦੇ। ਉਨ੍ਹਾਂ ਲਈ ਸਿਰਫ ਕਹਾਣੀ ਮਾਇਨੇ ਰੱਖਦੀ ਹੈ। ਉਹ ਇਸਤਰੀ ਹੋਵੇ ਜਾਂ ਪੁਰਸ਼, ਦੋਵਾਂ ਨੂੰ ਬਰਾਬਰੀ ਦਾ ਦਰਜਾ ਦੇਣ ਵਿੱਚ ਯਕੀਨ ਰੱਖਦੇ ਹਨ। ਅਕਸ਼ੈ ਦਾ ਕਹਿਣਾ ਹੈ ਕਿ ਮੈ ਮਹਿਲਾ ਸ਼ਕਤੀਕਰਨ ਦੀ ਗੱਲ ਨਹੀਂ ਕਰਦਾ। ਇਹ ਸਮਾਜਕ ਚੀਜ਼ਾਂ ਹਨ। ਮਹਿਲਾ ਅਤੇ ਪੁਰਸ਼ ਦੋਵੇਂ ਮੋਢੇ ਨਾਲ ਮੋਢਾ ਮਿਲਾ ਕੇ ਕੰਮ ਕਰ ਰਹੇ ਹਨ ਅਤੇ ਉਹ ਬਰਾਬਰੀ ਦੇ ਹੱਕਦਾਰ ਹਨ। ਮੈਂ ਦੋਵਾਂ ਨੂੰ ਇੱਕੋ ਜਿਹਾ ਦਰਜਾ ਦਿੰਦਾ ਹਾਂ।