ਫਿਲਮ ‘ਪ੍ਰਿਥਵੀਰਾਜ’ ਨਾਲ ਹਿੰਦੀ ਫਿਲਮਾਂ ਵਿੱਚ ਡੈਬਿਊ ਕਰਨ ਵਾਲੀ ਮਾਨੁਸ਼ੀ ਛਿੱਲਰ ਨੇ ਆਪਣੇ ਪਹਿਲੇ ਗਾਣੇ ਦੀ ਸ਼ੂਟਿੰਗ ਪੂਰੀ ਕਰ ਲਈ ਹੈ। ਫਿਲਮ ਵਿੱਚ ਅਕਸ਼ੈ ਕੁਮਾਰ ਪ੍ਰਿਥਵੀਰਾਜ ਚੌਹਾਨ ਦੀ ਭੂਮਿਕਾ ਨਿਭਾਅ ਰਹੇ ਹਨ, ਜਦ ਕਿ ਮਾਨੁਸ਼ੀ ਸੰਯੋਗਿਤਾ ਦੀ। ਸਾਲ 2017 ਵਿੱਚ ਮਿਸ ਵਰਲਡ ਚੁਣੀ ਗਈ ਮਾਨੁਸ਼ੀ ਕੁਚੀਪੁੜੀ ਦੀ ਟ੍ਰੇਂਡ ਡਾਂਸਰ ਵੀ ਹੈ। ਉਸ ਨੇ ਰਾਜਾ ਅਤੇ ਰਾਧਾ ਰੈਡੀ ਤੇ ਕੌਸ਼ੱਲਿਆ ਰੈਡੀ ਤੋਂ ਸਿਖਲਾਈ ਲਈ ਹੈ। ਕੁਚੀਪੁੜੀ ਦਾ ਦੂਜਾ ਨਾਂਅ ਮੰਨੇ ਜਾਣ ਵਾਲੇ ਰਾਜਾ ਅਤੇ ਰਾਧਾ ਨੂੰ ਭਾਰਤ ਸਰਕਾਰ ਵੱਲੋਂ ਪਦਮਸ੍ਰੀ ਤੇ ਪਦਮ ਭੂਸ਼ਣ ਨਾਲ ਸਨਮਾਨਿਤ ਕੀਤਾ ਜਾ ਚੁੱਕਿਆ ਹੈ।
ਮਾਨੁਸ਼ੀ ਨੇ ਦੱਸਿਆ ਕਿ ਬਚਪਨ 'ਚ ਸ਼ਾਸਤਰੀ ਨ੍ਰਿਤ 'ਚ ਮਿਲੀ ਸਿਖਲਾਈ ਨੇ ਯਕੀਨੀ ਤੌਰ 'ਤੇ ‘ਪ੍ਰਿਥਵੀਰਾਜ ਚੌਹਾਨ’ ਲਈ ਮੇਰੀ ਮਦਦ ਕੀਤੀ ਹੈ। ਮੈਂ ਆਪਣੇ ਮਾਤਾ-ਪਿਤਾ ਦੀ ਸ਼ੁਕਰਗੁਜ਼ਾਰ ਹਾਂ ਕਿ ਉਸ ਵੇਲੇ ਉਨ੍ਹਾਂ ਨੇ ਮੇਰੇ ਉਤੇ ਡਾਂਸਿੰਗ ਲਈ ਦਬਾਅ ਪਾਇਆ, ਕਿਉਂਕਿ ਅੱਜ ਮੈਂ ਜਦੋਂ ਇਨ੍ਹਾਂ ਵੱਡੇ ਗੀਤਾਂ 'ਤੇ ਪ੍ਰਫਾਰਮ ਕਰਨਾ ਸੀ ਤਾਂ ਉਸ ਦੇ ਪੈਮਾਨੇ ਤੇ ਸਟੈੱਪਸ ਦੇਖ ਕੇ ਯਕੀਨੀ ਤੌਰ 'ਤੇ ਖੁਸ਼ ਸੀ, ਪਰ ਰਿਹਰਸਲ ਦੌਰਾਨ ਮੈਨੂੰ ਆਤਮ ਵਿਸ਼ਵਾਸ ਮਹਿਸੂਸ ਹੋਣ ਲੱਗਿਆ ਸੀ। ਮੈਂ ਯਕੀਨ ਸੀ ਕਿ ਮੈਂ ਇਹ ਕਰ ਸਕਦੀ ਹਾਂ ਤੇ ਮੈਂ ਪਹਿਲਾਂ ਜੋ ਕੁਝ ਵੀ ਸਿਖਿਆ ਸੀ, ਉਹ ਸਭ ਮੇਰੇ ਕੋਲ ਵਾਪਸ ਆ ਗਿਆ। ਮੇਰੇ ਨਿਰਦੇਸ਼ਕ ਤੇ ਕੋਰੀਓਗਰਾਫਰ ਮੇਰੇ ਪ੍ਰਦਰਸ਼ਨ ਤੋਂ ਖੁਸ਼ ਸਨ ਤੇ ਇਸ ਗੱਲ ਨਾਲ ਮੈਂ ਵੀ ਖੁਸ਼ ਸੀ। ਇਹ ਮੇਰੇ ਲਈ ਕਾਫੀ ਮਾਇਨੇ ਰੱਖਦਾ ਹੈ।