ਸਮੱਗਰੀ-ਇੱਕ ਚਮਚ ਘਿਓ, 30 ਗਰਾਮ ਬਾਦਾਮ, ਤੀਹ ਗਰਾਮ ਕਾਜੂ, ਕਿਸ਼ਮਿਸ਼, 30 ਮਿਲੀਲੀਟਰ ਘਿਓ, ਕੱਦੂਕਸ ਕੀਤਾ ਹੋਇਆ ਪਨੀਰ 500 ਗਰਾਮ, 200 ਮਿਲੀਲੀਟਰ ਦੁੱਧ, ਖੋਇਆ 200 ਗਰਾਮ, 1/4 ਟੀ ਸਪੂਨ ਕੇਸਰ, 100 ਗੁੜ ਪਾਊਡਰ, ਇਲਾਇਚੀ ਪਾਊਡਰ 1/4 ਟੀ ਸਪੂਨ, ਪਿਸ਼ਤਾ ਸਜਾਵਟ ਲਈ।
ਵਿਧੀ- ਸਭ ਤੋਂ ਪਹਿਲਾਂ ਇੱਕ ਪੈਨ 'ਚ ਇੱਕ ਟੇਬਲ ਸਪੂਨ ਘਿਓ ਗਰਮ ਕਰੋ, ਇਸ 'ਚ 30 ਗਰਾਮ ਬਾਦਾਮ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਇਸ ਤੋਂ ਬਾਅਦ 30 ਗਰਾਮ ਕਾਜੂ, 30 ਗਰਾਮ ਕਿਸ਼ਮਿਸ਼ ਪਾਓ ਅਤੇ ਹਲਕੇ ਸੇਕ 'ਤੇ ਤਿੰਨ ਤੋਂ ਪੰਜ ਮਿੰਟ ਤੱਕ ਭੁੰਨੋ। ਮਿਕਸਚਰ ਨੂੰ ਭੁੰਨੋ, ਜਦੋਂ ਤੱਕ ਇਹ ਸੁਨਹਿਰੀ ਭੂਰੇ ਰੰਗ ਦਾ ਨਾ ਹੋ ਜਾਵੇ। ਫਿਰ ਇਸ ਨੂੰ ਇੱਕ ਪਾਸੇ ਰੱਖ ਦਿਓ। ਫਿਰ ਇੱਕ ਕੜਾਹੀ ਲਓ, ਉਸ ਵਿੱਚ ਤੀਹ ਮਿਲੀਲੀਟਰ ਘਿਓ ਗਰਮ ਕਰੋ, ਉਸ 'ਚ 500 ਗਰਾਮ ਕੱਦੂਕਸ ਕੀਤਾ ਹੋਇਆ ਪਨੀਰ ਪਾਓ ਅਤੇ ਚੰਗੀ ਤਰ੍ਹਾਂ ਮਿਲਾਓ। ਫਿਰ 200 ਮਿਲੀਲੀਟਰ ਦੁੱਧ ਪਾਓ ਅਤੇ ਉਸ ਨੂੰ ਚੰਗੀ ਤਰ੍ਹਾਂ ਮਿਲਾਓ, ਫਿਰ ਉਸ ਨੂੰ ਉਬਾਲ ਲਓ। ਇਸ ਵਿੱਚ 200 ਗਰਾਮ ਖੋਇਆ ਪਾ ਕੇ ਚੰਗੀ ਤਰ੍ਹਾਂ ਨਾਲ ਮਿਲਾਓ। ਫਿਰ ਹਲਕੇ ਸੇਕ 'ਤੇ ਪੰਜ-ਸੱਤ ਮਿੰਟ ਦੇ ਲਈ ਕੁੱਕ ਕਰੋ। ਇਸ ਤੋਂ ਬਾਅਦ 1/4 ਟੀ ਸਪੂਨ ਕੇਸ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਫਿਰ 100 ਗਰਾਮ ਗੁੜ ਪਾਊਡਰ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ। ਸਾਰੇ ਮਿਕਸਚਰ ਨੂੰ ਹਲਕੇ ਸੇਕ 'ਤੇ ਪੰਜ-ਸੱਤ ਮਿੰਟ ਤੱਕ ਪਕਾਓ। ਹਲਕੇ ਸੇਕ 'ਤੇ ਤਿੰਨ ਤੋਂ ਪੰਜ ਮਿੰਟ ਕੁੱਕ ਕਰੋ। ਡਿਸ਼ ਬਣ ਕੇ ਤਿਆਰ ਹੈ, ਪਿਸਤਾ ਗਾਰਨਿਸ਼ ਕਰ ਕੇ ਪਾਓ।